اسمي هبه بدت حياتي حلوه بعائله متكاتفه وام واب تقريبا منسجمين اني الكبيره عدهم والي معزه خاصه بگلب بابا وماما اخويه معد اصغر ب 4 سنوات وافنان اصغرنا اصغر من معد ب سنتين ابويه خريج معهد قضاة وامي موظفه بوزارة التجاره
ابوبه من اهل العماره وامي م̷ـــِْن اهل بغداد اتعرف عليها من كان يدرس ب بغداد صحيح هي مو جميله لدرجه تعجب الشخص المقابل واجذبه بس انعجب باخلاقها وثقافتها واتعلق بيها وازوجوا وسكنوا بغداد اهلها متوفين عدها اخو واحد مهاجر لكندا ومجنس هناك وباقي ع اتصال وياها
امي وگفة وياه م̷ـــِْن كان طالب ومن ازوجها كانت حريصه ع دراسته وعلى وضعه المادي بدت وياه م̷ـــِْن ااصفر واتحملت الظروف الى ان انفتحت بوجههم ووگفوا ع حيلهم
مرت الايام الحلوه بسرعه محسينا بيها كانت تمشي واحنا نكبر بجاه الوالد والوالده ابويه من النوع الي مو اجتماعي وﮔلبه ميت يعني علاقات ويه الاهل وزيارات معدومه
كنا نادرا منشوف اهله يجوه وهو نادرا مياخذنا اتربينا ع انو ه̷̷َـَْـُذآ الشي طبيعي واعتدنا عليه حتى ويه بقية الناس علاقاتنا محدوده واني انغرست بيه هيج قيم جنت اشبها هوايه بالتصرفات اعتبره قدوه اقلده دون وعي علاقاتي ويه صديقاتي قليل مجامله شبه معدومه الي يشوفني يحس انو اني مغروره بس العكس كانت هاي تربيتي والي اتعودت عليه
قبل السقوط دخل بابا دورة قضاة وصار قاضي كنت صف ثاني متوسط بديت ابلغ وملامحي تحلو اشبه ابويه بالبياض والعيون الكبار وجهي دائري وهاي ميزه ضايفه هوايه جمال
كان يﮔلي انَـỲǑŲـْتي احلى وحده بالعشيره وفعلا الماشي عد اعمامي بت صلاح احلى وحده بالعشيره
استقر ابويه بمنصبه الجديد وصار قاضي وضعنا المادي تحسن اكثر ومن صار السقوط الامتيازات زادت والحمايه بالباب صرنا اجتماعيا احسن تغير كولشي
ووصل التغيير لعلاقة بابا وماما صارت جافه وتوترات بابا هوايه تارك البيت
ومن تسأله ماما تگب العيطه آثر ع نفسيتنا مرت سنه ع هالوضع وصار بابا يلتقي بأهله ويروح الهم ومرات يبقى اسابيع
وبيوم كان الجو كئيب مغيم والسما تمطر قليل كنت آحـبُ: هيج اجواء واتفرج عليها من الشباك
اجه بابا بعد سفره هوايه امي كانت ممستقره ضايجه ومقهوره
من شافته طلبت منه يجي وياها للغرفه ملحگنا نسلم عليه وهو اصلا م انتبه النا
ورا لحظات جان الصياح بالغرفه
اني ومعد خفنا بقينا بالصاله
اثنينا خايفين يسألني شكو؟
اجاوبه ما ادري
طلع بابا عصبي
وهي تبجي تصيح طلگني
هو عافنا وطلع
امي انهارت بالبجي
واحنا عشنا جو حزن استمر ايام امي حزينه م تحجي
جتي خالتها مره جبيره نصيحها بيبي
جانت ماما تسولف الها والدموع تنزل م̷ـــِْن عيونها منظرها يقهر ومن عرفت انو بابا متزوج احس ﮔلبي وگف
ليش هيجي يسوي بماما وبينا ؟
اتمنيت يرجع واحاجيه
غاب ايام هوايه وبيبي كانت تصبر ع امي وتهدأ بيها وضعها كان يقهر
اجه بابا بعد هاي الفتره كان اقوى ورافع راسه بشموخ افضل من قبل بهوايه ومن مبدا السييطره والقوه سأل امي أإأذأإأ كانت تريد تروح وياه للعماره او تبقى،هنا ؟
كان بارد الاعصاب والمشاعر والملامح
امي وكتها يمكن رادت تضربه
ظلت تباع ع وجهه
ﮔله انقلت للعماره والحمايه الي هنا راح يلتحقون بغير قاضي اذا تردين تبقين هنا ابقي بس بدون حمايه واذا تردين تجين
فاحنا بعد باجر ننتقل
جهزوا حالكم
كلمة احنا كان يقصد بيها زوجته الثانيه هالمره اني بجيت مو امي اتفرج عليه ع وجهه وعيونه ركزت ع شعر راسه ردت احضنه وابوسه مثل قبل مشتاقه اله هوايه
