ادري ضايجه مني وادري الي سويته الها ظلم بحقها بس نفسيا ارتاحيت اتأكدت من عفتها وطهارتها حمدت الله هي بريئه من شكي وسوء ظني
نمت مرتاح وفرحان المهم عندي هي رجعت لكلبي مثل ما دخلت
الصبح حجيت ويه امي الي جانت زعلانه مني لان اجاوزت ع أهلها
ما عرفت أوصيمن عليها
طلعت ورجعت الها ساعه ١٠
لكيتها تتريك هي ومحمد ع الجربايه
سلمت
رجعت السلام بدون ما تباوع
جنت فشلان من نفسي معرفت اشلون احاجيها اترددت هواي
محتاجه شي
ما جاوبتني 😓
ضليت واكف اباوع عليها مشتاق الها لكلبي اكلها لو تدرين اشكد احبج بس مو بيدي عصبي واضرب
نزلت ضايج عليها وفرحان بيها
كل يوم يمر احاول بيه اصالحها جانت ترفض وبقوه
ما تحاجيني تطلب مني أتركها بحالها
ما همني صدها الي
المهم موجوده يمي ومو مثل ما كتبت بيها
....
...
....
كارهه اسمه وصوته وكل شي منه ما ردته
كرهت محاولاته ويايه
اتصلت ع حيدر
كتله اريد اروح لبغداد م قبل لان حامل وإسقاط مهدد اتوسلت بيه
ما يستاهل آياد نأذي بالطفل فرحان بيه وما مصدك
بس انا ما اريد ابقى اريد اروح
نغم حجت ويايه الطريق بعيد ووضعج خطر وصحتج وكلام هواايه تخوفني من المجازفة
ورا اسبوع انخطبت زمن وجتي عمتي اخت ابويه صعدت الي فرحت بيها
وهي شبكتني
كالت حبيتج ورجعت اسولف بيج ليش ما اجيتونا
بررت الها الدراسه
وهي ضافت الحمل
طلبت مني انزل
مقبلت
بعدين هي إذكرت الحمل والنزف كالت البنات حجلي
اني م ردت اشوف عمتي وزمن صارت عندي ردة فعل اتجاههم
سمعت من ام مصطفى آياد م حظر الخطبة
شافتني ممهتمه
اعذريه الرياجيل تضرب وتتجاوز
بس مو يشك باخلاقي 😥الضرب بجهه والتجريح بجهه اذاني حييل
هبه انتي عزيزه عليه الله شاهد معتبرتج مثل اختي اريد الج الخير واتمنى الج لو ادري باياد مو خوش ولد لو ما يحبج جان شجعتج تعوفيه
آياد كلبه طيب وشهم ويحبج ما تدرين اشسوه من جنتي اداومين وأبوج راد يروح الج لبغداد يجبرج اتركين الكليه وصل بيهم يطلعون من العشيره ع مود موقف آياد الي اتحده ابوج والزلم الي دزهم
آياد سند الج الزلمه الي تعتمدين عليه فوكاها يحبج ما جنا نصور ينسى اسراء كدرتي تنسينه ياها واصيرين مرته وام طفله الجاي الله يريدكم سوا
ضليت ابجي ما اريد...اريد ارجع كل الصار م ارتاحيت بيه لا زواج ولا حمل الي صار كله غصب عني
