اتصل آياد عليه بعد ساعتين من الي صار ب بيتهم
كان عصبي ويصيح انتم سكارى شاربين شي؟
آياد افهمني بس أنت كبالي
ولكم حتى المره هم يأخذون رأيها من تنخطب
تعال خل افهمك
ما اجي وماكو خطبه لو يطلع ابوك من كبره
عمك فهمته...ناقصني بنت صلاح اني صلاح ما طايقه
انت وين هسه؟...اسأله
ميجاوبني
راح
اعرف أهداه هو طيب الكلب وعصبيته تروح بسرعه
عذرته هو هسه طالع من ازمه واني دخلته بموضوع يمكن مراح يفكر بيه بفتره طويله
ام معد بعد ما اتصلت
اتصل معد يستفسر كلت اله جايكم اني وعمك ابو عماد
ضليت اتصرف بكيفي و بعدين اتندم لان اصير بموقف حرج واروط ناس ويايه
رجعت لبيت ابو عماد دخلت بالموضوع رأسا
سألته اشوكت نروح لبيت ام هبه
كال بكيفك
نروح باجر؟
اي نروح
اتصل ع آياد وطلب منه يجي
انتظرنا أقل من ساعه اجه آياد
من شافني اتغير وجهه وبين عليه التوتر
ابوه فتح وياه الموضوع
بأجر نروح لبغداد
بقى واكف وما مهتم
اتمنيت تخلص هالمواقف بخير
اتصل ابو عماد ع صلاح وكله باحر نروح نخطب البنيه لآياد
آياد من يمه حتجون وحدكم
طلع ورحت وراه لزمته
آياد: صلاح يريد يذلهم سويها ل الله
واني لخاطر الله مااريدها تصير الخطبه اظلمها وياي
جان ضايج ومخنوك
والله احتاريت حرمها من أستاذها حتى يذلها ويه علاء
ادري بيه مو بيده أول مره قبل بالأستاذ وبعدين اعترض متأكد مرته غيرت رأيه ماكفاها الي سويته بيهم
ما دخلي ... جاوبني ما مهتم
جا دخل منو هاي انت الزين هيج تكول ؟!
حيدر مو يمي ما الي خلك نفسي طلعوني لو اني اطلع نفسي
صعب اقنعه بس كان المنفذ الوحيد
تره للعلم ام هبه وهبه ما عدهم علم
يعني هم مراح يوافقون
هم شردوا من العمارة ما اصور يقبلون
رد بعد احسن
جان لازم تلفونه و لا يمه الحجي
جا خل نروح وتنحل هناك سحبته من ايده للاستقبال يم ابوه اختصرت النقاش
باجر الصبح نطلع
ابو عماد خابرت ع صلاح يروح ويانا
ما ارتاحيت لجيته ويانا
بس هو أبوها لازم موجود بهيج موقف
آياد نظراته إلي جافه تتوعدني بشي
الصبح استعجلتهم صلاح طالع قبلنا مأخذ عائلته يغيرون جو
ومناك يأذي ام هبه وأولادها😥
وصلنا الضحى الهم استقبلنا معد بترحاب كان فرحان بينا وب آياد صديقه واقرب واحد اله من اعمامه
ام هبه كانت بالدوام
