عم سعيد جا ودار بينا الـ3 نقاش طويل ..
لارا : كيف يا عم تصرف علينا احنا ما اطفال .. بس انته شوف لي اي شغل مهما كان انا حاوافق😊✋
سعيد : لكن يا بتي انا قلته ليك انو مقابل كدا اختي الراجلها وبتها وهو البيت بيتكم يعني حيعيشو ع حسابكم؟؟
لميس : ايوه يا لارا هو في النهايه تبادل مصالح .. يعني هو مستفيد واحنا مستفيدين وانا فضل لي السنه دي والجايه وبكون اتخرجته وبشوف لي شغل .. وانتي قدمي السنه الجايه دي وبعد تتخرجي تنزلي معاي
سعيد : اي كدا تمام
لارا : طيب م دام موافقين ماف مشكله
سعيد : وانا بتولى نقل الوصايا لي😊
لارا : خلاص تمام .. بس اختك وبتها حيجو متين
سعيد : بكلمها الليله وبكره بتكون عندكم ان شاء الله
لميس : حلوو
لارا : تم✔️
سعيد : يلا استأذنكم انا
لارا : لحظه يا عمو ... لميس وين الشاي
لميس : اووبس لحظه بس
سعيد : لالا ماف داعي يا بناتي انا مستعجل والله عندي شغل مهم
لارا : لا حرم كان تشرب وتمشي 😐
سعيد : ههه طيب سريع
لميس : ثواني بس😁
عم سعيد قعد شرب معانا الشاي وبالجد حسسنا انو في ناس بتحبنا وبتهتم بينا .. اتونس معانا وحكا لينا عن طفولتنا والمشاكل الكنته بعملها وانا صغيره لما سمعته كنته متفاجأه انو انا طفله وكنته بعمل كدا؟؟ يعني من الطفوله ما اتغيرته😂😂💔 ... وبعد اقل من ساعه طلع وفضلنا انا ولميس في البيت وكنا في بنتكلم كيف حتكون حياتنا بعد دا ..
لميس : تفتكري حياتنا حتتصلح يا لارا
لارا : والله ما عارفه يا لارا بس sure حتكون احسن من حياتنا مع مياده وامها
لميس : حسبي الله ونعم الوكيل عليهم حسبي الله ونعم الوكيل💔( وبدت تبكي)
لارا : ( وانا بمسك يدها) لميس انا ما عايزاك تكوني ضعيفه صدقيني الضعيف ما بعيش خليكي قويه وبتقدري تواجهي اي عقبه تلاقيك
لميس : ( وهي بتبكي) لي الحياه دي بتعمل فينا كدا .. فقدنا امي وابوي واحنا ما تمينا 10 ولا 11 سنه .. فقدنا عمنا واخر امل لينا بعد كم سنه 💔 .. عشنا باقي عمرنا تحت مشاكل وضغوطات منيره ومياده .. وحالياً عايشين برانا وفي الحقيقه زي المشردين💔 .. لي بحصل معانا كل دا لي
لارا : ( كنته بسمع كلام اختي وماسكه دموعي بصعووووبه بااالغه .. بس عشان اقويها ) لميس امسحي دموعك حبيبتي ما محتاج كل دا
لميس : ( وهي بتمسح دموعها) استغفر الله استغفر الله 💔💔
لارا : بتهون ان شاء الله
لميس : تفتكري اخت عمو سعيد وبنتها حيكونو زي مياده وامها
لارا : l don,t though شوفي عم سعيد واحد فاهم وعاقل يمكن تكون زيو
لميس : ان شاء الله 😊❤️
في الليله دي انا ولميس رقدنا في غرفه واحده لأنو الاتنين كنا خايفين .. ما عادي بنتين في عمر زي دا يكونو براهم في البيت ..
ــــــــــــــــــــــــــــــــــــــــ
انا البتحدث ( انا لينه جمال ما لارا 🐸💔✋ ) :
في الليله دي كان وهو صاحبو قاعدين في حديقه مفتوحه .. وهو رافع رجلو في الطاوله وعاضي ظفر سبابتو مغطي وشو بالكاب الاسود الغائص في جزء من شعرو الاسود النااعم الغزير وماسك الفريم بيدو التانيه وبلعب بيها ويقلبها وبعاين لصحبو وساارح بعييد .. كان في نسيم باارد
( " = صحابو ... و - = هو )
""" : الشاغل قلبك يتهنى بيهو
ـــ : ....
""" : شنو يا مان سرحان من الصباح كدا
ـــ : ( عاين ليهو بعدم اكتراث) اووف اختاني بالله 😒😒
"""" : لا الا تكلمني يلا احكي سامعك
ـــ : تصدق انك واحد مجنون اهبل مع مزيج من العباطه ورشه من عدم الموضوع
"""" : ومعلقه من السكر الناعم🐸💔
ــــ : عاين حتسكت ولا احشي ليك الفريم في خشمك
"""" : طيب سكته 😐😐... طيب ع الاقل وريني عشان ما اكون زي الاهبل كدا
ــــ : تتذكر البنت الشفناها الصباح
"""" : صراحه لا لأنو شفنا ترليون بنت
ــــ : ياخ الاشرته ليك عليها كانت قاعده في الطاوله دييك ( واشر عليها)
"""" : اها اححححا اها ماله
ــــ : مله مالك بتتأحح
"""" : مزه ياخ تقول شارده من الجنه
ــــ : 😒😒 استغفر الله
"""" : ما علينا اها كمل
ــــ : عايز اصل ليها
"""" : ( وهو بحاول يكتم الضحكه ) تا شنو🤭🤭
ــــ : اصل ليها يا مان
"""" : (وهنا ما قدر يمسك نفسو) تصل ليها😹😹💔 اصل ليها 😹😂💔 لا شكلك جنيت يا عمك😹😹💔
ــــ : البضحك شنو😒😒
""""" : No thing🤭🤭
ــــ : طيب انته في وانا في انتظر كم يوم
"""" : لا يعني انته عادي تصل ليها بس مستحيل هي تعاين ليك اصلاً 😹😹😹💔
ــــ : لي يعني
"""" : يا سيدي انته ما شايفها ديل ناس الهاي هاي ( انا عيني بارده 🌚💔 ) ما بعاينو لأمثالنا اصلاً
ــــ : ( وهو بتنهض بضيق) طيب مع السلامه نتلاقى بكره ..
"""" : ظاابط يا مان
ـــ .. رجع البيت .. طبعاً ما حأقول ليكم اسمو اعرفو بـ ـــ .. رجع بيتهم المتواضع جداً دخل سلّم ع اختو وامو الباين انو الكُبر والمرض اخدو من صحتها العايزنو .. قعد مع امو بعد صلّا العشا وبدا يتكلم معاها
الام : اها يا ولدي ناس الشغل ادوك مرتبك
ــــ : لسه يا امي بدري شويه 😊
الام : ل
كن يا ولدي اختك طالبين منها مصاريف في المدرسه
ــــ : مصاريف شنو
الام : امتحان الشهاده انته عارف انها ممتحنه
ــــ : خلاص بحاول اقبض مرتبي بكره ان شاء الله
الام : بكره اخر يوم للتسليم
ــــ : خلاص بطلع معاها واتفاهم مع المدير
الام : شغلك الفي حديقه دا احسن من الفات صح
ــــ : اي يا امي احسن والله الكافتريا الفي حديقه احسن بكتير
جات اختو ختت صينية العشا والكان فيها صحن سلطه وصحن فول صغير ..
ــــ : تسلمي يا عسل
الاخت : اتفضل يا اخوي 😊😊
ــــ : يلا غسلي يدك وجيبي ماعون مويه لامي تغسل يدها عشان تاكلو
الاخت : اكلنا يا اخوي
ــــ : ههه عاملين خيانات الايامات دي بتاكلو براكم
الاخت : ههههه لالا ما كدا بس جعنا وانته اتأخرته
ــــ : طيب ماشي
الاخت : عايز حاجه يا اخوي
ــــ : لالا امشي اقري حبيبتي ( عندكن اخو زي دا ولا احشي ليكم معاي موز 🌚💔 )
الاخت : طيب 😊
ــــ : بكره اطلعي بدري لأنو حامشي معاك المدرسه
الاخت : بالجد
ـــــ : ايوه
الاخت : عارف يا... بنات مدرستنا منبرشين فيك وكلهم مصاحبني
ـــــ : شافوني وين
الاخت : يوم الاجتماع
ـــــ : اهاا هههههه والله البنات ديل غايتو
الاخت : 😂😂😅
🌤
تاني يوم من الصباح الساعه 6 طلع ـــ مع اختو المدرسه واول ما وصلو هو واختو مشو مكتب المدير وكان معاهو استاذين..
ـــــ : السلام عليكم
المدير : وعليكم السلام
ـــــ : انا اخو الطالبه .....
المدير : يا اهلين باخو الطالبه النموذجيه
ـــــ : ( حسّ بفرحه كبيره لما سمع الكلام دا وقبل ع اختو وابتسم ابتسامه صغيره)
المدير : اتفضل يا استاذ
ـــــ : جيت عشان اقول ليك انو الرسوم بسلمك ليها بكره لأنو في ظروف حاصله الايامات دي
المدير : لكن الليله مفروض تُسلم للوزاره احنا ما بايدنا شي
ـــــ : طيب بسلمك ليها المسا لأنو حالياً ما بقدر يا استاذ
استاذ : دا شنو الكلام دا ما بنفع معناها خلي اختك تمتحن السنه الجايه احنا الكلام دا ما بنفع معانا ولا دا لعب وبعدين 350 بتكلفك شنو دا الا الزول المُقطع ما بقدر يجيبها
استاذ تاني : والله اشكالهم دي يمكن يكون ما عندهم الـ 350😂😂
الاستاذ : وجايين يقرو لي ما يقعدو في بيتهم ينتظرو اجلهم بس😂😂💔
ــــ : ( ما قدر يرد عليهم بعد كل الاهانه والذله الحصلت ليهو ) طيب يا مدير متين حتسلموها
المدير : الساعه 11
ـــــ : طيب حتكون عندك قبل 11 ان شاء الله
المدير : تمام بس خليك عارف لو اتأخرته اختك ما حتمتحن
ـــــ : لالا حتصلك ان شاء الله
وطلع هو واختو من مكتب الاداره واختو كانت في دمعه معلقه في عيونها
الاخت : بالجد احنا مقطعين
ــــــ : لا دا شنو الكلام دا قولي الحمدلله بس يلا انا حامشي اجيب القروش واجي طيب وانتي حصلي حصتك
الاخت : حااضر
طلع من المدرسه واتوجه لمكان شغلو واتكلم مع مالك الكافتيريا وسلمو المبلغ بعد معاناه وتحنيس .. ومشا المدرسه وسلمهم للمدير
ــــــــــــــــــــــــــــــــــــــــ
لارا بتتحدث :
صحينا انا واختي تاني يوم متأخر شويه نضفنا البتنضف ورتبنا القدرنا عليهو والساعه 10 كدا اتصل لي عم سعيد وقال لي انو اختو وبنتها في الطريق واحنا اقصد لميس عملت الفطور ( مع العلم انو امس عمو سعيد اشترى لينا حاجات كتيره قبل ما يطلع) وبعد نص ساعه وصلو يم وامها رنين واستقبلناهم وقعدو معانا واتونسنا وبالجد حسيت بيهم مختلفين عن منيره وامها بمئات المراحل ❤️ قدرته اسيطر ع خوفي شويه وحسيت بيهم حيكونو زي اهلي والاهم من كدا لميس انبسطت شديد ودي كفيله بأنها تزيح خوفي نهائياً ❤️ ... يم عمرها 20 سنه بتدرس صيدله وباين عليها ظريفه ومجنونه شويه كدا وجنها ضحك .. امها رنين مرا فاهمه وواعيه وبتحسسك كأنها قريبه ليك واسلوبها وكلامها رااقي جداً مما خلاني احبهم ويدخلو قلبي من اول قعده ❤️
يتبع.......
