بعد مرور اسبوع ...
البيت كان مزحوم اهلها واهلو كلهم موجودين والبغنيي والبرقص والمبسوط والزعلان .. كانت بعيده منهم وبتبكي بتبكي لأنو اختها حتخليها وتمشي .. كانت زعلانه وف نفس الوقت مبسوطه .. اختها العمرها م فارقتها خلاص حتمشي منها 😪💔 .. اما هي جات نازله من العربيه وهو نزل قدامها ووراهم الشباين .. مسك يدها ودخلو ... كانت لابسه فستان ابيض ومحجبه ( بأمر من وائل م برضاها😂💔 ) كانت لابسه الحجاب بلون ارجواني ... وهو متأنق ببدله سوداء وكرفته بنفس لون حجابها 💜 كانو آيه في الجمال وجايين مع بعض تشوفهم براك تقول ما شاء الله الله يحفظهم ... مكياجها كان هادئ مما خلاها في قمة الروعه 👌🏻دخلو والناس بدو يزغردو والكاميرا اتجهت عليهم وبدو يصوروهم المصورين والناس الموجودين ... وبهناك كان في اتنين حيموتوا من الغيظ
وجن : مامااا شوفيها حلوه كيف اكيد وائل م حيشتغل بي ولا حـيعاين لي بعد البنت دي
جنات : ها العوقه خليك واثقه من نفسك بتقدري عليها
وجن : يا خلاص انا قنعته من وائل دا ☹️☹️💔 لكيييييييين وليد في 😉 يلا مام انا ماشه ليهو
جنات : ( وهي بتجرها ) تعالي هنا يا الشليقه والله غايتو انتي هبله كيف .. عايني نور الدين اكيد بعدين املاكو دي كلهااااا حـيديها لـوائل انتي عارفه مسؤول وواعي اكتر من وليد .. وبعدين وليد دا بتاع بنات حـيلعب بيك اسبوع اسبوعين ويجدعك زي الما حصل شي
وجن : لالا ما حـيلعب بي انا بنت خالتو
جنات : ي بنت انطمي عشان م اكفتك خليك في وائل دا بس
وجن : اووووف طيب
لميس مشت تسلم ع اختها ... كانت لابسه فستان بني فاري من تحت واكمامو اوف وايت واسعه وشفافه وجزمه مفتوحه بنيه وطرحه بُدره اوف وايت .. جات سلمت ع اختها وبكو الاتنين لمسافه
لميس : م قادره اصدق انك حـتمشي😢💔
لارا : ولا حتي انا 😔
لميس : وائل م اوصيك عليها النبي خلي بالك منها وما تهملها
وائل : انتي بتوصيني على نفسي؟ .. ( وهو بمسك لارا) م تخافي عليها اكيد حـتكون مبسوطه
لميس : ان شاء الله
يم جات ليهم .. كانت لابسه بنطلون اسود وتُنكه حلاويه من تحت فوق ضيقه شويه ومن تحت واسعه وجزمه مفتوحه حلاويه وطرحه حلاويه .... جات باركت ليها وبقت تتكلم معاها ... جو منيره وخالتها برضو باركو ليها وشغالين يوصو فيها وفي وائل ... خالات وائل جو برضو عشان يباركو ليهم واهلو كمان باركو ليهم ... المهم بعديها عملو الجرتق وخلصو خلاص كانو ماشين شقتهم قبل م يمشو جوها جنات ووجن
وجن : اسمعي ي حبيبه لو فاكره نفسك خلاص وائل بقا حقك ومسكتيهو احب اقول ليك وائل حيتزوجني قريب وبحبني انا اوك فانتي حتقومي بأي طريقه م تقربي عليهو ولا تخليهو يلمسك وبعد احنا نتزوج حتقنعيهو انو يطلقك بأي طريقه
جنات : وكان م عملتي كدا فيحصل شي م يعجبك صدقيني😏 ( اتخيلي يتقال ليك كدا يوم زواجك💔 )
لارا : عاينو اسمعوني كان فاكرني حأعمل ليكم فيها دور الكنه المسكينه والهبله فأنتو غلطانين تمام ثم ثانياً انا عارفه انو وائل بحبني وانتي لو بالجد بحبك م كنتي حذرتيني من انو يلمسني او يقرب علي لأنك م واثقه فيهو ... فاااااا شنو احسن ليكم ولي تبعدو من طريقي وطريقو عشان باااالجد كان م عملتو كدا م حيحصل خير تمام .. يلا عن اذنكم وائل منتظرني 😊✋ ( ااااحيك واحذف النقطه)
.... طلعو بعديها ع شقتهم ووائل كان قاعد جمبها وهي سرحانه
وائل : ( وهو بمسك يدها) اخيراً
لارا : حاسه نفسي بحلم
وائل : م مصدقه يعني؟
لارا : شبه كدا
وائل : ( وهو بقرصها) كدا كيف
لارا : هههه وائل بطل ياخ
وائل : ( سكت مسااافه وهو بعاين ليها وببتسم)
لارا : مالك بتعاين لي كدا
وائل : اتذكرته اول يوم شفتك فيهو
لارا : ( وفكت ليك الضحكه وهو بقا يضحك معاها ) هههههه يييك قبل 4 سنه
وائل : امممم بتتذكري
لارا : بالتفصييييل الممل
Flash back ..
كانت راجعه من المدرسه وكافه اكمام قميصها وطرحتها في كتفها ومعاها بنتين وبتونسو .. كانت اول سنه ليها في الثانوي والشهر الثالث بعد نزلو .. استأذنت من صحباتها عشان داخله السوبر ماركت .. كان في شلة اولاد قاعدين برا زي 6 او 7 كدا ولما هي جات داخله بقو يشاغلوها ويقولو كلام م ياهو .. اتجاوزتهم ودخلت السوبر ماركت اشترت حاجاتها وجات طالعه وتاني بقو يشاغلوها وماشين وراها ... بعديها في ولد جراها من شعرها ورجع سريع وهي ما عرفتو طلعت من الكيس الكولا وفتحتها وقبلت عليهم .. م كانت خايفه منهم بالعكس فتحت الكولا ورشت بيها واحد كان جا ماري بنصهم بعد الولد ركع طوالي افتكرتو هو العمل كدا .. الولد عاين ليها باستغراب وتاني جات ورفعت يدها عشان تضربو كف بس مسك يدها ونزلها ليها بعصبيه..والولد دا كان وائل
وائل : انتي مجنونه يا بنت
لارا : انته المجنون والله تفووو عليك م بتخجل من نفسك
وائل بقا بعاين للاولاد مره وتاني رجع قبل عليها
وائل : اسمعي م حـأكتر معاك كلام زحي خليني امشي
لارا : م عاجبك الا الطريق دا
وائل : اي وما عايز امشي بغيرو 🙂
لارا ادت
و ليك برجلها في بطنو ومشت منهم والاولاد ووائل بعاينو ليها باستغراب من جراءتها .. وائل عرف من الاولاد الحصل وضرب الولد ومشا لحقها وساق معاهو الولد مسكها من كتفها ولفاها عشان تواجهو
لارا : ي ود الناس مالك معاي اختاني ياخ 😡
وائل : اسمعي انتي غلطانه م انا العملته كدا دا الولد دا وتاني م تحكمي ع اي زول ساي فهمتي 🙂
لارا : ( عاينت للولد ) انته العملته كدا؟
الولد : ا آ اي
وضربتو برجلها في بطنو و في فكو الولد لمن نزف ( عاد م بسألك ي لارا😹💔 ) .. وبعديها الولد مشا طبعا م دافع عن نفسو عشان عارف حيحصل ليهو شنو وهو اصلا غلطان ... لارا عاينت لوائل ومشت .. وائل بقا ماشي معاها وهي بتعاين لي وتقبل
وائل : م حتعتذري يعني
لارا : واعتذر ليه😒
وائل : لأنك غلطانه
لارا : م غلطانه افتكرتك انته العملته كدا
وائل : اول مره اشوف بت جريئه زيك كدا
لارا : عاادي م عملته حاجه
وائل : م خفتي منهم
لارا : اخاف من شنو يعني .. وبعدين دقيقه انته ماشي معاي ليه
وائل : عايز اتمشى معاك عجبتيني 😉
لارا : بلاي امشي شوف ليك موضوع تاني
وائل : غليظه 😑💔
لارا : شكراً ع المعلومه
وائل : ولو يلا عن اذنك
وائل مشا ولارا بقت تعاين لي باستغراب ومدخله يدينها في جيوبها ( نظام دا مالو دا )
اتلاقو كتير بعدها بس م بالصدفه لأنو وائل كان بتعمّد يجي جمب مدرستهم ويمشي معاها مره مره كدا ... وبالطريقه دي بقو اصحاب 💜
نرجع ...
وائل : لكن بالجد اليوم داك عجبتيني😂
لارا : والله م عارفه جبته الجراءه ديك كلها من وين 😂
وصلو شقتهم وبعد صلو وغيرو ... لارا طلعت من الحمام ووائل جا عليها ومسكها من كتفها وقرب عليها .. لارا فجأه بعدت منو وقعدت في السرير وضمت رجلينها وبقت تبكي
وائل : لارا؟ في شنو مالك بتبكي
لارا : ولا حاجه
وائل : كيف ولا حاجه في زول ببكي ساي
لارا : ....
وائل : امممم اتذكرتي؟؟ ... لارا انسي الحصل عليك الله انا زاتي م عايز اتذكر
لارا : ( وهي بتبكي وصوتها مخنوق وبتشهق) وائل انا .. انا حامل 😭😭💔
وائل فجأه قام من جمبها وهو ما مستوعب البتقولوا ووشو مخطوف
وائل : كيف كيف حامل
لارا : ( وهي بتمسح دموعها) زي م سمعته انا حامل ومن وليد
وائل هزّ راسو كأنو م فاهم حاجه وبعاين للارا لمن خافت
لارا : ( وهي بتقوم وبتمسكو من يدينو ) انته قلته حتكون معاي مهما حصل لي صح وائل الله يخليك م تطلقني وانته كنته عارف اصلا وعارف بالحصل لي مع وليد .. انا حـأنتهي شرفي ضاع وانته الوحيد الممكن تسترني الله يستر عليك استرني ي وائل الله يخليك انا ما لي غيرك ابوس ايدك ي وائل 😭😭😭😭💔
وائل ساكت ساي وبعاين لـلارا البتبكي بطريقه خياليه .. فكا يدينو منها وقعد في السرير وغطا وشو بيدو لمسافه وقام يتكلم معاها ببرود لأنو كان عصب م معروف حيعمل شنو ..
وائل : من متين انتي حامل
لارا : بــعد بعد عقـ..دنا
وائل : وليه م كلمتيني
لارا : كنته خايفه تطلقني
وائل : لارا انا مش قلته ليك انا حأكون معاك دائماً ومهما حصل ليه م كلمتيني
لارا : كنته خايفه والله
وائل : تمام
لارا : وائل زعلته مني
وائل : امشي نومي بكره نتفاهم
لارا : بس..
وائل : امشي نومي
يتبع.....
