يأتي يوم الزفاف ومازالت ليزا لا تصدق ما فعله والدها..
كال : يلا يا بنتي هنتأخر
ليزا : انا مش قولت 5 دقايق.. مش كل نص ساعه تندهلي بقي
كال : يلا بدل ما اسيبك وامشي
ليزا : تبقي وفرت عليا والله واهو مروحش الفرح
فتحت الباب فاندهش كال من جمال ابنته
كال : ايه الجمال ده كنت مخبي كل ده فين يا قمر
ليزا : تقصد ان انا كنت وحشه؟
كال : ومين قال كده بس النهارده فيه قمر واقف قدامي
ابتسمت ليزا من غزل والدها ثم احتضنته وقالت : مع اني لسه زعلانه منك عالجوازه ديه بس بردو بحبك
كال : وانا يابنتي بحبك.. وانا اسف إن كنت زعلتك ربنا يفرحك دايما.. يلا نروح بقي عشان منتأخرش
ثم خرجا وركبا السياره ليذهبا الي حيث جونكوك
جيون : يابني اخلص بقي طهقتني كل ده بتلبس
جونكوك : خلصت اهو يابابا احط برفان بس
يخرج جونكوك من الغرفه ليراه ابوه ويبتسم
جيون : اخيرا شوفتك وانت لابس بدله عليها القيمه بدل الترينجات بتاعتك ديه
جونكوك : والله كنت بفكر البس واحد فيهم بس يلا عشان خاطرك بس
جيون : المهم.. خد بالك من ليزا و.. انت بتعمل ايه؟؟!
جونكوك : شعري قصف لازم اشيل الطروف
جيون : يابني متعصبنيش عليك بقي الله لا يسيئك
جونكوك : خلاص خلاص انت ليه زعلك وحش كده يا حج.. يلا ننزل زمانهم وصلوا
ينزل جونكوك والسيد جيون ليروا سيارة قادمه وينزل منها السيد كال
جونكوك : امال فين ليزا يا عمي؟
كال بسخريه : في الكوافير
جونكوك : راحت تجيب العريس اههها
ليزا من داخل السياره : ما تخلصونا بقي من الليله ديه
جيون : ما تنزلي يا بنتي من العربيه
ليزا : انزل ايه يا عمي.. انا عايزه نقاله عشان اتحرك بالقرف الي انا لابساه ده
يقوم كال بفتح باب السياره لها ويساعدها علي الخروج من السياره
ينظر لها جونكوك بإعجاب شديد لأول مره
جونكوك يصفر ويقول بمزاح : الله امال مين المزه ديه يا عمي.. امال فين ميكي اقصد ليزا ؟
ليزا : جرا ايه يا جدعان هو انا كنت معفنه قبل كده ولا ايه!
جونكوك : حد يناولني كوبايه لأن قدامي ازازه طويله مدهشه
ليزا تخجل ولكن لا توضح خجلها
جيون : خلاص يا عم الرومانسي بقي خلينا نروح القاعه الناس زمانها زهقت
يصعد جونكوك وليزا في سياره والسيد جيون وكال في سيارة أخرى ويتوجهون الي القاعة
بعد وصولهم ينزل كل من السيد كال وجيون و جونكوك
جونكوك : يلا بينا
كال : مش حاسس انك ناسي حاجه
جونكوك يفكر قليلا : لا معتقدش
جيون : يابني ليزا في العربيه يابني
جونكوك : ليزا مين؟ .. اااه ليزا
يذهب إليها ويساعدها علي الخروح
ليزا : انا قولت انتوا نستوني والله
جونكوك : وانا اقدر بردو
يبتسم كل من كال وجيون بسخريه له ثم يدخل الجميع الي القاعه مع اغنية رومانسيه نسمعها في كل الأفراح التي نحضرها
يذهوب ويجلسون في " الكوشه"
ليزا : مش افورت النهارده حبتين انت؟
جونكوك بجديه : لا مأفورتش انتي عارفه اننا لازم نبان قدامهم حبيبه
ليزا : بس مش اوي كده انا اصلا مبعرفش امثل وعلي بابا بالذات
جونكوك : معلش نستحمل لحد ما نصارحهم بكل حاجه
يقطع حديثهم صوت رجل الدي جي وهو يقول : ودلوقتي العريس والعروسه هيقوموا يرقصوا سلو
ليزا : مبعرفش ارقص ايه الورطه ديه
جونكوك : قومي وانا هعلمك الموضوع سهل
يصعدون الي الاستيدج ويمسك جونكوك بخصر ليزا وتخجل من فعلته
ليزا : معلش شيل ايدك
جونكوك : اشيلها احطها فين يعني؟!
ليزا :هاخدها بحسن نيه وهقولك حطها على.. رقبتي مثلا
جونكوك : واخنقك صح
ليزا : يابني لو عايز تموتني من خفة دمك قولي
جونكوك : ايوه يعني هنبدل الأدوار وانتي الي هتحطى ايدك في وسطي!!
ليزا : لا بس..
جونكوك : ولا بس ولا مبسش احنا مضطرين دلوقتي.. حطي ايدك علي رقبتي وامشي مع خطواتي
تستمع ليزا لما قاله ثم تبدأ بتعلم الحركات
جونكوك : برافو بتتعلمي بسرعه اهو
ثم تدهس قدمه بالخطأ
جونكوك بتألم : أو مبتتعلميش مش ضامن
ليزا : لازم تستحملني.. مش انت جوزي
جونكوك : وابو عيالك طبعا
ليزا : بسيبابا ارقص وانت ساكت
جونكوك : صحيح هو انتوا دفعتوا كام في المكياج الي علي خلقتك ده؟
ليزا : شوف انا كان نفسي اعرف العريس والعروسه بيتكلموا في ايه.. ولو هما بيتكلموا في ده فا انا اسفه لو كان عندي فضول.. أخرس بقي
جونكوك : هو انا غلطت الله
ليزا : هووف
جونكوك : يخربيت باكو لبنان النعناع الي واكلاه وقارفاني بيه ده
تنظر له ليزا نظره تخرسه
يصمت خمس ثوان ثم يقول
جونكوك : انا جعان طيب
ليزا : لما نروح
جونكوك : لا لا مليش دعوه جعااان
ليزا : يااربي جايبه ابن اختي معايا اسكت ياكوكو بقي
ينتهون من الرقص وينتهي هذا اليوم الذي يعد يوم سيئا لكل من ليزا وجونكوك
جيون : يلا يا ولاد عشان تروحوا بيتكوا
كال : سلام يا حبيبتي
ليزا تحتضنه وهي حزينه
كال : ايه يا روحي ما انا هزوركوا قريب خالص متزعليش.. خد بالك منها يا واد ومتزعلهاش
جونكوك : في عيني يا عمي والله
يصل كل من جونكوك وليزا للبيت
جونكوك : انا هروح استحمي وانام
ليزا : وانا لحسن انا فرهدت خالص... استني كده هي ديه الشنط كلها؟!
جونكوك : اه!
ليزا : كان فيه شنطه بني كبيره راحت فين
جونكوك : شنطه بني كبيره بأربع سست؟
ليزا : ايوا !
جونكوك : وعليها نجمه كبيره من برا وبعجلات كبيره
ليزا : ايوا اخللص
جونكوك : لا مشوفتهاش
ليزا : نعممم انت هتستهبل
جونكوك : لا هستعبط اخهخه
ليزا : يا بني كفاية هخه بقي ديه فيها هدومي كلها
جونكوك : طب ما فيه واحده تانيه اهي
ليزا : ديه بنت عمي الي معبياها هي زوقها رفيع جدا وانا بثق فيه بس انا عايزه هدومي التانيه... بس خلاص البس اي حاجه منها لحد ما تفرج
تذهب ليزا لتنقل أغراض الحقيبه في الدولاب
تفتح الحقيبة لتصدم : هقتلك هقتلك هقتلك
ثم تقوم بالصراخ
أنت تقرأ
جواز مع سبق الإصرار
Fanfictionيتزوج جيون جونكوك وليزا كال بأمر من والديهم فيضطرون للتمثيل أمامهم انهم يحبون بعضهم فماذا سيحدث لهم وهل سيقعون في حب بعضهم؟
