خلصت الحنة وكامو البنات يعزلون واني صعدت فوك سبحت ولبست دشداشة ومشطت وكمت اخابر احمد
الشيخ احمد\ولج شتعلو اهلج شلابسة اليوم طالعه كيكة
قمر\هههههههه حبيبي حتى انتة طالع اليوم تموت
الشيخ احمد\اممممم باجر بيش الساعه ترجعون من الصالون
قمر\والله مادري هو اليوم حنة ورجعنا ب5 باجر حجاب ماعرف شوكت
الشيخ احمد\هو اني باجر اجي ارجعج
قمر بفرح\صدك حبيبي
الشيخ احمد\يي حبيبي هو اني شكم قمراية عندي
وضلينا نحجي للوحدة الصبح وغفيت على التلفون من ورة التعب
-----------------------------------------------------------
في يوم جديد واحداث جديدة
العرس
الشيخ احمد
كعدت من 6 الصبح طلعت تلكوني امي وخالاتي بلهلاهل بست راس الحجية وتريكت وطلعت يم الولد اوصيهم سوي هذا وسوي ذاك مافضت للثلاثة الظهر دكيت ع قمر كالت لا بعدنة ماخلصنة طبيت للبيت سبحت ولبست دشداشة بيضة وعكال ابيض مطرز ذهبي وعباة سودة هم مطرزة والحلقة والعطر والساعه صارت الخمسةة خابرت قمر كالت خلصنة اخذت السيارة واجه وياي خالد علمود يجيب البقية وصلنا للصالون دكيت هورن ونزلت من السيارة طلعت هي سبحان الخلقها طالعه تخبل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحت كدتها والبنات يهلهلن اخذهن خالد وراح واني صعدت قمر وانطلقت مشغل اغاني حلوة واتغزل بيها وهي تخجل
-----------------------------------------------------------------------
كرار
طبعا اليوم شفت نور طالعه كلش حلوة قررت باجر احجي وية الشيخ وعلي وخالد واخطبها المهم اجو الزفة واجة الشيخ نزل مرتة وراحو البيت عمي ورجعو بين ماتحضروا البنات والحجيات اني وعلي بس نصنف على الشيخ وهو يعيط بينا
--------------------------------------------------------------------------------------------------
ودوني لبيت اهلي ومرت نص ساعه وكالو اجو اني كمت ارجف عبالك شهر الواحد مو شهر 6 كمت وكفت وهو طب بهيبتة فديتة لحبيبي الشيخ وعمتي طبت وتهلهل خطية فرحانة ونور وهدى وصبا كامو يركصون شوية وكامو يهوسون وكمنا وكفنا هو نزل البركع وحظنت امي وابوية وكرار وكمت ابجي وكرار اخذ ايدي وحطها بيد احمد ومسح دمعتها وهم حظن احمد وطلعنا واني انقهرت على امي هوواي بجت صعدوني بلسيارة زفونا ورجعنا صار الغروب والزلم برة والنسوان كلهم جوة شوية وصبو العشة للعالم واني صعدوني لغرفتي
----------------------------------------------------------------------------------------------
نور
ماعرف احس نظرات كرار خجلتني المهم تونسنة جان احلا عرس شوية وزفوهم وتعالو يظيم المواعين اوووف للوحدة يلة كملنا صعدت متكسرة سبحت وبدلت ونمت
-----------------------------------------------------
في يوم جديد واحداث جديدة
احمد كعدت الصبح سبحت ولبست دشداشة نيلي وقمر هم كعدت بست راسها هم بدلت نزلنا امي شافتنا
الحجية\كلوووووووووووووش يمة الف مبروك ربي لا يحرمني منكم
دنكت بست ايدها وراسها وقمر هم باست ايدها وكعدنا على الريوك شوية ورحنا للديوان الكل باركلي وكعدنة اكو طلابة (هسة تكولون مو عريس اي عريس بس هو شيخ عشيرة هم) للوحدة خلصت رجعنا احنة كلنا اني وخوتي وولدعمي بس احس كرار يريد يحجي شي
رجعا للبيت ادور عليها بعيوني اجت يمي نور شاورتني
نور\حبيبي مرتك امي اخذتها من العشرة لحد الان ماطالعين
ابتسمت يعني الحمدلله متراهمات رحت لغرفة امي دكيت الباب
امي\تفضل
شفتها هي وامي كاعدين على الجرباية
امي\هلا يمة تفضل
طبيت وكعدت يمها وحطيت ايدي على جتفها
الشيخ احمد\ها يمة محتاجه شي رايدة شي
امي\لايمة بس دوة مال سكر البارحه خلص ونسيت اكلك
الشيخ احمد \وينة هسة
امي طلعت باكيت ونطتنيا
اخذتة وطلعت
علييييي
اجة علي\ها شيخ أمرني
الشيخ احمد\ابو حسين هذا دوة الحجية روح جيبة من الصيدلية
علي\ماشي
راح واني رجعت انتبهت على ايد قمر محبس وسوار ضحكت شوية وطلعنا لان امي نامت
اجة كرار
كرار\ها خيتي شلونج
قمر دنكت\الحمدلله بخير
نتبه الي
كرار\شيخ ارد احجي وياك
الشيخ احمد\والله عرفتك من الصبح تريد شي يلة تعال نروح للديوان
رحنة اني ويا وعلي وخالد
كرار\شيخ علي يعرف اني من زمان احب بنت عمي واريد اخطبها
الشيخ احمد ضحك \وبنات عمك هواي ياهي منهن
كرار ماعرف يحجي ودنك
الشيخ احمد\ولك احجي صير سبع وكول
بسرعه رفع راسه وكال\بنت عمي نور
الشيخ احمد\اختي؟
كرار\هز راسه يعني اي
الشيخ احمد تفهم انو هو صدك يحبها \امممم ومن شوكت تحبها
كرار\قبل عرسك
الشيخ احمد\حبيبي مالكة احسن منك كبعها واخذها هي بنت عمك
كرار\والله
وكام حظنها وحظن خالد وعلي
وطلعو اخذو موافقه نور والكل فرح وانتشر الخبر انو اخت الشيخ لح تزوج ابن عمها
الخاتونة
