القسم الداخلي

part1

هاي اول رواية الي  انشاء الله تعجبكم  اسمي فاطمة اعرفكم بنفسي بعدين نبدي ونكول بسم الله احم قمر يلة قمورة
اخذي القلم
شكرا حياتي هلو شلونكم اكلج استحي
فاطمة ... لج ام لسان تستحين مستحيل يلة عرفيهم بنفسج
قمر.. اوك اسمي قمر عمري 25طولي متوسط عيوني زرق وكبار رموشي طوال شعري طويلل حيل اليشوفني يكلي شعرج حقيقي واني بيضة محجبة والبس صاية مو عباء لان اقتدي بالزهراء واهل البيت لان حرام شنو يعني اطلع شعري والبس بنطرون مثلا اصير فد شي بالمجتمع لا
الكاتبة..صحيح اني بالثاني لبست عباء لان حرام احس بروحي نقص اذا ماالبسها المهم نرجع
قمر..طبعا قبل 7سنوات طلع قبولي بكلية طب المشكلة مو بمحافظتنة اضطريت اروح قسم داخلي عاا نسيت اكللكم عن عائلتي عندي اثنين اخوان اخوي الجبير 46سنة محامي اسمة عصام متزوج عندة 4جهال 2ولد2بنات
اخوي الثاني احسان 30سنة ممتزوج وعندي 2اخوات شروق وامنة امنة28سنة متزوجة وشروق16سنة مامتزوجة قبل خمس ايام قبل لااروح بابا الله يحفظة حط بيد امي 800الف كللها كلشي تحتاجة قمورة اشتريلهيا طبعن حالتنة المادية كلللش زينة الحمد لله المهم مشينة للسوك اشتريت كلشي من ملابس واحذية تكرمون وجنط وميك اب خفيف لان استحرم بعدين صفنت اذكرت الزهراء واهل البيت كتلها ماما
كالت ها قمورة تردين شي كتلها اريد ستر كالت شتقصدين يعيني
قمر.. عباء
ماما .. يحياتي من عيوني
اشترتلي ولبستها
رجعنة هلكانين صليت واتعشيت نمت
قبل يوم كبل لا اروح صليت الظهر وتغديت هنا صارت الهوسة صحت شروق طبعا بالمناسبة شروق تشبهني 
شروق .. ها شكو
قمر ..وحمس ام راس
شروق .. علاساس  ماعندج راس
قمر .. ترة اكول خطية وما  اضربج
شروق.. هههه حبيبتي قمورة اموت عليج اشاقة وياج والله مختنكة لان راح ترحين
قمر.. لايعمري انشاء الله اجيكم بالعطلات
شروق .. ايييي زين ليش صحتيلي
قمر .. ساعديني احضر اغراضي
شروق.. يدلل الحلو
قمر .. يلا طبعا لميت كلشي اني وشروق تعبنة كلششش
شروق.. يابوية شكد مشترية اغراض
قمر .. اي ولج هاج مكافئة طلعت علاكة بيها فستان يجنن وكرزات وحلويات ومرطب اشفة وجنطة حلوة
شروق.. شنو هاي
قمر .. هدية
شروق .. فتحتة لكيت اهواي شغلات حضنتها وكمت ابجي
قمر .. اسكتي يروحي اجيج انشالله
شروق.. اي بس راح اشتاقلج
قمر .. دمعتي بعيني واريد ابجي بس خاف ازودها واخليها تبجي بالزايد اجت ماما كالت
الام.. شبيهن الحلوات ولج شروق تجينة بالعطل لاتخافين
شروق.. اي ماما
 
قمر .. ماما راح انام حضرت لبسي لباجر وقتت المنبه عالساعة خمسة للصلاة لبست تراك نمت وأجت شروق نامت يمي اليوم التالي دك المنبه طفرت صحت شروق اتوضينة وصلينة طبعا كلنا كعدنا انصلي ونقرا قران كملنا رجعنا انام بس ماما وبابا كاعدين صارت الساعة10
ماما.. عزة اكعدن ولجن ماتشبعن من النوم
قمر.. هناااءء اسكتي عني (بنعاس)
ماما .. ولج تكليلي بسمي يلة اكعدي كعدنة تريكت وبدلت وما اكللكم العشيرة كلها تريد توصلني عصام وجهالة ومرتة واحسان وشروق وماما وباباكلها
بنص الطريق دخلنة فد مكان للصلاة صلينا ودخلنا مطعم راقي وتغدينا رجعنا للسيارة
اسفة البارت قصير اتمنى تعلقون وتحضون بقراءة ممتعة اكلكم شني سالفة بوبجي كلها تلعبها وعالجني وعالجني ماشاء الله كلها جرحى المهم علقو وصوتو احبكممممم كلششش كلولي عل اخطاء البارت