القسم الداخلي

part 12

السلام عليكم رمضان كريم 2019
  اتمنالكم قراءة ممتعة ويلا نبدأ
***********
قمر.. قربت الكلاص على شفتي
رنين.. جان مبايلي ورة قمر فسويت نفسي اريد اخذة وصدمت قمر
قمر..عاااااا
ولاء.. الله
رنين ..سويت نفسي ما ادري فكلت ياااا
اسفة ما ادري وغمزت لقمر بدون ماتشوف رجاء
قمر.. يلة عادي كلشي مصار
ولاء.. افتهمت وبتسمت وكلت قوقة روحي بدلي ملابسج
ولاء ورنين .. وجان نلف وجوهنة ونلكة رجاء وجاها كام ينطي الوان
رجاء .. شالسالفة رنين يعني ماتشوفين غير تنتبهين
رنين .. رجاء شبيج ترة كلياتة كلاص عصير
رجاء .. لارد
قمر. كمت اخذت ملابسي ورحت للحمام ابدل
*************
الساعة 10
بدينة ندرس صحيح باجر مراح نداوم بس احسن
رنين.. جانت رجاء نايمة فكلتلهن عالصار
قمر.. هه جنت ادري حاطة شي شكرا رنوش
رنين.. حبيبتي احنا اخوات وهذا واجبي
ولاء.. اي عفية عليج
قمر .. بس شلون  نعرف شخلت بالعصير والعصير انسكب علية
ولاء. اي صح
رنين.. خلنها علية
ولاء وقمر .. اوك
راحن البنات كلمن لسريرها ونامن
**********
اليوم التالي الساعة 8 صباحا
كعدن ولاء  وقمر
رنين.. صباح الخير
ولاء +قمر.. صباح النور
رنين .. يلا يحلوات لازم تنطني مكافئة 
ولاء.. على شنو ؟
قمر. مفهمت
رنين طلعت جيس بي باودر ابيض
قمرو ولاء.. فتحن عيونهن بدهشة
اوكفو خل نرجع للامس الساعة 12
رنين .. بعد منامن البنات  كمت من فراشي
بديت امشي على اطراف اصابيعي على

مود متحس بية رجاء فتحت جنطتها لكيت

باودر ابيض وباقي الاشياء عادية مثل

المكياج والنساتل والعصائر والجوكلت
الكاتبة .. ادري عدها محل ههه بكون تجي تكعد يمنة تسوي بسطية هههه
رنين.. مو وكت سوالفج  خلي الناس تقرة وتركز
الكاتبة.. اوك
رنين المهم لكيت بس هذا الشي غريب باودر ابيض وبي خرزة سودة

اخذتة ورحت ضميتة
*********&
الحاضر
ولاء .. عفية
قمر.. كفو
رنين.. عدلت ملابسي ورفعت راسي اي اي ادري
البنات.. ههههههه
ولاء .. وجه الطاوة صرتي براسي سوبرمان (المايعرف سوبرمان هو شخصية كارتونية يمثل بطل خارق )
قمر .. ههههههه
رنين. ههههه عالاساس انتي بجمالي
البنات. هههههه
قمر.. يلة بنات خل نتجهز تذكرون العينة مالت الماي حطيتها بجنطتي والباودر الابيض هم

وتجهزوا رنين وقمر لان حيروحون مثل ماتفقو للسحارة
قمر.. يلة لولو حبي حنروح اني ورنوشة
انتي عليج رجاء
ولاء.. اوكي من توصلن طمنني
قمر.. اوكي
رجاء جانت طالعة وي صديقتاها للسوك

قمر..
طلعنة اني ورنوش ركبنة تكسي ورحنة للمنطقة ووصلنة لبيت ام نجم

جان بيت قديم وبابة لون اسود
دكينة الباب طلعتلنة بنية عمرهة يطلع 19 سنة كلتلنة
قمر و رنين .. السلام عليكم
البنية.. وعليكم السلام
قمر. ام نجم موجودة
البنية.. اي موجودة
قمر.. بس نريد نحجي وياها
البنية.. اي حبيبتي تفضلو
دخلنة وشفنة مرة عمرهة يطلع بال 47

قمر .. السلام عليكم
ام نجم.. وعليكم السلام هلا بالحلوات
قمر .. تسلمين خالة
ام نجم .. اكعدوا ليش واكفات
قمر.  كعدنة اني ورنين وكلتلها خالة احنا جايينج على شي مهم

ام نجم .. كل الهلا ام نجم بابها مفتوح

قمر.. شكرا خالة بس انتي موتعرفين بشغلات السحر يعني اذا واحد مسويلي سحر تعرفيه مو ؟

ام نجم.. طبعا خالة اتفضلي

قمر. شوفي هذني الشغلات وكليلي
وطلعتلها المي والبودرة هاج خالة 
ام نجم. اخذت الشغلات وكامت لغرفة
ثانية
قمر.. فد نص ساعة واجتي

ام نجم.. اكلج حبيبتي هذا سحر الباودر قوي وسعرة غالي يطلع بال600 الف ومبين خالطين ويا اشياء مضرة بالصحة
يعني تتمرضين ووجهج يصير شاحب وجمالج يقل
قمرورنين.. اتسعت عيونا من الصدمة
قمر.. اشكرج خالة
ام نجم.. الشكر لله حبيبتي
قمر.. زين خالة انتي تسوين سحر
ام نجم. هههههه لايمة اعوذ بالله بس افكة واعرف الواحد اذا مسويلة سحر يمة احنا نصاي ونصوم نخاف الله بس تعرفون الناس  تحب تطلع اشاعات

قمر.. ها شكرا خالة وانطيتها الفلوس

ام نجم.. ردتهن وكالت لا ييمة ما اقبل وباي وقت تجون اني حاضرة

قمر ابتسمتلها .. ماتقصرين خالة يلا في امان الله

ام نجم .. الله وياج بنيتي

قمر.. اجرنة سيارة ورجعنة لكينة ولاء

ولاء. ها بشرن

رنين.. اكعدي

قمر.. سولفتلها الصار

ولاء... عزة الله لاينطيها بس ليش دتضرج حتى المسؤلة مطردتها واحنة مسوينالها شي والمقلب بعد راح ليش

قمر. الله  اليعلم  بس شفتن ام نجم طلعت مو سحارة

رنين .. وشنو اليثبت يجوز كلتلنا على مود منخاف

قمر.. لا لان شفت حاطة بالغرفة صور الأأمة عليهم السلام وكلساع وذكرت الله سبحانه وتعالى
رنين. اي صحيح

قمر.. فتحت خزانتي الي  احط بيها اشيائي لكيت اهواي اشياء ماموجودة
سئلت ولاء

قمر.. لولو اهواي شغلات ماهية بدولابي (خزانتي ) هم ماخذة منهن

ولاء.. لا خاف رنين

رنين لا مماخذة شي

ولاء .. صفنت عااااا قمر نسيت شفت اليوم رجاء الحية ضامة شي وراها ومن سالتها ارتبكت وكالت ماكو شي وبعدين لمحت عدها قراصتج مالت شعرج بس كلت يجوز مشترية مثلها

رنين.. غير تحجين

قمر.. لا رنين هية مغلطت بشي

رنين.. خل ندور دولابها

قمر..لا محنحصل شي لان ولاء اليوم شافتها اكيد اخذتهن تسوي عليهن سحر

ولاء.. اي صحيح

رنين يلا خل نكوم نسوي غدا

بعد الغداء
********
رجعت رجاء
دخلت سلمت
رجاء .. السلام عليكم
البنات. وعليكم السلام

رجاء .. بنات قررت .........
**********
وبس انتهى البارت حاليا الساعة بال10
الصبح كعدت كتبتة من ال7
واحنة برمضان 2019 وراسي حينفجر
وتعبانة
اتمنى تقدرون تعبي بس تصويت وكومنت حلو يشجعني استمر وينطيني طاقة على مود اكتب واني حرد على كل التعليقات ولاتنسون متبعة حبايبي لان اكيد اليسويلي متابعة اردها اله وراح اكتب روايات حلوة بعد هاي الرواي
♡♥♡♥♡♥♡♥♡♥♡♥