يمةةةةة شكو شصاير خير
شصاير كومي ولج اني جايبج تنامين
مينا بخوف ب. ب س تتعبانة
حسين بغضب كوميييييييي كلبة (حشاكم )
مينا بثقة لتغلط انت الكلب
حسين وتردين بوجهي مو
وبدأ حسين يضرب مينا بالحزام كطعة عليها وانشك تراك مينا لحد ماشافها خدرت يلة عافها كامت مينا متكسرة جسمها تحول من ابيض الى احمر وازك دخلت للحمام جوة المي البارد تبجي وتنعل حظها الي جابها يم هذا الوحش
بس سوت كولشي علمود اخوها ظلت ساعتين بالحمام تبجي جوة المي وقافلة الباب عليها محست بروحها غير الكل ملتم عليها وشاديلها مغذي
حسين
طبيت لكيتها نايمة دفرتها كامت تغلط كلب اني متحملت اعصابي ضربتها طبت للحمام بالكوة تشيل روحها واسمع شهكاتها ما اهتميت نمت كعدت اريد ادخل اسبح علمود اطلع وية جماعتي الباب مقفول دكيت الباب كمت اصيح فتحي الباب كلبة ماكو اي جواب صحت امي بلكي تقنعها تفتح الباب ماكو كسرت الباب امي شافتها هيج اتخبلت لبسوها وشلتها ووديتها للمستشفى
الدكتورة هاي بنتكم مضروبة ضرب قوي
ام حسين راحت لحسين
ام حسين ليش سويت هيج بالبنية مو خطية
حسين يمة رجاء لتتدخلين هية فصليتي وبكيفي
ام حسين فصليتك شنو هذي مرتك
حسين يمة هاي مو مرتي ولايمكن اعتبرها مرتي
ام حسين اذا ضليت هيج كل يوم تضربها لا اني امك ولا انت ابني
حسين يمة ليش تسوين بية هيج يمة ضربتها لان كامت تغلط
ام حسين احجي شصار بالضبط
حسين حجيتلها كولشي ما خليت شي ما حجيت لامي
ام حسين اي يمة انت غلطان لان انت هم حجيت عليها
حسين يمة الله يخليج عوفيني بحالي
فاقت مينا ودلت ام حسين تركض عليها فتحت عيونها
مينا
فتحت عيوني لكيتهم واكفين رجع شريط حياتي للماضي وشسوة بية حسين نزلت دمعتي من عيني وبديت ابجي واشهك
ام حسين يمة حبيبتي فدوةً لتبجين يمة والله دتحركين كلبي
مينا ماما اموت عليج انتي اكثر وحدة حنونة بعد امي
ام حسين يمة واني هم احبج بس لتبجين
مينا حاضر ماما
حضنت ماما وباوعت على الباب لكيت حسين واكف بالباب ويدخن اني سويت روحي ماشفتة
حسين بغضب يلة كومي كولشي ما بيجً بس انتي عيارة يلة كومي لا والله ابتلي بيج
ام حسين بغضب انت انجب متشوف البنية داخلة للمستشفى من وراك وتحجي عليها هسة تجي تعتذر منها
حسين بحدةً اني ما اعتذر لاحد خاصة للجلاب
مينا احترم نفسك ولتخليني اتجاوز وهل مرة ضربتني مرة ثانية اذا ضربتني منعرف شيصير بيك
حسين اتقرب على مينا وراد يضربها لزمت ايدةً
ايدك هاية اكصها اذا مديت ايدك علي
احترمي نفسج ولتخليني اضربج مرة ثانية وحسابج مو هسة بالبيت حيوانة (حشاكم )
