اتفقو اهل حسين يرحون للنجف يزورون واني هم كيفت اروح ازور رحنة كولنة يعني احنة وبيت عمام حسين وعماتة اجرو كوستر اني وحسين لبسنة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ورحنة صعدت اني ليورة وية بنات عمة وحسين ليكدام بعدين البنات طلبو من ابن عمهم احمد الي حان يسوق السيارة يشغل قصيدة ظلت بس صورهم واني جنت كاعدة يم الجامة شغلو القصيدة اتذكرت خالي الي متوفي من جنت صف خامس اني جنت كولش متعلقة بخالي سمعت القصيدة وبديت ابجي بصوت ناصي حتى لحد يسمع سمعت صوت حسين يصيح على احمد طفي طفي القصيد بسرعةةةة
يصيح والشرار يطاير من عينة اجتني رسالة
شبيج حياتي ليش تبجين
مابية بس هيج اتذكرت اهلي
اعرفج دتجذبين علية احجي الصدوك لاوالله هسة اطفر واجي يمج
ووين تجي
خوش مينا
رفعت راسي شفت حسين يطفر بين الكراسي يريد يوصلي وصلي وخر بنت عمة وكور وجهي بايدة
شبيج حياتي منو وياج
حضنتة وبديت ابجي
مينا حسين اشتاقيتلة حسين
حسين منو الي اشتاقيتيلة
مينا وهية تبجي وتشهك خالي حسين خالي
حسين باجر اوديج لبيت بيبيتج وشوفي خالج
مينا خالي مسافر
حسين وين
بدت مينا ترفع راسها وتاشر ليفوك
عرف حسين انو خالها ميت
حضنها وبدت مينا تبجي بصوت عالي
وتكولة متعلقة بي احبة اكثر من نفسي حسين
هدأها حسين ونامت بحضنة وصلو للنجف مينا كعدت من النوم
مينا بترجي حسين خلي اروح لكبر خالي
حسين تندلي
مينا اي
دلت حسين وصلو للكبر شافة حسين عرفة ضابط
مينا بدت تبجي يم كبر خالها واني واكف واني هم نزلت دمعتي
بعدين بالكوة مينا كامت ورحنة للامام علي (ع) زرنة وخلصنة صدنة بالكوستر وصعد حسين ليكدام واني مقبل اروح ليورة وكعدني يمة نمت على كتفة وصلنة لبغداد
ورة يومين راح اتصل علية المدير مالتة وكلة لازم تجي بسرعة راح حسين اني ضل بالي يم حسين فكرة توديني وفكرة تجيبني ورة ثلاث ساعات اجة حسين ضايج ومهموم
مينا بقلق حبيبي بيك شي
حسين ببرود لامابية بس حضري غراضي ملابسي وغراضي
مينا بصدمة ليششش
حسين عندي عملية لازم نلقي القبض على مجرمين يتاجرون بالاطفال ويمكن ما ارجع
مينا وهية تشهك وتبجي لالالالالاالالا لتكلو هيج ما اخليك تروح
حسين مو بيدي الشغلة والله
مينا اذا تحبني لتروح
حسين ما اكدر والله
مينا باستسلام حاضر
بدت مينا تحضر غراضة وهية تبجي
حسين اني باجر بالستة الصبح اطلع
حضرت الغراض وطلع حسين يودعهم واجة نام واني الليل كولة ابجي وهو حاضني مانتمت كعدت الساعة بالخمسة سويت قهوة وجبن وكيمر نزل حسين وجان لابس البدلة العسكرية اني شهكت وجنت اريد اروح جرني حسين من ايدي وكعدني بحضنة
حسين بحنية يلة قلبوشتي وكليني
مينا يأمرني امر روحي
وبدت مينا توكل حسين وبعدين خابرو علية وراح اني بديت اقرة قران ورا ختمت القران ورا بعدين كعدت ام حسين وشافتني وبدت تصبر بية تكولي لتخافين خلي ايمانج بالله كبير
