هاي اني ميناعمري 22سنه مدللة كولش كلية طب مرحلة أولى عندي خوات اثنين وأخو واحد اي هو علي اكبر مني بسنة ملاك صغيرت البيت عمرها ١٠ سنوات ومريم عمرها ٢١ سنة هم كلية طب بابا مدير وامي معلمة بمدرسة ابتدائية
مينا ولج كومي راح تتاخرين
ماما حبابة اريد انام
ولج كومي
اي ماما كايمة
مينا : كمت غسلت وجهي ولبست بنطلون كيلوت اخضر وقميص بيجي وبوتين رياضي وسويت شعري كعكة ورحت للكلية
اني ومريم وملاك راحت للمدرسة وعلي ما داوم لان مريض كولش
وخلصت دوام ورجعت للبيت البيت مكلوب كلاب ودخلت للبيت امي تصيح وتبجي وملاك ساكتة
يمة شكو ليش تبجين
تبجي وتشهك
ملاك شكو
علي قبل اسبوع داعم سيارة وميت الولد هذولي عائلة الولد
اها
يمة لتبجين هسة تنحل انشاء الله
وبهالاثناء دخل أبوية
ها بابا بشر
يردون فصل ١٠٠ مليون
اي ميخالف حالتنا المادية زينة ونكدر ننطي الفصل
مو بس فصل يردون كأم يبجي
بابا احجي الله يخليك
يردون شمعة بيتنا
بابا احجي الله يخليك
يردون فصلية
اني قابلة اروح
شنو
اي بابا قابلة بس اهم شي ميكتلون اخوية
عفية ببنيتي
مينا
عفتهم ورحت صعدت لغرفتي ابجي واشهك شلون قبلت اروح
مينا وية نفسها
لعد تقبلين يروح اخوج
لالا كلشي ولا يروح اخوية
لازم أصير قوية واني ام لسان يسموني
سمعت الباب تندك
ادخل
علي/مينا لترحين مينا لا خليني اني موتت الولد اني لازم أتحمل المسؤلية
مينا /اش لا تتحمل مسؤلية ولا أبد خوش واني قابلة ولاتخاف مراح اخليهم يسون شي وياية تعرفني. ام لسان يسموني
علي / هههه راح تطفرين العائلة كلها من وراج هههه ام لسان يمة فدوة انا
ويكرص بخدودها
وخلص البارت شنو رايكم بالقصة الجديدة
