هيلاووو
اليوم فقرة عندج علم +موقف 🙊
🔔عندج علم🌙 اذا حطيتي باودر بالإسفنجه🍥
مباشرة على وجهج 💁راح يخشب ويبس
ويتعب 😩
عيوني لتتعاجزين 😍خلي اول مره برايمر وبعدين كريم الأساس
وانوب رشة باودر خفيفه بفرشة احمر الخدود يطلع وجهج 🌹
يزنن (يجنن)
🔔عندج علم 🌙حبيبه اذا تخلين خاشوگة الأكل بالثلاجه🍴
وطلعيهه ثاني يوم وهيه بارده تخليهه ع الانتفاخ الجوه اعيونج الحلوه🌸
راح يختفي بتكرار العمليه🍁
🔔عندج علم🌙 اذا حفيتي وجهج راح تنفتح المسامات من كثر الصلخ مال الخيط😁
لازم سدين المسامات حبي شلووون؟ ؟
تجيبين قطعة ثلج ومرريهه ع وجهج وان شاء الله مايطلع 🌛
🔔عندج علم 🌙اذا حطيتي عطر✔ على جسمج مباشرة راح يصير اسود
وخشن ويصيحولج جبار ابو العمبه🤪😸😸😸
🔔عندج علم 🌙اذا فركتي اضافرج💅 بثوم
وانوب وراهه خلي مقوي الاضافر💫
راح يطولن اضافرج بأسبوع بشكل متتوقعيه😼
بس غسلي الثوم زين لاينهزمون اهلج من الريحه😹😹
🔔عندج علم 🌙اذا قشرتي الثوم وتردين
الريحه تروح🤪🌺
جيبي خاشوگه ستيل حتى لو بالسنگ
وافركي ايدج بيهه
راح تروح الريحه خلال ثواني ☺☺
💗💗💗💗💗
واني اكتب بالبارت اجه ببالي موقف صار وياي بالكليه
ضحكني وگلت اكتبه😂
هاي مره صعدت شعبتنه للمختبر
المختبر يصير جبير
واكو بالوسط مثل الميز جبير مستطيل وداير مدايره ستيجات
البنات👱بجهه والولد👨 مقابيلهن بالجهه الثانيه
اني دائما مااگعد بصف البنات لان استحي اصير مقابيل الولد
اگعد بالجهه الصايره گبال الدكتور حته اسيطر ع السبوره واكتب ملاحظات
وبصفي گاعده صديقتي
الجو صيف وحاره مشغلين المكيف وسادين البردات
جان الدكتور بعده شاب وصغير 😺
المهم جان يشرح وگام يباوع عليه ويضحك
وبالگوه كاتم ضحكته
اني دنگت
واگول بگلبي هذا شبي😒 ليش يباوعلي ويضحك😐
باوعت مره ثانيه نفس الشي يضحك ويشرح
ويباوع عليه
انوب عفت القلم خفت😟
معقوله الاستاذ هلگد زاحف
طلاب منا عيب استحيت
عدلت شالي خاف بيه شي ماكوو عدل شالي
بقيت مدنگه ماحسيت الا صديقتي
واگعه عليه
هههههه خطيه جانت نايمه وتغفي😹 والدكتور يباوع علينه لان بصفي
ويضحك صدوگ منظرهه جان يضحك انوب گعدتهه
والدكتور گال اضاهر نعستو طلعنه ع وقت وهيه استحت لان الطلاب ضحكو عليهه
شوفو تفكيري شيطاني ومسمو👹م جانت نيته صافيه واني شلون فكرت خرب حظي🙀
…………………… ………
هاي صديقتي دوووم تنام بالمحاظرات😹 لان صايره بالاخير
والمشكله تنام وهيه گاعده الاساتذه دائما يشوفونهه ويحجون عليهه
خطيه🙂
اكو عدنه دكتور يجررررر بالحجايه جررر يعني صدوگ يخلي الواحد ينعس
وهيه دوم تنام بمحاظرته ولاتفوتله محاظره
فمره جانت بالصيف كولش وحاره والمكيفات بعيده والبردات مسدوده🌞
والگلوبات مطفيه مشغلين البلازما الجبيره ع المحاظره☄
احححح والله منغير مااحس نمت
حسيت على نفسي راسي وگع لوره😴
انتبهت وعدلت گعدتي
طلع الدكتور شايفني من سوء حظي🙀
وهوه صاح بعصبيه😡 مره ثانيه ايييي واحد ينام بالمحاظره يطلع بره يكمل نومته
تفشلت همزين مگالي انتي والله جان مداومت بعد
ليش هيج دكتور ليش جان خليتني انام مو حراام عليك يافاهي 😂
حبيت اشاركم ذكرياتي
مع السلامه 😘
