صباح الخير
وجمعه مباركه عليكم ❤
. #سالفتنا
. واحد يسولف يگول فد يوم گلت لزوجتي راح يجونه خطار على العشا
.. اريدج تنظفين البيت وترتبين كلشي
وآني أروح أجيبلج المسواگ.. يگول رحت للسوگ ورجعت قبل آذان المغرب
طبيت للبيت لگيت المره نايمة ومتغطية ومطفية الكهرباء والبيت أظلم
ووصخ وريحته تلعب النفس.. طبعا آني صعدت عندي وگلت هاي دتعاند تريد تفضحني گدام الخطار.
نزعت شحاطتي وبلشت بيها دگ كتل وين اليوجعها.. المهم كتلتها كتلة غسل ولبس.
. وطلعت تركض و تصرخ وتدردم وآني وراها من غرفة لغرفة..
بعد دقايق انتبهت انو البيت اللي فتت بي مو بيتي!!! ولك آني شسويت!!!..
هذا بيت جيرانة.. وآني طبيت بالغلط والمره اللي ضربتها مرة جاري!!!
هنا آني انصدمت وطلعت بسرعة ورحت لبيتي.
. لگيت مرتي مجهزة كل شي وگاعدة تنتظرني
.. وبالفعل اجو الخطار وضيفتهم وآني مزعوج وأحس نفسي مختنگ وضايگ صدري من المصيبة اللي سويتها..
وراحوا خطاري وبقيت ٣ ايام بالبيت بس احسب واضرب أخماس بأسداس وأنتظر ردة الفعل مال جارتي اشتكت علية لا !!!
المهم جاري زوجها أبد ماجاب طاري ولا كأن صاير شي !!
وراها رحت لسوگ الذهب واشتريت گلادة ذهب ودگيت الباب على جاري وحجيتله السالفة كلها وگتله هاي الگلادة هدية للأخت زوجتك تعبير عن اعتذاري..
المهم الزلمة قبل الاعتذار وگعد يسولفلي.. يگول آني مستغرب گاعد اشوف مرتي صايرة مرتبة ومطيعة وماشية عدل
مثل الساعة والبيت انگلب جنة من النظافة ويومية طابختلنا طبخة تخبل.
. من ألف رحمة على والديك على هاي الكتلة الزينة
.. ياريت كل اسبوع تجي تاخذلك بيها گشة.. طلعت المره ماتدري انو جيرانهم ضاربها عبالها زوجها وگايمة تجر عدل..!!!😂😂😂
شنو رأيكم بهاي الفقره حلوه مووو 😎
اسويلكم بعد نفسهه لو كرهتوهه ☹
