اتهمني بالسارقه وسرق قلبي

البارت 1

دلال. كعدت الصبح ب7:30مثل كل يوم تريكت صمون يابس وحليب ولبست عباتي اخذت افلوس رحت اجيب اريوك الهم وصلت الابو الفرن نفس كلامه اقبلي وخلي نزوج اعيشج اميره ومااخليج اهنا نعيش ب اليرموك واشتريج بيت ب اسمج
دلال. اسمع اجويسم تره اني ماناقصتك وماعايزه لفلوسك لو بيك خير جان مااشتغلت بلفرن وبعدين اذا عندك هلكد افلوس سوي شفط الكرشك وعمليه تجميل وهم تحتاج تمارين حته اطول اشو اني اطول منك جنك قنيت غاز دروح اخذت الصمون ورحت جبت اجبان رجعت للبيت كعدتهم وصبيتلهم اريوك ورحت انضف كملت تنضيف رحت اطبخ واندكت الباب استغربت محد يجينه هيج وكت
سميره. لج دلالو متسمعين الباب وعمى روحي فتحي الباب بسرعه
دلال. اي رايحه
فتحت الباب لكيت رامي ابن عمي سلمت عليه ودخلت كبل باع شكلي والله عيب شافني بهيج حاله طلعله حسن وكلي سوي جاي سويتلهم جاي شوي واجت ريم واختها من المدرسه مستغربات اجن سألني
ريم. منو عدنا
دلال. رامي ابن عمي
نور. يييااااييي خلي اعدل نفسي بلكت ياخذني واخلص منكم
ريم. (باوعت الهه بغضب )لا حول الله شبيج انتي استحي ع روحج
دلال. تريدن غده
ريم. اي حبيبتي بس نبدل امشي نور
دلال. تره احنا بعدنه مااكلنه
ريم. لعد ناكل وياكم
نور. بلكي حسن يعزمه وناكل سوه
ريم. استغفرالله ربي الله يهديج
نور. مخبله كدامج
سميره. هلا بناتي تريدن غده هسه
ريم. لا وياكم فد مره
سميره. سمعي ولج دلالو تصبين غده وماتكعدين ويانه فهمتي
دلال. حاضر
ريم. شبيج يمه
سميره. لا تدخلين
دلال. صبيتلهم الغده ورحت صبيتلي بلمطبخ واسمع اسوالفهم كلها
رامي. يخبل الاكل منو سواه
بنفس اللحضه
ريم. دلال منو غيرها بعد 😒
نور. اني (بدلع)
ريم. هوه انتي بيض متعرفين تسوين
نور. سهله اني الج
سميره. لج ريم وكرصتها وبتسمت
رامي. عاشت ايدها شوماكو هيه
سميره. ااا (دتحجي وكاطعتها ريم)
ريم. والله اكو ناس مخلوها تكعد
رامي.هيه وينها
ريم. بلمطبخ
سميره. لج منو اختج نور لو هيه
ريم. دلال اختي
سميره. ساحرتج هاي
نور. عوفيه يوم
دلال. دخل للمطبخ واني متت بمكاني حاولت اكوم قبل ليوصل مالحكت
رامي. السلام عليكم
دلال. وعليكم السلام
رامي. شو من الباب وبعد مشفتج
دلال. عندي شغل
رامي. تعالي اكلي ويانه ليش وحدج
دلال. لا اهنا ارتاح اكثر
رامي.ادري ليش متجين تستحين مني بس براحتج مااضغط عليج
دلال. ها اي
رامي. يلا باي
دلال. كملو غده وغسلت الاماعين اني وريم واجت نور وامها تتعارك ويه ريم ودكلها حته تغسلين اماعين وياها شمسويتلج ولج
ريم. اي احسن منج قابل مثلج
نور. متوصلين مثلي
ريم. روحي عن وجهي
دلال. كملنه اماعين ورحنه للهول اسمع حسن يسولف ويه امه وهوه جاي ياخذ الجاي وفرحان
حسن.يمه رامي جاي يأمن عدنا فلوسه وره ميرجع من البصره ياخذهم خله مليونين
سميره. هاي فرصتنه يمته يروح
حسن. اي يمه يروح اليوم العصر
دلال. مافهمت شي بس عرفت ديخططون مصيبه والله يستر
طلع رامي وحسن دخل ووياه الفلوس سميره طردتني رحت الغرفتي اراسل رغد ونمت شويه كعدت اباوع يوتيوب واجت نور
نور. كومي لج نزلي جوه احنه رايح نودع رامي حبيبي وزوجي
دلال. هه نازله نازله طلعو واني كعدت اباوع يوتيوب وضايجه ادخل ع الواتساب حته معندي ارقام احد غير سميره و اولادها وابويه ورغد وره ساعه شفت نور ناشره حاله هيه ورامي وكاتبه الله يحفظك الي ترجع بلسلامه ابن عمي حبيبي
استخفت هاي وين حسن عنها ب5اجو جنت احضر عشه ودخلو
سميره. شنو سويتي عشه بله
دلال. كباب وطماطه
نور. بس اني مااحب الكباب
ريم. من اجه رامي ذاك اليوم على العشه هم جان عشانه كباب واكلتي
نور. معليج انتي
دلال. اسويلج مخلمه
نور. اي زين بسرعه
سويتهم عشه وغسلت الاماعين كعدت اباوع tv اني وريم اجت نور دارته ع فلم وتباوعلنه بطرف عينها
ريم. هييي مو كاعدين نباوع
نور. وانتن منو
ريم. تره اصيح الحسن
نور. مايخوف جلبي
ريم. حسسسن ولك حسسسن تعااال طيح حضها هاااي الادبسز
حسن. شبيجن يوميه عركه
ريم. جنه كاعدين واجت نور ع الحاضر تريد ادوره ومن هددتها بيك دكلي مايخوف جلبي شوف الادبسز
حسن. لج منو المايخوف جلبج ها
نور. مو اني دلال كالت هيج
ريم. حسن اني وانته نعرف دلال متحجي هيج والسانها مو طويل
طاح الها كتل وبلصونده اني وسميره حاولنه نبعده عنها ماكو مع انو اني اذا انكتلت محد يتقرب بس ريم حاولنه ندفعه ماكو الحد مامل ووخر
حسن.منو ميخوف جلبج بعد
نور. بسيطه الاكول البابا
هد عليها حسن وصارت هوسه ودك كتل ماتجوز من سوالفها ولا تخاف
عفتهم وصعدت فوك مالي خلك وره ساعه اسمعهم يصيحون وصوت ابويه موجود نزلت شفته معصب ع حسن ونور وامهم تشتكي عليه مدري شدخلني ولا ادري شكالت عني
ابويه. انتو جهال بله
حسن. لازم اخلي الها احدود هاي دلالو شكد ادبسز بس ماتوصل هيج
دلال. ههه صرت مثل للادبسزين واني ماادري برافو
ابويه. معليك بيهن فهمت هنه خوات وطبيعي يتعاركن
سميره. دلالو مو بنتي وسفه ع ريم واكفه ويه الغريب ضد اختها
ابويه. كافي انتي هم يلا كل واحد الغرفته ام حسن صبيلي عشه
طبعا ابويه لا يحل ولا يربط بس يصيح ويعصب ويصدك سميره هذا شغله بلحياة مايدخل ابد
عفتهم وصعدت نمت كبل كعدت ع صوت اصياح نزلت ركض
ابويه. ممعقوله يطيرن
دلال. شنو هنه الطارن
سميره. الفلوس البكتيهن
ابويه. سميره لا تدخلين
دلال. اني شعليه كلشي اذبينه براسي
سميره. لان اعرف اولادي ميبوكون
ابويه. شنسوي هسه واني ماعندي بكد افلوس رامي وانطي منهن
سميره. خابر اله وكله وخابر الشرطه
ريم. لا ادخلين الشرطه
سميره. لا ادخلهم
ابويه. اسكتو وطلعو من يمي
تركنه ابويه يخابر مدري المن وريم تهدي بيه لان جنت خايفه اطيح ع راسي واروح ب مليون داهيه
سويت الريوك شلون مجان حته مطلعت وحسن بقه يعيط
حسن. هسه شيكول علينه رامي والله عيب منه شلون نحلها هسه
ابويه. تنحل بس اهدو ضلينه ع قلق شويه واجت الشرطه استغربنه منو متصل بيهم مع انو كالو منتصل بيهم
نور. اني اتصلت بيهم شهل مهزله
ابويه.راح يضرب نور كتلها شويه ولزمناه كوه للضهر اجه رامي وجان عافس عليه يمكن شاك بيه
رامي. مااصدك تبوكيهم
دلال. والله مابكت والله
سميره. لج بس تركناج رحنه نودع الولد بكتيهم اكول شبيج فرحانه امس وحته تبوسين بينه
دلال. شجاني وابوس بيكم
ضربتني راشدي حيل
رامي. لا عمه لتضربيها
سميره. خلي ادبها شويه
ابويه. ولكم كافي تعبت من وراكم
دلال. خلاص بويه ارتاح
شويه ونزلو المفتشين بيدهم الفلوس انتبهت ع وجه سميره فرحانه
رامي. وين لكيتوهم
حسن. اكيد عد دلالو
المفتش.لكينه نص الفلوس
ريم. وين لكيتهم كلي

ان شاء الله عجبكم البارت الاول

صوتو وتفاعلو حتكون قصه حلوه ان شاء الله وكتبو توقعاتكم عد منو الفلوس