اتهمني بالسارقه وسرق قلبي

البارت الثاني

المفتش. بلغرفه الصغيره ع اليمين
رامي. ايا كلبه يا دلال لو طالبه مني انطيج بس الدلال الي انطاجيا عمي طلع من عينج طالعه ع امج قذره
دلال. اشش كلشي ولا امي وبعدين اي دلال تحجين عنه اشو صايره خدامه الابوي والمرته يطلعوني اشتري الهم من الصبح وحته بليل عادي ميخاف عليه مرته تتهمني وهو يصدك يضربوني ومااحجي الخاطر ابوي ولو هوه يقبل انضرب اني بس اني مااقبل عليه لو ما ريم جان اني اتعس من هسه وبعدين شوكت بكتهم اشو اني من شغله الشغله بهل بيت. والتعب ماكلني اكل سيدي المفتش اخذني حتلو مو اني البايكه ع الاقل ارتاح من الضرب والشغل
ابو حسن. احنه هيج مو
استلمني ضرب هوه وحسن الحد ما الشرطه سحبتهم من يمي
رامي. عمي صدك تحجي دلال
ابو حسن. لا ....(كاطعته ريم)
ريم. اي واني الي ادافع عنها واحميها
رامي. عمي هاي يتيمه وبنتك شلون هيج تسوي بيها ومن اسألكم عليها تحجولي كانو سعيده وهيه بجحيم
دلال. هسه صرت يتيمه مو منو الكال قذر عليه واتهمني حسبي الله
المفتش. تره ماعدنا وقت للدراما راح ناخذج بين ما نحقق بلموضوع

دلال. اخذوني وبس ريم سلمت عليه وتبجي واله البقيه فرحانين ورامي بعيونه شفقه وابوي احسه شوي انقهر ع ضلمه اليه
ريم. باعي حبيبتي مااتركج ابد وادري مو انتي البكتي
دلال. ان شاء الله يلا مع السلامه
كلبشوني واخذوني للسياره واني اباوع للطريق ماادري اذا راح ارجع لو لا ركزت بعدت عن المنطقه ودخلت منطقه ثانيه اول مره اشوف منطقه غير منطقتنه ضليت مركزه ع الشارع لان ادري بعد مااشوفه ضليت ابجي ع حالي تذكرت من جنت صغيره سميره تشتري الريم ونور ملابس والعاب واني جنت انظف اتذكر من ريم تشاركني العابها ونور تفتن عليها وتجي سميره تحجي عليها وتعيط اذكر شلون جانت تشمر الملابس القديمات مال بنات عليه ودكلي متستاهلين اذكر كل مره وكعت بيها ومحد كلي اسم الله ومن وحده من البنات يوكعن الكل يلتم عليهن اتمنى اكول كلمه ماما بس مالكيت الام المناسبه اذكر من اطلب من ابوي فلوس ومرته دكلي من وراج فلسنه ومن وره طلباتج الزايده واني جنت اخذ بليوم ربع لو مااخذ كبرت والجرح باقي بكلبي واني جنت ابجي كلي الشرطي نزلي نزلت اشوف الناس كلها عيونها عليه ويشفقون عليه دخلت للسجن ياربي طلعت من سجن دخلت بسجن اصخم من قبل ضليت تقريبا نص ساعه محد دخل عليه شويه ونفتحت الباب دخل رجال بيده اكل
الضابط. اكلي
دلال. مااشتهي شكرا
الضابط. (بغضب)اكلي لج تره وراج مشوار طويل لازمله حيل وقوه علما تفرج سوأ كنتي انتي البكتي او لا

..رفعت راسي شفته طويل ولحيته طويله ركزت زين بوجه حنطاوي وعيونه عسليه انتبهت عاكر حاجبه
الضابط. ها كملتي فحص بيه
دلال. ها لا بس داشوف الاكل
الضابط. اني اكل 😒
دلال. لا بس
الضابط. بله لغوه يلا اكلي
دلال. طلع واني اكلت اشويه مااشتهي اكل ضليت دقايق ابجي شويه وطب الضابط المغرور
الضابط. كومي
دلال. وين
الضابط. معليج بس كومي
دلال. رحت ويا وماادري وين حياخذني طبينه الغرفة التحقيق عرفتها من الميز الابيض والضوه البنص مثل الافلام والمسلسلات كعدت وهوه راح ربع ساعه تقريبا اجه واحد اني مارفعت راسي ابد
المحقق. احجيلي شسويتي بلفلوس
دلال.سيدي والله مابكت ولا ادري وين مكان الفلوس اصلا والله 😭😭
المحقق. تره هذن السوالف كلهن اعرفهن احجي وين وديتي الفلوس
دلال. اصلا مااخذتهم حته اوديهم
ضل يضرب بيه الحد مافقدت الوعي ماادري شلون كعدت محد يمي وراجعه للسجن ضليت ابجي وادعي ربي يفرجها عليه اعرف ماراح اطلع من السجن شوي وانفتحت الباب اجه الضابط المغرور جايب علبه اسعاف
كعد يعقم الجروح البوجهي ويسولف
الضابط. مو كتلج مشوارج طويل حته اطلعين منا لازم تحجين كلشي
دلال. والله مابكت والله
الضابط. زين راح اسألج وجوابي الصدك بدون لف ودوران
دلال. حاضر
الضابط. الفلوس المن بلضبط
دلال. الرامي ابن عمي
الضابط. عدمن خلاهم وليش اصلا
دلال. جان يريد يروح للبصره خلاهم عد حسن لان صديقه ولان مايأمن اله عدنا هه
الضابط. انتي بيمن شاكه
دلال. ب سميره الحيه وابنها الحيوان
الضابط. هههه شنو هاي شكد حاقده
دلال. ههههه الي يعيش العشته يحقد اكثر مني بس اني كلبي طيب
الضابط. شنو الخلاج تشكين بيهم
دلال. لان من جاب رامي الفلوس فروحو ومن خلاهم عد حسن سميره طردتني وكعدت تسولف ويا ع الفلوس ومن راحو يودعون رامي خلوني بلبيت حته تثبت عليه علساس اني المردت اروح حته ابوكهم واصلا سميره وحسن ميحبوني ف اكيد حتلو مو همه البايكن يذبوها براسي
الضابط. ممم صار عندي فضول اعرف قصتج من ال ( أ ) لل ( ي )
دلال. سولفتله كلشي وبجيت فجأه
الضابط. لتبجين اني راح اطلعج واعرف بيج مو بايكه
دلال. اسفه ضوجتك حيل
الضابط. هذا واجبي اتعامل ويه اي متهم هيج مو بسلوب الضرب بس صديقي عنده الضرب زلاطه
دلال. هههه
طلع من السجن واني بقيت ادعي ربي يفرجها عليه اووف

الضابط. مرحبا اني اسمي اسماعيل عمري 26سنه اني ضابط من عائله مثقفه وفاهمه عندي 3خوات وحده مزوجه اسمها مها وحده بلثالث متوسط اخذت شهاده وتركت متحب الدراسه مثلنه اسمها فرح والصغيره بلروضه اسمها سما عندي اخوان ثنين فيصل مهندس وبكر سنه اخيره كليه وامي وابويه الله يحفظهم فد يوم جنت داخل للمركز ودخلو بنيه صغير دخلت للمكتب وصحت للموظف سألته عليها كال بايكه فلوس كذا وكذا ورايح اوديلها الاكل اخذت منه الاكل ورحت عليها لان هيه مهمتي دخلت وكتلها اكلي جانت رافضه اكره الناس الي ترفضلي طلب ف عصبت عليها رفعت راسها شنو من جمال خرب سيطرت ع نفسي بس هيه لا تباوعلي بدقه ف من صحيتها من صفتها ضلت تلعثم تركتها وطلعت خابرتني امي كالت جيب سما السايق متأخر عليها وضاله تبجي رحت وديت البنيه الفهد صديقي كتله فهد حقق ويه البنيه بين مااجي لان جانت مهمتي هاي ورحت اركض للروضه اخذتها للبيت ورجعت لان ادري ب فهد بس يضرب وصلت لكيتها منتهيه من الضرب نقلتها للسجن وانتضرتها تصحه اخذت علبه الاسعاف ورحت حته اسألها وعالجها الصراحه انقهرت ع حياتها بس بنفس الوكت مبينه مو عاقله تركتها وطلعت اخذت كم شرطي ورحت البيت البنيه سألت الشرطه اذا اكو مكان مفتشوه كالو اكو مخزن دورناه وصاح عليهم المفتش طبعا حسن وامه جانو رافضين ويحاولون يبعدونه
سميره. اوليدي تره لكيتو الفلوس شلكم بهلطلابه هاي
الضابط اسماعيل. خاله احنه نعرف اكثر وعدنا ورقه النه الحق انفتش تركتها ورحت دفعت الباب وضليت ادور بلمخزن لكيت باقي الفلوس خليتهم بجيس حته لا تروح بصماتهه وطلعت وحسن وامه يباوعلي بنضرت خوف مني مبين عليهم
لكينه الفلوس بلمخزن وحناخذ بصماتكم ونطابقها ويه البصمات الي بلفلوس ونعرف البايكهم
سميره. اوليد هاي افلوسي ضميتهم.
الضابط اسماعيل. اذا افلوسج ليش ضامتهم بلمخزن وعندج غرفه
سميره. ماأمن عليهن بلغرفه
الضابط اسماعيل. 😼حجيه خلي نشوف شغلنه ونثبت ع المتهم
اخذت بصمتهم وطلعت واخذت الفلوس ورحت حته اشوف البصمات انطيتهم الشرطي يسوي البصمات ويدزهم الي اخذت الملفه مالتها عرفت اسمها دلال اسم مو ع مسمى تركت الملف ورحت جبت غده للبنيه طبيت عليها لكيته تبجي خفت فهد كتلها مره ثانيه
الضابط. السلام عليكم
دلال. وعليكم السلام
الضابط. شلون صرتي
دلال. الحمدلله
الضابط.ليش تبجين
دلال. ماادري صرت ابجي بلا سبب لا اب يدافعلي وماادري اذا طلعت وين اروح مااريد ارجع الهم
الضابط. الله كريم كلشي ينحل اني اساعدج بكلشي واجيت ابشرج اليوم لكينه باقي الفلوس بلمخزن وراح نشوف بصمات ايدين كل شخص بلبيت حته نعرف عليمن تنطبق
دلال. مدري شلون حضنته بلا وعي الحمدلله ربي استجاب الدعائي 😀 شويه وعيت ع نفسي وسحبت نفسي منه. اعتذر مجان قصدي
الضابط اسماعيل. لا عيني عادي
دلال. طلع الضابط واني الفرح مالي عيني نمت من التعب وهسه يلا كدرت انام وراسي مرتاح مع انو ماانكشفت الحقيقه نمت نوم عميق كلش كعدت ع صوت الضابط
الضابط. دلال دلال
دلال. صباح الخير
الضابط. هههه هسه ليل تعاي تعشي
دلال. قبل لا اكل شنو الاخبار
الضابط. اطابقة بصمات حسن بلفلوس والقينه القبض عليها
دلال. الحمدلله ربي ضليت ابجي من الفرح بس مكسوره بنفس الوكت وين اروح هسه
دلال. سيدي زين وين اروح هسه ماعندي مكان ولا بيت
الضابط. ابن عمج رامي خابر وكال ياخذج واني حزورج كل يوم حته اشوفج اذا مرتاحه وياهم
دلال. بس مااريد اروح ويه رامي
الضابط. ميصير لازم
دلال. ماشي بس يمته
الضابط. هسه اخلص شغلي واذبج عليهم حته اندل المكان
دلال. اشكرك سيدي مااعرف شلوون اجازيك الله يحفظك المرتك
الضابط. هههه ممزوج بس العفو
دلال. راح الضابط كلش ارتاحيت اله وكعدت انتضره حته ياخذني البيت رامي