بسم الله ....
.............
ولاول مرة منذ دلوفها لقصر الصياد تخرج للهواء الطلق لتكسر قيودها كانت خائفة بعض الشئ ولاكن وجود قاسم بجوارها والحراسة الخاصة طمئنها بعض الشئ
.....
ذهبت لزيارة الطبيبة واطمئنت على جنينها وكانت سعيدة جدا لرؤية السعادة على وجه قاسم عند رؤية الجنين على شاشة جهاز السونار...وبعد الخروج من عند الطبيبة بدئت رحلة التغير التى اصرت عليها وقد تسوقت ولاول مرة تختار ملابسها لنفسها وقد ابتاعت اشياء كثيرة وكانها تنتقم من قاسم وقد ظهرت بسمة على وجهها وهى ترى غيرة قاسم الواضحة علية وغضبة من أفعالها امام العامة وبالاخير تركتة يجلس بكافتريا بجوار هذا المركز التجميلى التى دلفت لة منذ اكثر من ثلاث ساعات ...وبعد مدة من الأنتظار تخرج ميرا من ذلك المركز وتفاجأ بها الحرس وذهبت لقاسم ودلفت لداخل الكافتريا ووجدتة يستحى قهوتة ويعبث بهاتفة بملل.. فتقدمت منة بخطى ثابتة وجلست بكل ثقة فقال..
قاسم..اسف جدا الكرسى محجوز
ميرا..نعم وحاجزة لمين ان شاء الله
يرفع وجهة بصدمة من طالتها الجديدة فقد كانت ترتدى فستان من اللون الاسود ضيق جدا يبرز مفاتنها وحذاء بكعب عالى من اللون الاسود ايضا وقد قصت شعرها ليصل طولة لمنتصف ظهرها وقد صبغة للون الاحمر الداكن وتضع بعض مساحيق التجميل فقد كانت رائعة الجمال ..
قاسم..ميراااا..نهارك اسود ومش معدى
ميرا بثقة..اية رايك حلوة صح ..ولا اقولك مش مهم رايك يا بيبى
قاسم..بيبك مين ..انتى مين ..مستحيل تكونى ميرا
ميرا ..لا ميرا ياقلبى يلا بقى غدينى لانى جوعت اووى
قاسم..اغديكى ..اية اللى قلب حالك كدة ..اية اللى غيرك
ميرا ..فكرتنى يا حبى بمناسبة التغير انا اعاوزة شوية حاجات كدة
قاسم ..حاجات اية تانى . مش مكفيكى اللى اشترتية
ميرا بثقة ..والله انا حرة ابقى اخصمهم من ورثى من فلوس بابا ..واسمع بقى اللى انا عاوزاة
قاسم بدهشة..ورثك ....اممممم سامعك قولى
ميرا..انا عايزة فون جديد ليا وعايزة اتعلم ازاى استخدمة واستخدم النت واة عايزة اتعلم القرأة والكتابة ..وعايزة اتعلم السواقة وتجبلى عربية ليا وحرس خصوصى ليا برضو وهاجى الشركة وهتعلم كل كبيرة وصغيرة فيها..
قاسم ..نعم ..دا بجد بقى ..انتى عايزة تتعلمى كل دا ..ومن امتى الجرأة دى يا بنت عمى
ميرا ..يوووة. خلاص يلا نروح لانى اتخنقت من القاعدة مش عاوزة اكل
قاسم ..يلا يا اخرة صبرى
......••••••••••••••••••••.............
فى قصر الصياد..بغرفة قاسم ..
يقف الجد واحمد وهدى ويقوم الجد بضبط جهاز الارسال الخاص بالتلفاز الجديد الذى قام بوضعة بداخل الغرفة بناء على خطتة مع ميرا لتغير قاسم ..
احمد..بابا قاسم لو دخل ولقى التلفزيون دا هيزعل
الجد..مالكش دعوة
هدى ..اموت واعرف اية اللى قولتة لميرا خلاها تتغير وتقبل تخرج
الجد ..هههههههههههه دا انا غلبان
هدى . اووى انت هتقولى
ويقطع حديثهم دلوف ميرا للغرفة بمظهرها الجديد ورأت الصدمة على وجة هدى واحمد وشبح الابتسامة يعلو وجهها هى والجد لنجاح خطتهم ..
شهقت هدى قائلة..
هدى...ياا لهوووى اية دا انتى اية اللى هببتى فى منظرك دا
ميرا ..اية رأيك يا تيتة
احمد..رأينا فى اية انك قصيتى شعرك وصبغتية احمر
الجد..حلو اوووى يا قلب جدك قمر ..بصى بقى التلفزيون اهو واعملى زى ما قولتلك
ميرا بهمس..هشششش بس يا جدو طالع ورايا
يدلف قاسم قائلة..
قاسم..اية دا فى اية هنا
الجد ..مفيش كنت بظبط التلفزيون لميرا
قاسم..لالا كمان تليفزيون كدة كتير اوووى
ميرا..مفيش حاجة تكتر عليا ..صح يا جدو
الجد..طبعا يا حبيبتى
ميرا..عايزة اتعلم القرأة والكتابة يا جدو
الجد..من عيونى بكرة يكون عندك مدرسين
قاسم بغضب ..هو انا شفاف انتى بتاخدى قرارات لوحدك دا من امتى ان شاء الله
تقترب منة ميرا وتقبلة من. وجنتة قائلة بدلال ..
ميرا..من دلوقتى يا قلب ميرا..
..........
.....يتبع ......
....منى الاسيوطى ..
.................
دا ميرا سنت سكاكنها على الاخر ..هههههههههههه اشرب بقى يا قاسم ..ان كيدهن عظيم والله ....
