بسم الله ......
•••••••••••••••••••••••••••••••
صدمة حلت على الجميع ولا يعرفون ما هذا الاختبار المؤلم فتقول هدى ...
هدى ..جنين اية انا عايزة حفيدتى يا حاج
الجد..على قد ما كنت هموت واشوف الطفل دا بس حفيدتى بالدنيا وما فيها
احمد..انا مش عارف افكر الاتنين غالين عندى بس انا لسة ما شوفتش حفيدى عشان اختارة..هتعمل اية ياقاسم.
قاسم بحزن..هعمل اية ...انا بين نارين ..ابنى ومراتى ..انا مش مصدق اللى انا فية ..انا عايز مراتى انا مش هقدر اعيش من غيرها
الجد ..طب وابنك
قاسم ..اجيب غيرة ..لا مش عايز عيال اصلا انا ميرا كل حياتى مش هقدر انها تبعد عنى والله اموت من غيرها
وتأتى الطبيبة مرة اخرى قائلة ...
الطبيبة ..ها اية قراركو الاخير
قاسم ..عايز مراتى ..وعايز اشوفها قبل ما تدخل العمليات
الطبيبة بقلق..هاااا لالا مينفعش لازم نلحقها بعد اذنكم
وتدلف الطبيبة لغرفة الفحص مرة اخرى وهى تتنفس بصعوبة وتنظر لميرا التى تتألم من اوجاع الولادة قائلة..
الطبيبة ..الله يخربيت عقلك يا ميرا قاسم كان هيكشفنى
ميرا بوجع..ااااااة هو دا وقتك اخلصى اختار مين
الطبيبة ..اختارك ياختى..
ميرا..اااااة هههههه ااااة
الطبيبة ..بتضحكى ولا بتتوجعى
ميرا ..أتأكدت انة بيحبى ويقدرش يستغنى عنى ..ااااااة ..بس تفتكرى يا اية هيسامحنى لما يعرف انى كدبت علية وانى معنديش تسمم حمل..
....استوب ..نعرف مين الدكتورة اية الاول...
(اية طبيبة نساء وولادة تتابع ميرا اثناء فترة حملها واصبحو اصدقاء مقربين جدا وهى فتاة بعمر 28عام انسة ملامحها هادئة محجبة ...)
اية..هيعمل اية ..هيرزعك علقة محترمة يجيبلك فيها ارتجاج فى المخ
ميرا ..اااااااااااااة ..الله يحرقك ولدينى بقى . انا تعبانة . اااااااااااااة
اية ..والله اسيبك كدة بذنب الراجل اللى هيموت من الخوف برة دا
ميرا..دا انا اللى هموتك غورى من وشى اااااااااااااة خلصينى بقى
..............
بعد مرور عدة ساعات وقاسم ينتظر بالخارج ويتذكر كل شئ مضى مع ميرا حبة وعشقة وشغفة فى الحياة يتذكر ضحكتها بكائها فرحتها حزنها دموعها ابتسامتها تمردها علية وتغيرها بالفترة الاخيرة فاصبحت شخصية متحررة متمردة واعية ويقطع افكارة بخروج الطبيبة من غرفة العمليات فهرول اليها قائلا..
قاسم ..خير طمنينى
اية ..الحمد لله بغض النظر عن لسانها الطويل بس مبروك جالك ولد
قاسم بصدمة ..ولدت ..طب وميرا
اية ..الحمد لله زى الفل شوية وتقدرو تشوفوها لما تتنقل قوضة عادية ...
الجد. يعنى بجد ميرا وابنها بخير ..
اية ..الحمد لله ياحاج مبروك بعد اذنكم..
.........
......
وبعد مرور بعض الوقت يدلف الجميع للغرفة التى تم وضع بها تلك المشاكسة فهرول قاسم لاحتضانها قائلا..
قاسم..ميرا حبيبتى انتى كويسة
ميرا بابتسامة ..امممم الحمد لله
قاسم بشك..اية دا انت. متأكدة انك كنتى بتولدى وتعبانة
ميرا..ههههههههه اة ..كنت بولد والله
قاسم..ازاى ..وبتضحكى دا انا كنت هموت من كتر الخوف عليكى
ميرا ...هههههههههههه بعد الشر عليك يا قلبى ..قاسم
قاسم..قلب قاسم
ميرا ..بتحبنى
قاسم ..بموت فيكى
ميرا..وانا بعشقك ..قولى شوفت البيبى
قاسم ..لاء لسة طلبت منهم يجبوة
هدى ..حمدلله على السلامة يا بنتى
احمد..حمدلله على سلامتك
ميرا..الله يسلمكم ..وتنظر لجدها الذى يقف بعيدا عنها ولا يتحدث فتقول..
ميرا..مالك يا جدو
الجد ..لو اللى فى دماغى طلع صح انا اللى هعاقبك مش قاسم
ميرا..هههههههههههه قلبك ابيض يا جدو
قاسم بشك وينهض من على الفراش قائلا..
قاسم..اية ..لالالا ..دا بجد
الجد..ميرا ..انطقى انتى كويسة وبتعملى فينا مقلب
ميرا. بصراحة ..اة
قاسم بغضب ..انتى اتجننتى انا كنت هموت من الخوف عليكى وانتى بتمثلى انك هتموتى ..حرام عليكى يا شيخة انتى مالك بقيتى جبروت كدة لية ..وازاى وامتى
الجد..وقعتك سودة كل دا كان من تفكيرك انتى ..طب لية من ورايا ما انتى بتحكيلى على كل حاجة
هدى. .الله يسامحك لية كدة يا بنتى
ميرا ..كان لازم اتاكد انكم فعلا بتحبونى مش بتشفقو عليا..كان لازم ارجع اثق فيك تانى يا قاسم
قاسم بغضب..كل دا عشان ضربتك
ميرا ..لاء عشان شكيت فيا وفى تربيتى وفى اخلاقى صحيح مكنتش اعرف وقت ما ضربتنى معنى الكلام اللى انت قولتة ولما عرفت قررت اعاقبك بعيد عن عقاب جدو كان لازم اوجعك زى ما وجعتنى
قاسم..انتى اكيد اتجننتى
ميرا ..خالص دا انا..
ويقطع حديثهم دلوف احدى الممرضات وبيدها المولود فيحملة الجد والدموع بعينية قائلا ..الله اكبر ..الله اكبر بسم الله مشاء الله ربنا يحفظك
احمد ..اديهونى يا بابا والنبى
الجد ..لاء دا بتاعى .
احمد ..يا بابا دا حفيدى والنبى اشيلة شوية وخدة
هدى ..لا لا انا اللى هشيلة دا اعز الولد انا عايزة اشيلة هاتة يا حاج بقى
قاسم ..هههههههههههه طب انا باباة ممكن اشيلة شوية
الجد ..قولت لاء دا بتاعى انا
.....
وبعد فترة طويلة من معاناة الجميع مع الجد نجح قاسم اخيرا بحمل صغيرة وظل يقبلة وأذن لة والدموع تستبيح وجنتية ولاول مرة لا يعرف سبب بكاءة ولاكن يشعر انة امتلك العالم بأسرة..قائلا..
قاسم ..بسم الله ما شاء الله ..نورت حضنى يا حبيب بابا
الجد ..هتسموة اية
ينظر قاسم لميرا ويقولون سويا ..محمد
الجد بسعادة ..ربنا يخليكو ليا
ميرا ..قاسم ..مش زعلان منى
قاسم ..رغم انى مضايق من عملتك السودة دى بس ميدو يشفعلك
ميرا..هههههههههههه..ربنا يخليكو لياويباركلى فيكو
قاسم ..بحبك يا بريئة
ميرا ..بموت فيك يا عشقى .....
................
...........................
•••••••••••••••••••••••••••النهاية••••••••••••••••••••
************
اتمنى تكون الرواية عجبتكو ..واسفة على التأخير..بريئة من عشقى ..رواية قصيرة خفيفة ..بتحمل رساله لكل راجل انك متستغلش ضعف وحنية الست عشان لو استقوت هتكون انت اول ضحياها ...رائيكو يهمنى جدا فى الرواية ...ودعمكم ليا بيقوينى ويحفزنى جدا ....وشكرا ليكو جدا على التعليقات الجميلة اللى بتكتبوها ليا...
بحبكم يا احلى فانز
منى مصطفى الاسيوطى (ام يوسف)
