بسم الله .......
•••••••••••••••••••••••••••••••
تمر الايام سريعا وميرا مستمرة بختطها مع الجد تتحدث مع قاسم بحدود وتعترض على جميع اوامرة وتعلمت القرأة والكتابة وتذهب للشركة من حين للاخر واصبحت تخرج بحرية وتغيرت كثيرا فاصبحت انثى ناضجة متحررة وتتقدم بشهور حملها لتصبح بالشهر السابع..فتقرر وقف خطتها وتذهب لجدها لتخبرة بقرارها.
.•••••••••••••••••••••••••••••••
بغرفة المكتب.....
......
تدلف ميرا للغرفة بخطى متثاقلةجدا نظرا لتعبها الواضح على ملامحها قائلة....
ميرا ..جدو
الجد..تعالى يا حبيبتى اقعدى
ميرا..عاوزة اتكلم معاك فى موضوع مهم
الجد..قولى يا حبيبتى عاوزة اية ..
ميرا..كفاية كدة على قاسم
الجد..لية ..صعب عليكى اخيرا
ميرا..هههههههههههه كفاية كدة علية بقاله شهور مستحمل عقابى واللى بعملة فية وانا قربت اولد ومش عاوزة اولد وهو بعيد عنى
الجد بقلق..ميرا انتى كويسة
ميرا بارهاق..امممم شوية تعب بسيط
الجد..متاكدة شكلك تعبانة وبتخبى
ميرا..لا متقلقش بس يمكن خايفة شوية
الجد..متخافيش يا حبيبتى كلنا جمبك
ميرا..ربنا يخليكو ليا
ولم ينتبهو لقاسم وهو يقف خلف باب الغرفة واستمع لحديثهم بالكامل وكاد ان يدخل ويعنفها على فعلتها تلك وعقابها لة ولاكنة توقف مكانة عندما استمع لباقى حديثها قائلة ...
ميرا..جدو عاوزة اوصيك على حاجة
الجد باندهاش..توصينى ..يعنى اية ..مالك يا ميرا
ميرا بتعب ..ماليش بس انا قربت اولد والله اعلم هقوم تانى ولا لاء
الجد بغضب..بعد الشر عنك ..بطلى كلامك دا
ميرا ...الاعمار بيد الله يا جدو اسمعنى بس
الجد..لاء مش هسمع اسكتى
ميرا ..جدو عشان خاطرى متقاطعنيش كان زمانى قولت اللى عايزة اقولة اسمعنى والنبى
الجد بقلق..استغفر الله العظيم ..قولى
ميرا ..احم..لو جرالى حاجة وصيتك ابنى تهتم بية وتراعية.وتعلمة احسن تعليم وتسمية على اسم حضرتك محمد..اما بالنسبة لقاسم تديلو الجواب دا ..
وتخرج من جيبها مظروف ابيض مطوى وتقدمة لجدها
الجد..اية الجنان دا ..بطلى عبط انتى هتكونى كويسة
ميرا..ياارب يا جدو ..انا هطلع قوضتى ارتاح
والكلام دا سر بينا..دى وصيتى ليك يا جدو
الجد..ربنا يقومك بالسلامة يا بنتى
ميرا ..يارب
وتنهض ميرا وتخرج من المكتب وتصعد لغرفتها ولم ترى قاسم الذى تنحى جانبا حتى لا تراة ميرا
........
بغرفة قاسم بالاعلى ...
تدلف ميرا وهى مجهدة جدا وتشعر بألم بظهرها واسفل بطنها وتجلس على حافة الفراش وترى قاسم وهو يدلف للغرفة فتقول
ميرا..قاسم
قاسم ..نعم يا حبيبتى
ميرا..انا بحبك اوووى
قاسم..وانا بموت فيكى
ميرا..ممكن تاخدنى فى حضنك عاوزة اناام
قاسم ..حاضر تعالى
وينام قاسم بجوار ميرا ويقوم باحتضانهااا وذهبو بثبات عميق...
........
قصر الصياد ..الساعة الثالثة بعد منتصف الليل ...
صرااخ صدع بغرفة قاسم وينتفض قاسم من فراشة على صوت صراخ صغيرتة ..
قاسم ...ميراا ..ميراا مالك ..ميرا فى اية
ميراا..اااااااه ..اااااااااااااة..قاسم الحقنى ..اااااااااااااة
يدلف الجد والجدة واحمد للغرفة سريعا
هدى..فى اية..ميرا انتى بتولدى
احمد..ازاى دا لسة بدرى عليها
الجد..طب يلا شيلها على المستشفى..
.............................
فى المشفى.....
....ينتظر الجد والجدة واحمد وقاسم امام غرفة الفحص الطبى وتخرج الطبيبة مهرولة للخارج فيوقفها قاسم قائلا بقلق...
قاسم..خير يا دكتورة
الطبيبة بصوت عالى ..خير اية بس انتو ازاى تسبوها كدة
هدى ببكاء..يعنى اية فهمينا ميرا مالها
الطبيبة ..مالها ..المدام عندها تسمم حمل دا غير ضعف جسمها وضغطها العالى ولازم تختارو يا الام يا الجنين قدامكو عشر دقايق لحد ما قوضة العمليات تجهز ..بعد اذنكم
••••••••••••••••••••••••••••••• •••••••••••••••••••••••••••
استووووووب هنقسم الفصل على جزئين عشان الفصل مش بيفتح عند نااس كتير واحب اقولكم انى مش مسئولة على جنان ميرا...يلا هو اللى ابتدى ..توقعتكو للجزء الثانى على ما اكتبة ...
منى مصطفى الاسيوطى
