سوء_تفاهم
الحلقه5
ذهبت سمر لحسام المكتب بعد ان اخبرتها اختها بانه وافق علي تدريبه وفرحت كثير
وكان حسام لم يراها تقريبا منذ زواجه فهو يتحاشي الذهاب عند اهل زوجته يكتفي بتوصيلها بالسياره ويقول لها عندي مشوار وساتي لاصطحابك مره اخري او ترجع وحدها
دخلت سمر عليه المكتب بعد ان استاذنت السكرتيره من حسام
سمر:سلام عليكم
حسام:وعليكم السلام
سمر:اهو جايه بشنطتي واوراقي واقلامي وملافتي وحاهزه وكله تمام
حسام:لا والله مش عارفين من غير اوراقك واقلامك كنا هنجيب حقهم منين
سمر:يلا اخو بنعمل خير ونرميه البحر
حسام:كتر خيرك بصراحه وجايبه ملفات ايه بقي انتي جيالنا جاهزه بالقواضي
سمر:لا الملفات اللي هحط فيها القواضي
حسام:كمان مش عارفين نرد الجمايل دي ازاي والله
نشتغل بقي
سمر:اتفضل امال اما جايه هزر
حسام:والله شكلك جايه تهزري بملفاتك دي
بصي ياسيتي هديكي قضيه صغنونه علي ادك جنحه بسيطه تاخدي القضيه تدرسيها كويس تعصريها بمعني اصح وتشوفي ثغراتها وتعملي مذكره وتوريهالي
سمر:ايوه اللي هو ايه بقي
حسام:هو ايه ده اللي هو ايه
سمر:المذكره دي
سمر:كمان مش عارفه المذكره شكلك هتتعبيني اوي
وقعد يشرح لها ازاي تعمل مذكره وماهي وفاءدتها
حسام:فهمتي
سمر:اه طبعا وانا غبيه
حسام:يارب تكوني فهمتي وفي مراجع اهي ف المكتبه لو محتاجه حاجه خديها وترجعيها مكانها حسك عينك الاقبها ف حته تانيه انا حافظ اماكنهم ومش عاوز بهدله ف مكتبي
سمر:نام واطمن وحط ف بطنك بطيخه صيفي
حسام:ربنا يستر انا مش بطمن للبطيخ ده
سمر:لا والله ماتقلقش انا هلم خلجاني بقي واطلع ادرس القضيه
داانا وصيت علي روب محامي كمان
حسام:لا هو انتي راسمه علي مرافعه من غير ماتاخدي شهادتك
ماتيجي تقعدي مطرحي وخلاص
سمر:لا العفو يااستاذنا هي العين تعلا ع الحاجب انا هبقي اعمل اكبر مكتب ف البلد
حسام:بره ياسمر
سمر:حاضر حاضر ماتشخطش ولمت اوراقها والقضيه وخرجت تجري
حسام:قال هتعمل مكتب كبير قال الي مش عارفه يعني ايه مذكره بت ضاربه صحيح
..........................
اخذت تدرس بها قرابه الساعتين وعملت المذكره ودخلت له
سمر:اقرا وادعيلي
وبدا في قراءه المذكره
ليتوقف يانهار اسود
اديكي الراجل جنحه اقصاها 6 شهور تجبيله اعدام
سمر:وريني ليه بقي
حسام:ايه المواد اللي حطاها ف قانون العقوبات دي
سمر:الجزمه
حسام:مين دي اللي جزمه
سمر:البت اللي ملتهاني
حسام:يعني مش انتي اللي كتباه
سمر:لا والله انا اللي كاتبه بس هي كانت بتمليني
وريني كده ههههههه بس مش اعدام يعني ممكن اشغال شقه هههههه
حسام:بره
أنت تقرأ
سوء تفاهم
Lãng mạnرومانسى عندما تحب احد وتجد القدر يبعدك عنه ويكاد يكون مستحيل ثم يرده الله لك دون سابق انذار فهل سبتجدد الحب ومارد فعل الاخر الذي لايعلم بهذا الحب
