#سوء_تفاهم
الحلقه8
تحددت خطوبه سمر بعد اسبوعين تكون قامت بالسلامه وفعلا لبست الشبكه بالصاغه ولكن لم يحضر حسام وتحجج بان امه مريضه
وظلت الايام رتيبه هكذا تعمل معه ف المكتب
وهو يجاهد حبه لها ولا يظهره باي شكل من الاشكال حتي زوجته لا تحس بذلك فهو يحاول يقنع نفسه انها لغيره وهو لغيرها ولكن كيف لهذا القلب ان يفهم ويعي لو كان للقلب عقل لفهم ولكنه اهوج يفعل مايشاء دون ان يستشبر العقل
............
وبعد شهرين
علاء:الشركه بتاعتي صفت ياعمي وكانو واعدينا يثبتونا كل شيء راح ولا شغل ولا تثبيت
محسن:طب وبعدين داانت خاطب البت ورابطها من سنه ونص والمفروض بعد 6 شهور او اقل تجوزو تكون خلصت انكا انت لاشقه ولا جبت عفش ولا وظيفه وكل اتفاقنا راح ف الهوا
علاء:حتي الجمعيات اللي عملتها مش عارف اسدها وشكلي هرجعها تاني
والله مش بايدي
محسن:انا عارف يابني بس علي عيني انت اللي اخليت بالاتفاق ومش هربطها اكتر من كده بيك سيبها تشوف مصلحتها هتستناك العمر كله
علاء:يعني دا رايك ياعمي
وانتي يا سمر دا رايك
سمر:الراي راي بابا انا مقدرش اخالفه
محسن:هاتي الشبكه يابنتي واعتطته الشبكه
وخرج علاء من حياتها للابد
..............
ذهبت سماح لهم وكانت علي وشك الولاده
سماح:معلش حبيبتي ربنا هيعوضك باللي احسن منه واهو عشان تخدي بالك من عيالي ابقي اجبهوملك وتربيهم
سمر:ايوه انتو خلفو وارمو مصلحجيه
سماح:بس تربيهم كويس يابت وتاخدي بالك منهم
سمر:دول ف عنيا هاتيهم بس انتي حبايب خالتو دول ومالكيش دعوه بيهم هربيهم انا وامك ماانا فضيت بقي لا جواز ولا نيله خدنا ايه من الجواز
...........
حسام:ايوه ياطنط حصلوني ع المستشفي سماح بتولد
ام سماح:يانهار ابيض انا جايه حالا ربنا ينتعك بالسلامه يابنتي
واخذت محسن وسمر للمشفي
ام سماح:ايه الاخبار يابني
حسام:جوه من بدري ومافيش اخبار
ربنا يقومهم بالسلامه يارب
وبعد وقت طويل يسمعون الاطفال وهرج ومرج
حسام:في ايه
الممرضه:مافيش حاجه اطمن جالك واد وبت زي القمر
حسام:يارب ياكريم
طب ممكن اشوفهم
الممرضه :هيروحو الحضانه عشان ضعاف بس
وتروح تشوفهم
وفعلا راي الاطفال يخرجون للحضانه
حسام:طب مراتي هتخرج امتي
الممرضه :حالا اهو تعالي شوف عيالك علي مالدكتور يخلص
وفعلا ذهب ليري اولاده
حسام:بسم الله ماشاء الله
ياحبايبي
طب ممكن اكبرلهم ف ودنهم
وفعلا اعطته كل واحد ليكبر بالاذان في اذنه
ورجع مره اخري
ليجد الطبيب يخرج :البقاء لله القلب كان ضعيف مااستحملتش
ليقف الجميع واجمين من هول الصدمه
أنت تقرأ
سوء تفاهم
Roman d'amourرومانسى عندما تحب احد وتجد القدر يبعدك عنه ويكاد يكون مستحيل ثم يرده الله لك دون سابق انذار فهل سبتجدد الحب ومارد فعل الاخر الذي لايعلم بهذا الحب
