#سوء_تفاهم
الحلقه التانيه
ذهبت الام كما قال لها حسام
ام حسام :شوفي ياام سماح احنا ناس جد وبتوع ربنا وابني حسام الكل يشهدله بالصلاح والاخلاق وراجل من يومه ومتحمل المسؤليه وجاهز بشقته وعنده مكتب محامي وربنا كرمه مع ان سنه صغير27 سنه لكن له سمعه الكل يشهدله بيها وبني نفسه بنفسه عشان والده مات يعني ماحدش ساعده هو شاف سماح وقالي اجي اطلبها علي مايرجع عنده قضيه ف اسكندريه وجاي
دخلت سمر
ام حسام:بسم الله ماشاء الله احلي كمان من الوصف
ام سماح:لا دي سمر لسه ف تانيه كليه ومقري فتحتها
ام حسام:يبقي دي المخطوبه لا عاوزين التانيه
فدخلت سماح الست احست انها غير الوصف ولكن هو من شاهد واصر عليها
ودي صورته معايا علي مايجي
لو موافقين نقرا الفاتحه علي مايجي يتم الاتفاق ويقراها تاني
ام سماح ومحسن:والله احنا ارتحنالك ياست ام حسام ومش هنلاقي ناس زيكو ولما طلبني ياخد معاد وقالي تبع حازم سالت عليه وشكر فيكو جامد وانه انسان ملتزم
ومش عاوز لبنتي اكتر من كده
ام حسام:نقرا الفاتحه
محسن:مانستني اما يجي
ام حسام :ماهو اللي طالبها بنفسه
محسن:خلاص عشان خطرك نقراها ولما يجي نقراها تاني زياده الخير خيرين
....................
ورجعت لياتي ليلا
حسام :عملتي ايه
امه:قرينا الفاتحه علي ماتيجي
حسام:وايه رايك فيها
امه:ناس طيبين وهي طيبه وغلبانه اوي
حسام:خلاص الخميس نروح نتمم الجوازه
امه:ربنا يتملك بخير
.................
علاء:الف مبروك لسماح ياسمر
سمر:الله يبارك فيك يا علاء
علاء:عقبال فرحنا بقي
سمر:ياااه يديني ويديك طوله العمر دا لسه سنتين
علاء:والله لو اطول اعملك كل حاجه ف شهر كنت عملتها لكن ماباليد حيله داانا فرحت انك لسالك سنتين اهو الواحد يكون عمل اللي وراه وربنا يسهل ويثبتونا
سمر:ربنا يعملك اللي فيه الخير
يمسك يدها بتحبيني ياسمر
تسحب يدها سريعا
علاء ماتعملش كده تاني انا مابحبش كده احنا يادوب اتقرا فاتحتنا
علاء:انا اسف بس غصب عني خلاص مش هكررها ماتزعليش بقي وتبفي حمقيه كده
سمر:مش مساله حمقيه ماينفعش كفايه انهم سايبنا لوحدنا شويه وقاعدين بره جمبنا
علاء :وانتي عوزاهم يقعدو معانا
سمر :المفروض
علاء:خلاص ماتناديهم اهم ونس بردو
سمر:انت بنتريق
علاء:اعملك ايه مستخسره الشويه اللي بقعدهم معاكي مره كل اسبوع او اتنين مش كفايه مارضيش بخطوبه الا بعد سنه ولا اخرج معاكي ولا حاجه
سمر:يعني نفضل مخطوبين سنتين وطالع نازل كل يوم
علاء:لا مايصحش
سمر:اهو ده اللي عندي لوعجبك
علاء:عاجبني ياست خلاص مالك قافشه عليا ليه انهارده
سمر :ولا قافشه ولا حاجه انت اللي بتتريق عليا ومس عاجبك كلامي
علاء:والله عاجبني وكل حاجه فيك ياقمر عجباني
سمر:ياسلام ماكان من الاول
.............
جاء اليوم المرتقب ليحضر حسام وامه
أنت تقرأ
سوء تفاهم
Roman d'amourرومانسى عندما تحب احد وتجد القدر يبعدك عنه ويكاد يكون مستحيل ثم يرده الله لك دون سابق انذار فهل سبتجدد الحب ومارد فعل الاخر الذي لايعلم بهذا الحب
