بالدنيــــا كلمـــــن ينكتـــــل
ثـــــاره هلــــه يردونـــــه
بــــس اليحــــب محـــــد الـــــه
لتخـــــاف مـــن نــــاســـه و هلـــــه
بالشــوگ لمــــن ينكتـــــل
كــــل الخلـــــــگ ينسونـــــــه
رائد ابو فتيان
*********سما
جنت گاعدة بغرفتي واتصفح بموبايلي ومااسمع الا العيطة گبت
عادي ماهتميت
ماكو شي غريب بالموضوع
تعودنه بهالبيت على اشكال انواع الصياح يومية
وجان اسمع صوت ماماسناء: ولج سما لحكيلي سما ولج كلبي راح اموت
طلعت اركض واني اشوف ماما واكفة وتصرخ وبابا واكف كبالهه
وورا وحدة
بنية شابة مبين عليهه اجنبيةسما: خير شكو شبيكم ليش هالصياح.. منو هاي بابا
ماجد: زوجتي
سما: شنووو!!
سناء: اي عيني اي داده ابوج اتزوج اجنبية ولج اااااخخخ بس ناوشينياهه خلي اجلب بكفشتهه
سما: ماما فدوة اروحلج سكتي خلي نفتهم
ماجد: لا ليش تسكتينهه خليهه تحجي خليهه طول عمرهه امج بس حجي ولسانهه شطوله ومحد يكدر عليهه
سناء: ولك هاي اني هيج بسيطة اني اعلمك اذا مااكض هاي الجايبهه ونافخ ريشك بيهه واهلس شعفتهه اني مو سناء
سما: بابا شوكت ازوجت وليش
ماجد: اني رجال حر برأيي ومو زغير حته تحاسبوني واعتقد تحملت امج بما فيه الكفاية ويومية اكول باجر تتعدل باجر تحس بس هي يوم عن يوم دا تزيد واني بعد هذا حدي رجال مريض واريد ارتاح
سناء: اي ليش لا انشالله ترتاح ليش ماترتاح من اودي هالمگموعة الكبرههكمزت ماما وجرت البنية من وره بابا ومجلبة بشعرهه نريد نفكهه منهه ماكدرنه
وهي ادردم وتحجي والبنية تصرخ جواهه
بالكوه فكيناهه وعافت لبنية وسحبتهه اني وجتفتهه بأديه ثنينهنسناء: بسيطة ولج بت الجلب اني اعلمج خرابة البيوت بواگة الزلم ولج هديني لاتلزميني هديني عليهه
سما: ماما اترجاج كافي امشي حبيبتي امشي الغرفتج فدوة
بالكوة سحبتهه ورضت تروح وياي للغرفة وكعدتهه ع السرير
سما: ارتاحي حبيبتي لا تسوين بنفسج هيج
سناء: ااااخخ ياضيم گلبي ولج ليش جريتيني منهه لو مخليتني اموتهه
سما: كافي ماما ماتنحل الامور بهالطريقة ولله هسه هوه معاند وبتصرفاتج حتخلي يعاند اكثر انتي اهدي هسه واكيد حيرجع العقله ويندم صدكيني
سناء: كومي جيبيلي دوه الضغط الله لا ينطيهم رفعو ضغطي
سما
كمت وانطيت الدوة الماما شربت ونامت وغطيتهه وطلعت
لكيت بابا والعروس كاعدين بالصالة
فتت من دون مااحجي ودخلت بغرفتي
اووووف ياربي ليش هيج دا يصير بينا
ليش مانحس بقيمة الشي الا لما نخسره
ماما الي كاتله نفسهه هسه
بابا جان كدامهه بكل وكت وهي الي جانت صادته
صح بابا حقه لان ماما مقصرة بحقوقة وماتعرف غير الصياح والعرك
بس احس تسرع بهالخطوة
مادري شسوي وشتصرف
اكيد هاي راح تعيش عدنه
هههه جان ناقصنه عياط وعرك وكملت السبحة هسه
*******
أنت تقرأ
(بــــين شـــقيــقتي و شــــقائي)
Roman d'amourإبتعد.... فهواكَ محرمُ على قلبٍ ذاقَ العناء وأكتفى وتأرجح متمسكاً بقشةً صغيرة سرعان ما إهترأت وتهاوى على حافات الجحيم أقدارنا مفترقة وسبلنا لن تلتقي يامن عشقتك روحي وشهدت على ذلك جوارحي لا تقترب.. فنحن متضادان