عذروني ع التأخير وشكرا لكل الي سأل عني
تحياتي الكم
وقراءة ممتعة
رحيل القوافي
*********
الليــــل مــو مگفــــى الشمــــس غيبــــة عزيـــــز
مــــن تكــــض اصـــورهــــم و ليـــهــم تحــــن
الليــــل مــــن تفــــــرش عيـــونــك للجفــــوك
و تالــــي فقــــر طيـــوف ينصـــــاب الجفـــــن
احمد الجواهري
*******
محمد
طلعت من يمهه واحس گلبي بقة جوه ماكدرت اتركهه ابد
ضليت كاعد اراقب غرفتهه من بعيد اخاف اروح ويصير شي ..ماينطيني گلبي افارگهه
احس من شفتهه كل الشوگ الي بيه اشتعل ورجع من جديد
شكد احاول انساج يا رفل شكد احاول ادوس ع گلبي و ادفن مشاعري بس من اشوفج انسى كلشي وبس مشاعري هي الي تتحكم بيه
******
رهف
رجعت صعدت وكعدت بمكاني يم غرفة رفل وعقلي مو وياي
معقولة بكر هيج
معقولة متزوجهه صدك لا وحامل
يعني كل حجيه جان جذب
كل مشاعره جانت ضحك
معقولة عيشت نفسي بوهم وخسرت اختي الخاطر شخص مثله
وينج يا رفل تعاي شوفي حقيقة الشخص الي صرنه اعداء علموده
******
بكر
نزعت نظارتي الشمسية وحاولت اركز اكثر
هي
اي هي ماغلطان
ولله ووگعتي ومحد سمه عليج
صعدت بسيارتي وبقيت مراقبهه وكفت تكسي وصعدت وحركت سيارتي وراهم
ضليت الاحك التكسي لحد ما وصلهه المنطقة جبلية
جانت لبيوت بيهه قليلة
وكف التكسي ووكفت سيارتي ع بعد منهه حته لا تشوفني
نزلت وراح التكسي ونزلت من سيارتي
دخلت بفرع ضيگ كلش بين الجبال ودخلت وراهه وشفتهه وكفت يم بيت وجانت تفتح الباب بالمفتاح
تقربت عليهه وصرت وراهه ولزمتهه حيل من شعرهه
التفتت عليه بتفاجئ وبعيونهه نظرة خوف
جيني: بكر
بكر: اهلا سيدة جيني لقد اشتقنا لكي كثيرا ما هذه الغيبة
ضليت لازمهه من شعرهه وسحبت المفتاح من ايدهه وفتحت الباب ودفعتهه حيل جوه
دخلت وراهه وسديت الباب
جان البيت تحت جبل زغير وقديم كلش واضلم وبي بس غرفة وحدة وصالة
تقربت عليهه واحس عيوني تريد تطلع من الغضب
ضلت ترجع ليوره ونظراتهه كلهه خوف
رفعت ايدي ونزلتهه بصفعه ع وجهه خلتهه تطيح بالكاع
رفعتهه من الكاع وهزيتهه حيل وصرخت: ما الذي كنتي تفعلينه في المستشفى
جيني:........
بكر بصرخة :انطقي
بقت ساكتة وماتقبل تحجي لزمته من ايدهه وفريت وجهه ع الحايط وايدهه نلوت بيدي حيل لحد ما صرخت من الوجع وحجت: ذهبت لمقابلة رهف
احس واحد وطكني ع راسي
عفت ايدهه و اندارت عليه بقيت صافن بوجهه اريد استوعب الحجي الي كالته
جيني: رهف اصبحت على علم بكل ما حدث
احس الدم صعد الراسي وفقدت وصرت ماتحكم بأعصابي
لزمتهه من شعرهه حيل وسحلتهه وياي ودخلتهه للغرفة الوحيدة الي موجودة بالبيت قفلت الباب وشمرتهه ع الجرباية
سحبت حزامي من بنطروني وضليت اضرب بيهه بكل مكان وهي تصرخ جوه ايدي
كلما اضربهه احس احقد عليهه اكثر وبعدني ماتشفيت بيهه
للحظة تخيلتهه رهف وكمت اضرب بيهه اكثر
ااخخ يارهف لو اكدر اقسي عليج هيج واراويج وجهي الثاني
واعاقبج ع كلشي سويتي
حسيتهه انتهت جوه ايدي واستسلمت وحته مقاومتهه خفت
ابتعدت عنها وعفتهه جثة هامدة ع الجرباية وطلعت من الغرفة واني امسح بوجهي من العرك
سحبت تلفوني من جيبي وخابرت
معتز: الوو بكر.. ابوس ايدك انته كلي وين تختفي فريت راسي ياخي لا بالمستشفى موجود ولا بالجامعة موجود من الصبح اني افتر وراك
بكر: اسمعني
معتز: شسمع شوكت تبطل سوالفك
بكر بغضب: معتز اسكت واسمعني... لكيت جيني
معتز: لا بربك
بكر; ليش هالموضوع بي شقة المهم تعالي بسرعة
معتز: وين انته
وصفتله المنطقة الي اني بيها وبثلث ساعة تقريبا دك الباب
معتز وهوه يدخل: بشرفك شهالمنطقة وين اندليتهه وجبتهه هنا
بكر: مو اني الي جبتهه هنا هي الي جانت عايشة هنا
معتز: وينهه
فتحتله باب الغرفة وباوع عليهه من الباب وانصدم من شكلهه جانت نايمة ع السرير وتون من الالم واثار الضرب مالية وجهه وجسمهه
معتز: ولك هاي شمسوي.. ناهيهه وعلي.. هيج كالوهه
بكر: والهسة ما شافت شي اذا ما اقضي بيهه التوبة ماطلع بكر.. المهم ضل هنا شوي وراجعلك
معتز :وين رايح يمعود
فتحت الباب وحجيت: شبيك عبالك مخليك بصحراء شوي وراجع
مشيت وطلعت من الفرع صعدت سيارتي وحركت لازم كلشي يتوضح كافي
**********
رهف
بقيت كاعدة كبال غرفة رفل وسرحانة افكر باللي صار
ما حاولت ادخل ع رفل ولا اشوفهه حته لتصير مصادمات بيني وبينهه خصوصا ان باجر حيجيلهه الطبيب النفسي ويشوفهه
اجو بابا وماما خذو مكاني وطلعت اني رايحة للبيت
أنت تقرأ
(بــــين شـــقيــقتي و شــــقائي)
Romanceإبتعد.... فهواكَ محرمُ على قلبٍ ذاقَ العناء وأكتفى وتأرجح متمسكاً بقشةً صغيرة سرعان ما إهترأت وتهاوى على حافات الجحيم أقدارنا مفترقة وسبلنا لن تلتقي يامن عشقتك روحي وشهدت على ذلك جوارحي لا تقترب.. فنحن متضادان
