لم يكن بالحسبان

الكاتبة#فيّد عبد الله(٢٥)

مساء الخير موبايلي خرب ابشركم ههههه فجاي اكتب من جديد اعذروني لو اتأخرت💕💕متابعة طيبة

البارت الخامس والعشرون
فيّد عبدالله
سااهر:نزلت واني مفوول اعصاب مدري من درة ودموعها الحركن كلبي وروحي مدري من سمر وجذبها الي كلت بطلتة وتابت مدري مني لان زودتها على درة واذيتها هواية شوية واندكت الباب رحت للمطبخ لكيت درة صابة الاكل ومكملة كلشي وطالعة من المطبخ وديت الغدة للولد وتغدينا واتشكروني على الطبخ الطيب وانوب جاي وكرزات وجكاير ضلوا يمي للمغرب جلبت بيهم عالعشا ما قبلوا اترخصوا وطلعوا جنت مااريد اواجه درة ودموعها ادري بكلبي ما يتحمل تنقهر واكابر وادوس على كلبي وااذيها صدك على حجايتهة صرت مااعرفني منو اني ساعة حنين وساعة ناار وتحرك طبيت سلمت على امي واخذت فهد الي كبر ودنفش وجان دومة نضيف ومبدل ومعطر صار يمشي ويخطي بس لسة مايحجي طلعت وياه للمضيف واتلكاه ابوية جان كاش يحبة وهو هم يحب ابوية ودومة يفتش شكو بجيب ابوية ياخذة فلوس جداحة موبايل شيصح هههه جنة نضحك على سوالفة وحركاتة اذن وصليت بالمضيف ورة شوية فهد كام يبجي يريد يرجع اخذتة ورجعنة بس شاف درة ركضلها جانت بالمطبخ هي دنكت وشالتة وبوستة كتلها بدون شعور لا يضرب بطنج لا اراديا طلعت مني الكلمة ردت علية لا مبعدتة عنها خليت وطلعت رجعت للمضيف وخابرت بسام جنت احب اكعد وياه واسوالف وياه صح اصغر اخوتي بس اعقلهم واركزهم اجاني ورة شوية وجان شايط كتلة شبيك شو تلوج

بسام:والله ياخوية امي تعبتني من مشاكل النسوان والحجي كمت اضوج ارجع للبيت من ورة سوالفها ما تطيق حنين ولا تبلعها وتدورلها الزلة

ساهر:اتهدة بالله وارتاح هي هاي سوالف النسوان جا جديدة عليك امك هي عتقت جنة من جناينها

بساام : ياخوية مو هيج جانت كبل عالخلفة واكلها يمة ما مستعجل ثنينة صغار مايفيد اتزوج ماتفيدك هاي الله رزقنة وبالسونار بينت بنية اتكوم وتكعد تعير بيها جا شبيهن البنات والله ما تفرق عندي اهم شي تمام الخلقة مو ذنيج بنات بشار اموت عليهن

ساهر:هههه غضي خلكك ماتسوة ماتعرف امك
بسام:انوب هاي فقيرة وماعندها بس البجي زرفت كلبي

ساهر: هااا ولك ماتتحمل دموعها ههه،والله ياخوية انتة هم غاوي تعب واذية مو داومت بالبصرة وانطوك سكن ليش ماقبلت جان اخذت مريتك ورحت بلا دوخة الراس دامك مرتاح وياهة

بسام:مو اثول وعبالي امي راح تحبها جا مو ذيج مرت بشار اول بطن وتوم بنات وانوب بنية يلا الولد شوماحجت ومن راد بشار يتزوج هي سكتتة

ساهر:ذيج غير بنت اختها وحنين عفت بنت اخوها وخذتها بحجاية ابوية،شوف خوية انتة راتبك خير من الله وكاعنا جبيرة اخذلك وصلة كاع وابنيها واني اعاونك ومااقصر منك هم ترتاح انتة ومريتك وهم قريبة علينا