مسلسل سعاده كاذبه
الحلقه 87
وعت رجاء تاني يوم علي فونها ايرن مسكاته
وانصدمت لما لقته رقم وليد
طووووووووول اعرفت ان النتيجه طالعه حطت الفون علي الصامت والتفت ولقت طارق راقد اسحبت روحها بشويه بشويه وطلعت وافتحت علي وليد واقعدت ساكته
وليد ؛؛ ساعه ماتردي
رجاء ؛؛ بصوت واطي وخايفه
ايوه
وليد ؛؛ هههه راقده قايله تو
رجاء ؛؛ اطلعت
وليد ؛؛ اهاا
رجاء ؛؛ باهي انطق كنك ساكت
وليد ؛؛ ماعنديش وجه بكل
رجاء ؛؛ تو ران عليا واتقولي ماعنديش وجه ليش جاك الوجه لما حطيت رقمي واتصلت
وليد ؛؛ يا فرخه راه خيرلك
رجاء ؛؛ ماتحرقش دمي احكي شن صار
وليد ؛؛ ممتاز يا مرات طارق
رجاء ؛؛ وووووو تحكي جد
وليد ؛؛ والله ممتاز باهي كيف جبتيها ممتاز
رجاء ؛؛ ممتاز ممتاز انت متاكد
وليد ؛؛ نبي حفله مادخلنيش راه نا اللي جبتلك النتيجه ووجي سمح عليك ممتاز
رجاء ؛؛ مايهمك شيء بس غريبه جبتها انت
وليد ؛؛ امل رنت عليا وقالت عدي جيبها هي بروحها خايفه من خالد وانتي خايفه من طارق صبايا اخر زمن
رجاء ؛؛ ﻻ مش خايفه بس انسيتها امل شن صار فيها
وليد ؛؛ جيد امل ومبروك الممتاز مع اني مستغرب والله صار منك يا مرات طارق ومبروك
رجاء ؛؛ يبارك يا راجل اميرته
وليد؛؛ اميرتي غصب عنك
والله من تروحيتي من العمل ونا ماسك روحي نبي انرن عليك
رجاء ؛؛ هههههه عارفك اصلي
وليد ؛؛ رجاء راكي متزوجه الكلمه هذه امتعت شباب
رجاء ؛؛ هههههه هيا سلام
وليد ؛؛ الحفله والهديه مادخلنيش نا
رجاء ؛؛ ما يهمك شيء يا ولد خالتي
وليد ؛؛ اتسلم عليك اميرتي
رجاء ؛؛ سلمك وسلمها ونجك ليا وانعنك ماتغيب
وليد ؛؛ تسلمي خلاص اوعي الراجل امخليتيه لا فطور ولاغداء
رجاء ؛؛ ههههه هو راضي انت شن حم رزك
وليد ؛؛ تو ايطلقك ياهمي السود
أنت تقرأ
مسلسـل_سعادة كاذبــهـ_مكتمله
Romanceرواية منقوله رائعه للكاتبة_رتال رتولي أثمن لكم قراءة ممتعه
