مسلسل سعاده كاذبه
الحلقه 65
طارق ؛؛ تو كان قعدت ديني اتعاركي وكان قعدت صايع اتعاركي
وفجاء ينفتح الباب علي رجاء
رجاء خافت نزلت الفون ابسرعه بدون ماتسكر الفون
موده ؛؛؛اعميمه
رجاء ؛؛ وووو طيح سعدك فجعتني
نا شن قالت مش قالت ماحد ايخش للداري
موده ؛؛؛اعميمه يبيك بابا
رجاء ؛؛؛كنه شن يبي
عادل ؛؛ تعالي يافرخه وانتي اتعيطي في الدار فيش اديري
موده ؛؛ هييييي حي عليك
رجاء ؛؛ خلاص اني طالعه
حطت رجاء الفون في جيبها السري وطلعت ونست طارق علي الخط بكل
وجتهم في الصاله فيها عادل وماما وخالد وفي المربوعه علي واحمد
والصبايا في المطبخ ايحوسن
رجاء ؛؛ نعم
عادل ؛؛؛كنك امسكر الدار علي روحك
رجاء ؛؛؛انغير
عادل ؛؛؛شن غيرتي وهي لابستك هي هي
رجاء ؛؛؛عااادل شن نكذب يعني انغير في حاجه
خالد ؛؛ ههههههههههههه الفرخه هذه ماتحشمش
رجاء ؛؛؛خوك مفروض فهمها ليش يسال
وخش عليهم علي وقعمز
علي ؛؛ رجاء تحشمي خوك اكبر منك
رجاء ؛؛ تي انت اللي طرف اتجنننن والله مروه هذه مش لك بكل
وجت وقعمزت جنب علي
مروه ؛؛ في المطبخ
نسمع فيك يارجاء يامصلحجيه
ماما ؛؛؛احمد روح
علي ؛؛ اها
رجاء ؛؛ ها شن تبو فيا
عادل ؛؛؛مش قالتي تبي معهد
رجاء ؛؛ هيييي قصدك تبيني نقرا خلاص
عادل ؛؛ اها تو تقري بس علشان خاطر امك وافقت وعلشان نتيجتك ترفع الراس
رجاء ؛؛؛باهي انت راضيت راضيت خلني انخش للجامعه
عادل ؛ رجاااااااااء مش ضحك هو خلاص كلمه وحده يامعهد يا ترقدي هنا
خالد ؛؛ تو تقرا معاك امل
رجاء ؛؛ هابا علي بخت امل حتي هي معهد
خالد ؛؛ هي اللي تبي معهد ماتبيش جامعه
أنت تقرأ
مسلسـل_سعادة كاذبــهـ_مكتمله
Любовные романыرواية منقوله رائعه للكاتبة_رتال رتولي أثمن لكم قراءة ممتعه
