مسلسـل_سعادة كاذبــهـ_مكتمله

الحلقة_2

مسلسل

سعاده_كادبه💚

...الحلقه 2

وكلهن اللي عندها حاجه طلعتها ودستها في شنطت خالتي اللي هديه واللي فون واللي شحن واللي سمعه عرمنا في شنطة خالتي والابسن

خالتي؛ ؛ ههههههه ياما يطلع منكن انتن

رجاء خشت تحت البطنيه تبي ادير روحه راقده ونا واميره خشين احذا ماما درنا اروحن طيوبات وايمان ؛؛ خشت لحمام دارت روحها تتدوش

عادل ؛؛ ياكلبه انتي وهي تعالنا هنا

نا واميره ؛؛ حي علينا تو ايكسرنا تكسير ياخالتي

خالتي ؛؛ اسكتن انتن شوري نا نسمع صوت وحده فيكن نضربها انا راهو مااتبيعنش اروحكن واسترن علي اروحكن ومااتقولنش اسرار بعضكن وكان قرب منكن واجد اقعدن عيطن بيش ايحسها واعره وايسيبكن وبعدها سمعنا صوت عادل وهو خاش في دارنا علي رجاء

عادل ؛؛رجاء ياكلبه طلعي اللي عندك راه خيرلك

رجاء ؛؛ صبت علي السرير ابسرعه وخشت في الزاويه الساس وحطت البطانيه بينها وبين عادل وووووووووووو عليا ووووووووو كنك يا عدوله شن فيه حي عليا شن فيه

عادل ؛ عدوله صار هه من اللي كسره تكسره لعند امتي وانتي تقعدي قليلة الادب وجالطه وطلع التوبو وبدا يضرب فيها من فوق البطنيه وهي اتعيط صبيت انا واميره وخالتي نجارو

نا واميره ؛؛ وووووووووو علينا وووووو ﻻﻻﻻﻻﻻﻻ يا عادل حرام عليك خيتك حرام عليك

عادل ؛؛ اسكتن راه خيرلكن انتن

خالتي ؛؛ عادل الله ايربحك سيبها خيتك حرام عليك خواتك يتامه سيبهن يا عادل

عادل ؛؛ اصلا ماامودرهن خواتي اللي انتو يا خوالي وكلمتكم يتامه يتامه شن مافيش اللي هم بوهن مات تي ما حتي نا بوي اللي ميت ولا ماانعدش يتم انا

خالتي ؛؛ باهي الله ايربحك سيبهن خلاص ونا والبنات مستمرات في العياط وووووووو علينا ووووووو خلاص ياعادل سيبها

عادل ؛؛ سكرن فمكن وين الكلبه الاخري عارفه نا وين تنطمر ومش شور الحمام وتمه ايدق عليها

عادل ؛؛ اطلعي اطلعي تو نا قتلك اطلعي راه انكسر عليك الحمام

ايمان ؛؛ فاتحه الدوش قاعده اندير في الحمام يا عادل

عادل ؛؛ كرنا نا واميره وخششنا في الدار مع رجاء وزرنا في التركينه علي الساس

عادل ؛؛ تو اطلعنا فوناتكن تو تحسبني راقد علي اوذني ياحقيرات تو طلعنهن

نا ؛؛ والله ماعندي فون والله ماعندي كنك انت ديمه تظلم فينا يا عادل

خالتي ؛؛ عادل امك امك حسه اتناديلك بالله اطلع عليها