العيون عندما تتكلم
البارت لاول
...
...............
_ وين جنتي خاتون ؟!
رفعت عيونها الصفره وعكدت حواجبها الرفيعة وكالت بضوجة وهي تبعد نظراتها عن وجهه الجذاب
_ وانت شعليك ؟!
جاوبها وهو يضغط على سنونه .... بينما كور ايده الضخمة بقوة لحد ما ابيضت مفاصل اصابيعة من شدة ضغطه عليها ....يريد بس يتمالك نفسه حتى لا يركعها راشدي يعدل بيه اسلوبها المتمرد
_ احجي عدل واتادبي من توجهين الكلام ويه الاكبر منج
جاوبته بقوة وعنفوان وهي ترفع وجها لفوك ... جانت كانو بزونه بمواجهة اسد مفترس
_ دا احجي عدل ...واني الحمدلله مؤدبة ...واهلي ربوني زين
جاوبها ارغد باستهزاء متعمد بس يريد يستفزها 1
_ لا واضح مترباية زين من هاي طالعتلي بهل المغربية وحدج بين البساتين !!
عكدت ايديه على صدرها وكالت
_ اولا جنت طالعه اشم شويه هوا اختنك من الحبسة شنو عايشه بسجن ؟؟ ثانيا يا سيد ارغد منو انت حتى تحاسبني وبأي صفة ؟!!
اقترب منها وابتسم الها ابتسامة خلت صف اسنانه البيضه المنتظمة المتناقضة مع لون بشرته السمره ...تظهر بوضوح بينما عيونه السود جانت تلمع بهذا الجو الشبه مظلم .. عبالك عيون قط بري ....
_ هاااا تسألين باي صفه احاسبج هسه اكلج ....
.............
هسه صور الابطال
ارغد معنى اسمه ( الخصيب الأكثر سعة وهناء )
آصال ( جمع اصيل ويعني الوقت حين تصفر الشمس وتعني ايضا ذو المعدن الطيب ) +
بنات بدلت الصورة حسيت هذي اقرب للبطلة وهمين اوضح 😊😊😊😊
جنت كاعده بالهول صافنه عليه ...شلون كاعد بهيبة
ملامحه رجولية خشنه ...مبين اكبر من عمره
الي يشوفه شلون يحجي بثقه وراس مرفوع
ميصدك انو عمره 19 سنة بس !!!! 8
امي كاعده كباله واختي تحتل المكان بجانبها تباوع عليه بنظرات خجولة وهو يبادلها النظرات بخفية وبالسر عباله اني ممنتهه اله ...
كمل كلامه وكال
_ اتمنى توافقين خاله ...صدكيني راح اخلي وئام بعيوني والله
التفتت امي تباوعلي بحيرة وكأنو تطلب مني ادخل وفعلا لبيت نداء عيونها وجاوبته بهدوء
_ اسمحلي اني اجاوب بدال امي .... شوف احمد ....انت شاب والنعم منك واني اقدر شجاعتك من جيت وطلبتها من عدنا بس تسمحلي اسال ...اهلك وين ؟؟؟ ابوك ...عمك ....اي احد من عائلتك !!
جاوب بهدوء
_ ابويه منفصل عن امي ...وكل واحد منهم بصفحة عايش حياته ...اني ممحتاج وجودهم بحياتي ...بعدين اني اشتغل بالسنك وعندي محل خاص بيه تكدرون تسألون عني هناك ..... 3
تنهدت وجاوبته بصوت هادئ
_ احنا ماعدنا مانع بس بشرط
جاوبني بشك
_ شنو هو ؟!!!
_ تعال ارجع اخطبها وانت جايب وياك واحد من اهلك مو شرط ابوك ...ممكن عمك او خالك او جدك اي احد ...المهم ان يتم كلشي بالاصول
_ يعني جيتي مو كافيه ؟؟؟
جاوبته بدهشه ...جنت مندهشه من ثقته واعتزازة بنفسه
_ كافيه وعلى عينا وراسنا بس مع ذلك الاصول اصول
_ واذا مقبلو ...اقصد اذا ملكيت احد يجي ويايه شلون ؟؟؟
_ الله كريم ...هسه انت حاول بلكت الله يجي وياك خالك او عمك او حتى وحده من عماتك المهم واحد من اقاربك ...
هز راسه ووبعدها استأذن وطلع ....هو طلع منا وكبت عيطة وئام منا ....صارت تصرخ وتبجي ....لطمت وجها وخرمشت خدودها اتهسترت وهددت اما تموت نفسها او تتحدانا وتتزوجه غصبا علينا ....
امي احتارت وياها ....حاولت اهديها بنعومة وكلمات مطمئنة بس حتى اخمد ثورة غضبها
_ يا حبيبتي يا عمري انت ...والله الولد مبين حباب وابن ناس بس الاصول اصول ....بعدين اني مطلبت شي مستحيل بس يجب واحد من اهله ....
جاوبتني بتحدي ودموعها تنزل بغزارة
_ ميحتاج ....معلينه باهله ...هو يحبني واني احبه وخلصصصص ليش مترحمين بحالنا حرام عليج والله
ردت اجاوبها بس منطتني مجال صرخت بقوة
_ لاتحجين شي ماريد اسمع منج ...مراح تحسين بيه الا لمن تحبين وجربين مشاعر الحب والعجز ....
عافتنا وصعدت بغرفتها وصوت شهكاتها ملت اركان بيتنا الصغير ....
باوعت على امي الي جانت كاعده بلاحول ولا قوة
همست وهي تباوعلي بيأس
_ هسه شلون راح نتصرف هاي اختج مخبله ...وكلشي اتوقع منها !!!
نفخت الهوا بضوجة وجاوبتها واني ارفع راسي واباوع على الدرج
_ اااوف يايمه هاي بنتج راح تموتني بدلالها ميصير هشكل لازم كلشي يتم بالاصول مطلبت شي مستحيل ....واني اولا واخيرا تدور مصلحتها .... +
هزت راسها وجاوبت
_ ساعة السودا الي راحت بيها اختج للكلية ....عبالي من تكبر تعقل بس صارت بالانكس ....
_ الله كريم يمه ...ننتظر ونشوف شراح يصير واني راح ارجع احاجيها مرة لخ بلكت تقتنع
...................
حضرنا العشا واتعشينا بس اني وامي ...اخت اعتكفت بغرفتها واعلنت حالة العصيان والتمرد ....غسلت الاماعين وقررت اصعدلها واحجي وياها بهدوء بلكت الله وتقتنع ....
دخلت للغرفه شفتها كاعده ودافنه وجها بين رجليها الي شابكتهن بأديها حيييل 2
اقتربت منها وكعدت كبالها ...بديت امسح راسها برقه
_ وئومه ....حبيبتي ...كافي بجي ياعيني.
رفعت راسها وجاوبت بعيون حمره
_ ما ...معليج بيه ..انت متحبيني ...
_ شلون هيج تفكرين وئام انت اختي الصغيرة واني اعرف مصلحتج وين
_ مصلحتي وياااااه ...ليش متردين تفتهمين
تنهدت بعمق واستغفرت الله بصوت ناصي بعدين جاوبتها
_ ياعيني اني افهمج زين والله بس اني طلبت هذا الطلب منه حتى تصيرين جبيرة بعينه
_ اني فعلا جبيرة بعينه ...بدليل اختارني من دون كل البنات واجه خطبني
_ باعي وئام ...انت عمرج 18 سنة وبعدج متعرفين الدنيا عدل
قاطعتني بقوة
_ على ساس انت الجبيرة وتفهمين زين هو انت كلج 24 سنة يعني لاتتفلسفين براسي بلله
رفعت حواجبي واني باهته من حجيها ليش هشكل اختي اتغيرت ؟؟؟؟ هذا شسوه بيها وغيرها هيج !!
_ ماشي وئام ...ماشي ...التسويه مراح يفيدج ...ولو يجيب اهله وياه لو انسي ...زواج ماكو ....اصلا انت توج اول سنه جامعه على الاقل خلصي دراستج ووو
_ ماريييييد اطلعي من غرفتييييييي اطلعيييي يارب امووووت وارتاااااح
_ من تكبربن راح تعرفين اني سويت كل هذا لمصلحتج
عفتها وطلعت من الغرفه
....................
ظليت ابجي بقوة ....ليش محد يفهمني ...اني احبه ياربي احبه من اول يوم شفته بيه
يتبع
