العيون عندما تتكلم
البارت الرابع
ماانكر انقهرت هواية ....مو لان ازوج بدون علمي ...لا
انقهرت لان مفرحتله ...ولا حضرت زواجه ....ولا سويتله حفله الي جنت راسمها اله بخيالي ...بس بعد ميفيد الندم .....
جنت بالشهور الفاتت عايش حياتي مثل الميت ...هذا المات هو ابني الوحيد الطلعت بيه من الدنيا ...قررت ادور على زوجته على الاقل اتعرف على زوجة ابني واحاول اعوضها ....يمكن حتى اسكت ضميري الي يانبني ليش ما وافقت على زواجه ليششش +
اندليت بيتهم اخذت العنوان من اختي ....ومن دزيت ناس تشوفلي اخبارهم عرفت انو زوجته جابت ولد ....يعني احمد صار عنده ولد ....اني صرت جد واني نايم ورجليه بالشمس ....حسيت الله عوضني ....فتحلي باب جديد بابنه محمد حتى اعوض الفات كله .....
اتفقت ويه اختي ام هشام الي حلفت انو هي مجانت تدري انو زوجته وئام حامل وهي اتفاجات حالها حالي ...المهم اجيت مباشرة لبيتهم وكلي لهفة وشوك اشوف ريحة الغالي ......
صحيت من دوامه افكاري على صوت ناعم ..
_ السلام عليكم
رفعت راسي بسرعه ....بس باوعت عليها حسيت كلبي انتفض بمكانه ....معقولة هاي هي وئام ؟!!!
جاوبتها وعيوني تمشي بدون ارادة مني على وجها الناعم ....ملامح فاتنة ....شعر اسود طويل ...جسم منمنم وصغير بس انثوي ....مواطن انوثتها واضحة من خلال القميص اللابسته ...
عكدت حواجبي وجاوبتها بضوجة من ضربات كلبي الي دوت بصدري بدون اي مبرر
_ وعليكم السلام
اختي خلت ضربات كلبي تزيد بقوة اضعاف مضاعفة من كالت
_ هلا آصال ...شلونج حبيبتي
همست بداخلي اصال ؟؟؟ منو اصال زوجة ابني اسمها وئام ؟؟؟ هاي منو .....بس بعدين افتهمت انو هاي المهرة الاصيلة هي اختها الجبيرة ...اصآل ...
ابتسمت ابتسامة صغيرة واني اركز عليها شون كاعده بآنفه وثقه ... حجيت بداخلي ...ياهلا بآصال والله الايام الجاية راح تصير ممتعة وحلوة وياج ...
من دخلت للهول وشفت جد محمد يعني ابو احمد اتعجبت ....معقوله هذا جده ؟؟؟؟؟ 2
ممبين عليه ....ملامحه رجولية ...عيون سود عميقه من باوعت عليه حسيت وكانو دا اباوع على بحر اسود عميق ومظلم ....شعره هماتين اسود فاحم ...وجه اسمر عنده لحيه خفيفة ...
جسمه ضخم وعضلات صدره بارزة ....مبين معتني بنفسه ....عبالك شاب بمنتصف الثلاثينات من عمره ..... 5
الهيبة طاغيه عليه من كعدته ....وملابسه انيقة ...جان لابس قميص ازرق فاتح وسترة سوده وبنطرون جينز ازرق طوخ ....ساعة رجالية ثمينة وماركة ...
حجت ام هشام بعتب
_ يصير هشكل يا اصال ....احمد يصير عنده ولد واحنا مالنا خبر ؟!!
جاوبتها واني احاول ابين نفسي هادئة بس كلبي جان يدك بسرعه لان حسيت بنظرات ابو احمد الثاقبه تتفحصني بجراءة ممتعودتها ابد
_ والله يا خاله حاولنا نتصل بيج قبل كم شهر بس مبايلج مغلق
_ اي صح قبل كم شهر جان مغلق بس بعدين فتحته عادي ....لو راجعين متصلين بيه مرة لخ
جاوبتها بهدوء ونظرات اخوها بعدها تخترق جسمي عبالك سهام حادة
_ بعد مااتصلنا ماخطر ابالنا والله
لاول مرة ادخل ارغد وحجة بصوت رجولي خشن وعميق حسيت دخل لسمعي بقوة
_ مصار شي هسه ....ان شاءلله الايام الجاية راح نعوضها .....
ثبت عيوني على عيونه ....لاارديا مشت بجسمي رعشه قوية ...وكلبي احس صوت دكاته صارت مسموعه ....مااعرف ليش حسيت الجمله اتقصدني بيها وكأنو ديوجه حجيه الي اني مو الاخته ....
اجاهلت احساسي وبقيت ساكته انقل نظراتي بينهم بهدوء ...دخلت امي وهي ترحب بيهم بصورة مبالغة بيها ....
الظاهر ابو احمد رجل غني وصاحب املاك وبساتين .... هسه افتهمت شلون احمد يسوق سيارة حديثة ويصرف افلوس ابذخ وسخاء واني كل ظني هذا من شغله الي كال عليه .... جان لازم افكر شلون طالب مرحلة ثانية هشكل ثري بهاي الصورة ؟! جان لازم اسأل عن اصلة وفصلة بس منو يسألنا وخالي اصلا رجال جبير وحتى مشي من يمشي هم يتعب ؟!
اخذت بظواهر الامور ....احمد جان مبين ابن ناس وعينه مليانه ... وحتى عمته جانت شخصيتها قوية
قنعتنا بكلمتين .....
من دخلت لفرعنا وشفت سيارة حديثه عالية واكفه يم باب بيتنا عبالي هذي سيارة اقارب الجيران ...لان حتى جوارينا هم حالتهم متسمح لشراء هيج سيارة فارهة .....
ظلو يتجاذبون الكلام وبقو شويه وراحو .....
من وصلت وئام وعرفت كلبت الدنيا على راسنا ...جانت خايفه لياخذ الطفل منها ...
_ يمه شلون ادخليهم للبيت ...شلون امنتي بيهم ؟!
امي جاوبتها
_ شلون يعني اطردهم من الباب مو عيب !! بعدين هذا جده واله حق بشوفته هذا ابن ابنه ...
يمه اخاف ياخذه مني ...والله اتخبل والله ... آصال ليش ساكته متحجين .. عاجبج الديصير ؟!! +
طمئنتها وجاوبتها بشرود
_ جده امبين رجال حقاني مااصور راح ياخذه منج بعدين الحضانه الج لا تخافين
مااعرف المن جنت موجه الكلام الها لو الي
لان نظرات عيونه لحد هسه ربكتني وخوفتني
.....................
بعد ذيج المرة اتكررت زيارات ارغد النا ....كل يومين او ثلاثه يجي وهو محمل اشكال الوان ....الشهر يجر شهر وصار تقريبا 3 شهور لدخول ارغد بحياتنا
امي ارتاحتله وحتى اختي وئام الجانت تكرهه هسه صارت تحترمه وصيحة عمو ....
وهو ماانكر جان بشوش يتعامل ويانا بتواضع ...يحب محمد حب جنوني ....موفرله كلشي بدون حتى ما وئام تطلب .... ملابس ...العاب ....حتى فلوس جان ينطيها لأختي الي جانت تاخذه منه بالكوه ...
بس شي واحد مجنت مرتاحتله ...هي نظراته الي اني بالذات ....دائما كلما يشوفني يبتسم ابتسامه رجولية صغيرة تخلي دكات كلبي تتبعثر يمنه ويسره ....
اخر مرة زارنا بيها جنا كاعدين بالهول ...امي راحت تسوي جاي ...ووئام راحت تغير حفاضة محمد
بقينا كاعدين لوحدنا ....اتورطت لو بيدي اطلع انهزم من كدامه بس بعد ميفيد ....ظل يباوع عليه وهو يدخن جكارته الثخينة ....نظراته تخترق الدخان اليجمع كدام عيونه ....
نظرات مو طبيعيه ابد ....يتفرس بوجهي بعمق ...درت وجهي للجهه الثانية واني ضايجة واتعمدت اعكد حواجبي بلكت يحس ويبطل نظراته هاي .... 3
فجأة سألني بصوت عميق وصلب
_ شكد عمرج آصال ؟؟؟
باوعت عليه واني رافعه حواجبي بدهشه ... حجيت بكلبي هذا شكد
يتبع
