العيون عندما تتكلم
البارت الثاني
مشت الايام عادي ....كل واحد بينا ملتهي بشغلة ...اني اشتغل مدرسة انكليزي بمدرسة متوسطة للبنات .... اروح الصبح وارجع الظهر ...
اختي وئام طالبة مرحلة اولى اداب قسم اجتماعيات ...وامي ربه بيت ....ماعدنا اخ ...امي شكد حاولت حتى يصير عدها حمل ثالث بس الله ماراد ...بس اني واختي ....
ابويه توفى قبل كم سنة وترك وراه اثر وفراغ جبير بحياتنا ....
خاصة وئام ....انحرمت من حنانه وهي صغيرة ...بعدها بمرحلة مراهقة ومحتاجة لاب يوكف بظهرها ويسندها ...بس مع ذلك امي الله يطول عمرها مقصرت ويانا ابد
هي صارت النا الام والاب والاخ والسند ...فنت عمرها النا والراحتنا ....
عندي خال واحد فقير ومن اهل الله مزوج وعايش بنفس منطقتنا .... عنده ثنين بنات وولد واحد صغير بالرابع اعدادي .... احنا عايشين بمنطقة عادية ...اليسكنوها لاهما اغنياء كلش ولا فقراء كلش
والدي الله يرحمه جان يشتغل موظف بشركة حكومية ومن توفى بقى راتبه التقاعدي يعيلنا
والحمدلله تقاعد ابويه وراتبي امشين امورنا خاصة وانو بيتنا ملك ....صح صغير بس مكفينا ...عدنا غرفتين ...وحدة جوه الامي ووحده فوك الي ولأختي .....
اخوان ابويه ثلاثه .... كلمن لاهي بحياته حالهم حال اغلب العراقيين ...واكعين ورا المعيشة محد بحال الثاني ....ميسألون عنا الا بالمناسبات وبس ودورات حتى بالمناسبات هم ميتصلون ...
احمد راح وبعد مارجع كل ظني انو هو نسى السالفة ....خاصة وهو هم بعده صغير يعني صح 19 سنه يعتبر بالغ وراشد بس مو مال زواج ومسوؤلية ....كلت بكلبي اكيد حس على نفسه وقرر
يكمل دراسته .....بس الي صار ورا شهر فاجاني ....
فديوم كاعدين العصريه وسمعنا حس الباب يندك
طلعت امي وجان تشوف احمد ووياه مريه جبيرة بالعمر هيج تطلع بالخمسينات من عمرها ...
عرفنا بعدين هاي تصير عمته ام هشام ...اخت ابوه ....اجت وحجت وي امي وطلبت ايد وئام وكالت احمد ماله علاقه بعائلته كاضي حياته ابغداد
امي شافت انو هو شاري وئام ومتمسك بيها ...لذلك طلبت منهم مهلة حتى نفكر بيها وبعدين نردلهم الجواب
بس اختي ماخلت عقل براسنا ....ظلت تبجي وتنوح ...لو احمد لو تموت نفسها وفعلا راحت غركت جسمها بالنفط وكالت احرك روحي ....هنا الدنيا وكفت بينا .....اضطرينا نوافق خاصة وانو احمد طلع كد كلمته .....بس بشرط انو يعيشون ويانا بنفس البيت وهو وافق ..... 4
تم العرس هو هم ماجان عرس ضخم يعني بس بيناتنا احنا وخالي والجوارين ...اما هو فمحد ما اجى الا عمته وبسسس ....
فرغنالهم الغرفه الفوك وجاب اخشاب من ارقى نوعيه وماقصر وياها لابذهب ولا بملابس ولا بأي شي ....جان مبين احمد ابن عز وحتى عمته جانت مبينه من الاكابر ...الذهب مالي ركبتها وايديها
من وافقت امي واختي مصدكت ردت اطير من الفرحة ...اتزوجنا بعطلة الصيفية .....لبست البدلة البيضة وجان يوم العرس احلى يوم بحياتي +
بعد ما خلصت الزفه طبينا لغرفتنا وعشنا الدافي الي راح يجمعنا ...
همس احمد بصوت ناصي وهو مركز بعيوني
_ الله واخيرا صرتي الي حلالي ...الحمدلله يارب ...والله ممصدك ....شو تعالي كرصيني حتى اتاكد
ابتسمت اله واتقربت وبسته من خده
_ هاي احسن من الكرصة
هنا احمد بعد متحمل ...راح ينزعني البدلة بس الباب اندكت ...راح فتحها وطلعت امي جايبه صينية العشا ....اخذه منها وشكرها وهو خجلان حبيبي
سد الباب وحط الصينيه على الطبله وكال
_ جوعانه ؟!!!
هزيت راسي بلا ....جاوبني بابتسامة ماكرة
_ حتى اني ...منو اله نفس ياكل وكدامه هاي الحلويات
اقترب مني وبدا يطبع بوساته على وجهي ورقبتي .....ليلة زواجنا كانت مميزة ....احمد حنين ورجال من صدك ....
كل يوم حبي اله يزيد اضعاف اضعاف .....
مرت الايام واني عايشه وياه احلا ايام عمري
جان هو رجال البيت
حتى امي حبته واختي هماتين جانت تحترمه
احمد ثكيل من النوع الي يعرف شلون يحجي ..يتصرف برجولة شاب بمنتصف العشرين ....
تصرفاته جانت ادل على الرقي والترفع ....عينه شبعانه وجيبه مليان فلوس
كلما اسأله عن اهله يتهرب وميجاوب ....
كدر بحنيته واحتواءة يسيطر على كل ذرة بكياني
بادلته الحب والاخلاص ....جنا نداوم سوا ونرجع سوا .....بس هو جان يغيب عدة ايام يكول اسافر بيها لديالى ازور اعمامي .....
فات اول سنة على زواجنا ودخلنا بالسنة الثانية
ايامنا جانت كلها سعادة حتى مشاكل ماكو وحتى لو اكو جانت تنتهي بسرعة وخلال ساعات
سعادتنا اكتملت من عرفنا بحملي
وكأنو الكون كله مسايعنا من السعادة
ازوجت الي احبه وهسه اني حامل ويم اهلي بعد شنو الي اريده اكثر من هذا ؟؟
...............
رجعت من المدرسة واحس كلبي مقبوض ...طبيت للبيت وئام جانت حامل بشهرها السابع ...كاعده بالمطبخ تثرم زلاطة وهي تسولف وي امي
_ ولج وئومة شو اليوم ممداومة ؟!!!
_ لاحبي مالي خلك مداومت مدري شبيه احس جسمي متكسر
جاوبتها بشقه واني اخذ خيارة من الماعون
_ اي عيني حقج منين تلكيها من رجلج لو الدراسة لو الحمل
ضحكت بخجل وهي تكول
_ اهوووووه آصال صايرة ماادري شلونج
_ شلوني عيني
_ متخجلين
_ ايباااه عفنا الخجل الج ام كرش
عفتها وطبيت لغرفة امي الي صارت غرفتي اني هم ....نزعت ملابسي واني اتذكر اسامة ....
اسامة جان خطيبي ....المفروض هسه اني مزوجة ويجوز عندي طفل منه ....بسسس مع الاسف انخدعت بيه ....طلع انسان حقير وابو بنات
لحد هسه من اذكره دمي يفور وكلبي يشتعل نار ...شلون كدر يضحك عليه ويخدعني بأسم الحب ؟؟؟؟؟ شلون جان يخوني واني محسيت بيه الا متأخر !!
STORY CONTINUES BELOW
احمدلله الف مرة انو اني كشفته قبل لاتورط وياه بزواج واطفال ....جنا بعدنا على البر بس خطوبه
صديقتي اتصلت وكلتلي خطيبج ديحارش بيه ويدز رسائل ...
مصدكت الا لما شفت بعيوني لما كتلها جاريه واخذي موعد وياه ...وفعلا شفته شلون اجه وهو فرحان ومبتسم حتى الحلقه جان نازعها !!!
زفرت الهوا بحرارة ....وطلعت من الغرفه ....رحت غسلت ورجعت للمطبخ ....بدينا نحضر الغدا
_ اكلج حبي وئام احمد وينه صار يومين ماكو ؟؟
كالت وهي تحط ماعون الزلاطة على الميز
_ سافر حتى يزور اعمامه وكال ا
يتبع
