النهوه و الخيانه

أّلَبِأّرتّ أّلَثّلَأّثّوِنِ

لينا،خلصت الحنه و تجه العرس و اني محد دخل غرفتي و لا اني طلعت و اهلي ما اجو بس كرايبنه من بعيد و البنات تتراكص لان ما شالله بالاعراس الخطوبات على البنيه تزيد و طبعا الديجيه على علاته و هوسات و گفلات و بنات خاله فؤاد هم يركصن اني فتحت الباب على كيف و جل اشوفهم
بس هم ميكدرون يشوفوني و اني اصلا لا ضايجه و لا مقهوره تكول عرس غريب مو رجلي و صارت الساعه بالاربعه طبعا اني غفيت و كعدت على صوت الطلق يعني اجت العروس و جان عمامي ماجد و علي و مؤيد ابن عمي وياهم و زلم و طبعا شفتهم من الشباك بس البرده مطلعه عيني منها شويه و لازمه البرده بيدي و شفت البنيه مو كلش طويله بس لابسه كعب مطولها صار عندي فضول اشوف هاي مواليد الافينيات هههه و جانت ممبينه لان ملبسيها
عباه بيضه وي البدله شويه و طبت هي و فؤاد لازم ايدها و الضحكه لحد اذنه تكول مامزوج جنه و طبو هواي زلم و يباركولها وطلعو وبقه بس فؤاد و شويه و طلع و بعدين عمتي الاء وخرت عنها البركع و النسوان كلها تكول صلاوات على النبي اني شفت البنيه صدك حلوه معليها تيعاب و ملامحها حلوه و مبينه حبابه بس يكولون لا تغرك المضاهر و صوب العشه اني اصلا نمت و لاكأنو اكو شي و صار الصبح و الوادم طبعا راحو كعدت الصبح ميته جوع لكيت الساعه ب5 رحت فتحت الثلاجه باقي هواي اكل من البارحه بس شلون اكله قابل من الصبح اكل لحم لو دجاج و تمن ردت اسد الثلاجه شفت باقيه بيتزا قطعتين اي اجن بوكتهن حميتهن بالميكرويف و اكلتهن شويه و سمعت حركه بالباب مال غرفه فؤاد و هاي مرته نسيت اسمها تناشغ هو طلع يركض لغرفه امه بسرعه اني بس صافنه ما سويت شي ما ادري شكو طلعت عمتي تركض كالت

الاء، شبيها يمه

لينا،و طبت للغرفه و اني ردت امشي بس كلت هسه تصير مصيبه و بعدين كلت خليني امشي اشوف البنيه شبيها و طبيت لغرفتها خطيه شفت الفراش كله دم خطيه عدها نزيف استهضمتها لان بعدها اصغيره و الله خطيه و عمتي الاء طببتها للحمام اني اجيت ساعدتهم بس عمتي تباوعلي بنضره استحقار و تزرني بعيونها اني مهتميتلها بس لزمت وياها البنيه خطيه ترجف

فؤاد،يمه راح احضر السياره اوديها للمستشفى

الاء،اي يله بسرعه

لينا،طبيت ويه عمتي للحمام نغسللها

الاء يمه نرجس لا تخافين كلشي ماكو حبيبتي هدي لا تخافين

نرجس،خ خااا خاابري امي

لينا،كسرت خاطري تحجي و تشهك

الاء،اي ماشي ماشي،، لينا جيبي موبايلي

لينا،اي ماشي و رحت اجيب موبايلها و ركض بسرعه و انطيتهيا هي فتحت الموبايل و اني يم البنيه غسلتلها و طلعت و هي ترجف و عمتي الاء خابرت امها و دا تهدي بيها

الاء،اي ماشي ام عمار حبيبتي اي ايخيتي لا تخافين بتج مثل بتي اي هلا بيج تعالي لا تبجين خيه كلشي مابيها و الله هسه ناخذها للمستشفى