النهوه و الخيانه

أّلَبِأّرتّ أّلَثّأّمَنِ وِ أّلَعٌشٍروِنِ

باجر تعشك ويهواك غير انسان
واذا كلك يحبك مثلي لتصدكه
نعم تلكه اليحبك وانه اضن الكيت
بس كد ماهوويتك والله ماتلكه
اكثر من ابوك وامك انه اهواك
واظن باين عليه بساعة الملكه
خلص هسه انتهينه وعمري صار كتاب
خليه اعله رفك والمهم طبكه
ضل اسمك نبض فاضحني صبح وليل
يدك بكلبي سيف وتجرح الدكة
«»«»**«»«»**«»«»**«»«»**

بقلم الكاتبه عبير ......❤

قراءه ممتعه

😻😻😻😻😻😻😻😻😻😻

لينا،نزلت لكيت فؤاد كاعد هو الاء اهووو هسه يكلي ليش ما كعدتي من وكت بس باوعتله يحجي هو و الاء بتركيز و كأنها دا تقنعه بشي و هو يفكر ما عرفت شنو الي حيصير تقربت يمهم كلت صباح الخير اثنينهم التفتولي وحاولو يغيرون كلامهم بس شعليه بيهم

فؤاد،صباح النور و باوعتلها صفح

الاء،ياهلا-تحجي من وره حشمها-

لينا،اليوم مكدرت اكعد بال6 لان تعبانه

الاء،عادي مصار شي

لينا،«شعجب هيج حجت» ابتسمتلها و رحت ع شغلي و العجيب انو اليوم الافندي مطلع شعجب واني جنت انضف و الافندي و عمتي كاعدين بالهول فكالت عمتي

الاء،ها فؤاد فكرت بالكلته الك لو بعدك

فؤاد،اي فكرت بس ما اعرف شحجي ومالي خلك دوخه الراس

الاء،و الله انت ما تقنع شبيك

فؤاد، هسه خليها بعدين

لينا،اني دا اشتغل و اباوعلهم يجون الألغاز مفهمت قصدهم

فؤاد،اني گايم يمه

الاء،الله وياك وعود مو تنسه

فؤاد،تنهدت و گلتلها ماشي

الاء،اي عفيه عليك وليدي

فؤاد،طلعت من البيت وسديت الباب وراي

لينا،صار عندي فضول اعرف شنو السالفه بس اذا سألتها راح تطلع ميه شغله وشغله عليه اسكت يكون أفضل

فاطمه،جنت اني نايمه احلم بهشام يتزوجني و اني لابسه ابيض وكأنو محد موجود بس ورد وردي و بدلتي جانت كلش حلوه و هشام گبالي و يبتسم شويه و اسمع صوت فاطمه فاااطمه فاااااططممممه

فاطمه،بسم الله رفعت راسي يااا لينا

لينا،ووجع لعد منوو شبيج بس تتمضحكين وانتي نايمه

فاطمه،هاا لا ماكو شي

لينا،ليش ماكو شي هاا كولي اكو شي كليلي بالله شنو الحلم و اشرتلها بأيدي بمعنى شنو

فاطمه،ضحكت و كلتلها جنت احلم اني اتزوجت بهشام و بس اني و هو و الجو جان كلش حلو

لينا،اني صدك متت ضحك وكلتلها ولج و الله مستعجله ع الزواج