النهوه و الخيانه

أّلَبِأّرتّ أّلََّسأّدَِّس عٌشٍر

هشام: طلعنه اني و ابوي للمستشفى
لينا: اوووف ياگلبي شگد اتحمل بعد يا ربي موتني و خلصني يااا ربي و الله ما اگدر بدونه ليش هيج شسويت اني
و گمت ابجي ااااه لو صار بي شي
ما اسامح نفسي كله بسببي يااا الله
اجت امي وحضنتني

حلا: اني جنت اسبح وانوب طلعت واسمع لينا تبجي وشفت امي شابگتها گلتلها ولج شبيج لينا مجاوبت وگلت لأمي و هي گلتلي زيد سوه حادث اني بين الصدمه و گلبي معصور و البجي بس اتماسكت واجت ميه فكره وفكره براسي و گلت لا ما اضعف وگعدت حضنت لينا وطگيتها بجيه عود على حساب لينا واني بس الكيلي حجه حتى ابجي انوب گمت وشلت لينا من اجتافها لغرفتها و گلتلها ارتاحي و عفتها ورحت  لغرفتي وگمت ابجي وكلت بسببي لو ما متفقه ويه فؤاد مصار الي صار و ابجي بحرگه على حبيبي شصار بي هسه الله يحمي اليه
هو اني سويت الخطه ولازم اكمل بيها
علموده وما لازم اخطئ او اخليهم يشكون اي ما لازم وكمت امسح عيوني بأيدي و اكول اي ما لازم و رجعت ابجي مره ثانيه و حطيت ايدي بحضني بقله حيله  ومتربعه ع الجربايه و ابجي

هشام: رحنه للمستشفى اني و ابوي وبسرعه دخلت للمستشفى و سألت الموضفه وكلتلي بأي غرفه ولگيت ام زيد وميا و سألتها على حالته و من گلتلي صدگ انقهرت عليه و گلت بسبب فؤاد لو ما ناهي على لينا مصار الي صار
لا و الله الله لا ينطيك يا فؤاد
و گلتلي ميا انو اذا مرن 48 ساعه وما گعد او حتى تحريكه صغيره من ايده يدخل بغيبوبه انقهرت اكثر و طبعا اني ضليت يمهم و ابوي ضل و انوب راح للبيت و مرت 9 ساعات و ميخلونه نشوفه اله من الزجاج الفاصل بالغرفه و الخارج

لينا: اجه حاجاني ابوي وگالي عن حاله زيد بعد اصرار جبير من عندي انو يحجي وميريد يخوفني و متت بجي وفرشت سجادتي ولبست المصلايه وگعدت ادعي واقره القرأن و ابجي
يالله انت الي تفرج همي وغمي وكربتي ما اريد شي بس انو تحميلي زيد يااسميع يا مجيب بس احمي زيد يا رب يا رب و خلصت و نمت على سجادتي من التعب وجانت الساعه 5 الصبح و گعدت ب8و اني على سجادتي گمت غسلت وصليت صلاه الصبح و گعدت ادعي و ما ردت اكل لان ما اشتهي
ورحت للمرايه اشوف عيوني شلون صايرات من البجي حمر و احس جسمي تعبان كلش مثل الي يريد الموت وميحصله

حسبت الروح ماتهجر جسد الا يجيه الموت لگيت الروح من جسمي تفارگ لحظه غيابك،،،

هشام: صارت الساعه 8ونص رجعت و شفت لينا جنها منتضرتني وتريد من عندي الجواب اجيت طبطبت على جتفه وگلتلها انشالله ما بي شي

لينا: هو راح واني كلتله هشام
هشام: ها
لينا: اريد اروحله
هشام: شنو ?
لينا: اي حباب فدوه اريد اروحله
منا: يمه شلون ترحيله ميصير
لينا: ماما حبابه اخر مره فدوه ماما حبابه و الله اخر مره و بعد ما اشوفه و الله و گعدت ابجي و امي حضنتني و كلتلها ماما اريد اموت مااريد اعيش كرهت الحياه كلها ما اريدها الدنيه مو اليه
منا: اني گلبي اكسر على بنيتي شسويلها لو اخذ المها واخلي اليه و الله حاسه بيها