Strange Things Do Happen

1: Strange Experiences

"Ensaniyat hoti kya hai aakhir? Yu paida ho jana, aur fir khud ko zinda rakhne ke liye apne hi jaiso ko marte rehna? Ya fir ensaniyat esse ek kadam aage bad gyi hai. Ab khud ki boriyat door kerne ke liye bhi shayad ensaan ne hathiyaar utha rakhe hain. Crime ko samjhne ke liye sirf criminal ka motive ya circumstances samjhna hi kafi nahi hota. Hume criminal ki psycology samjhni padti hai. Aur ek achha psycologist banana hai to en baato pe bhi gaur kerna hoga. Aage aap log CBI se leker IB ya fir RAW me recruit ho sakte hain. Aur waha aapki accused ki psyci ko samjhne ki skills hi kam aayengi. Werna jitne bhi potential evidence banane layak points honge wo sab aapko najar nahi aayenge. Aap sochenge ki maine Humanity ko criminal psycology se kyu jod diya? Lekin ye samjhna aapka liye aane wale lectures me aasan ho jayega. Aaj ye Introductory class hai, esliye aaj baat sirf aapke criminal psycology ko padne se pehle wali samjh per baat hogi..."

Prof. Gupta, jo ek kabil professor hone ke sath sath ek famous criminal psycologist bhi the, unki aaj es university me first lecture thi. Pata nahi kyu lekin University of California jaisi prestigeous university chodker unhone ek aisi Indian university choose ker li jiski reputation kuch khas nahi thi. Aur jaise ki badi badi universities me unhe badi enthusiastic aur passionate class milti thi, ofcourse aisa yaha nahi hona tha. Yaha to Criminal Psycology to students ne esliye opt ki thi kyuki unhe apni choice ke kisi dusre subject me admission nahi mil paya tha. Class me lagbhag sabhi log jaise jagti aankho se so rahe the per Prof. Gupta sabko ignore kerte hue usi dhun me padate ja rahe the jaise unke samne furute ke sabse behatareen criminal psycologist ki team baithi ho.

CLASS KE BAAD,,

"Yaar kitni boring class thi. Wo to aj pehli class thi esliye pura lecture jhelna pada. Werna ab to keval attendence deker bhag jaunga. Werna to ye prof. apni puri university ki life hi chaupat ker dega!", ek student ne bura sa muh banate hue kaha.

"You are right somewhat! But may be you didn't notice that famous Prof. Gupta is here to teach us. I don't have any interest in this perticular subject but i think this will be my favourate subject very soon. He is very good professor!" ek dusre student ne uski baat ka jawab diya. Aur shayad wahi es class ka akela student tha jisne es lecture me thoda interest dikhaya tha.

"Fir to sahi hai yaar tu hi pad ese. Aur tu hi top karega.", us student ne majak banate hue kaha.

"Well! Aisa ho bhi ho sakta hai..!", usne bhi muskurate hue kaha. Ye Mayank Sahni tha. Famous industrialist Mr. Dheeren Sahni ka akela beta.. Uske papa ki company pharmaceautical me business kerti thi aur use bhi esme interest tha. But self reliant hone ke shauk me esne papa ki dilayi eminent universities ki paid seats bhi chod di thi. Aur es university me bhi use apne bal per admission lene me subject se compromise kerna pada. Usne criminal psycology ko choose kiya jb use Botony or Zoology me seat nahi mili.

Lekin abhi wo pehli class ke baad khush tha. Usne socha ki shayad use esi subject me hi interest aa jaye.

....

Sham ke waqt Mayank ne socha ki achha ho wo khud personally Prof. Gupta se mil aaye. Waise bhi Prof. ne class me kisi ka intro lene me koi dilchaspi nahi dikhayi thi. Unke bare me etna to sb jante the ki wo keval padane me interest lete the. Unka student ko personally janane me koi interest nahi tha.

Mayank unke quarter pahucha, jo ki unersity ke campus se me hi tha, to dekha ki gate pura khula pada hai aur guard bhi waha nahi hai. Use ye baat thodi ajeeb lagi kyuki gate to keval Car ke jane ya aane ke liye khola jata hai. Wo ander aaya to lawn se hote hue entrance ki or jane laga. Wo bell bajane hi ja raha tha ki etne me light hi chali gyi. Andhera ho chuka tha or esiliye light jane ke baad to jaise kuch dikhai hi nahi de raha tha.

"Yaar, ab mai wapas kaise jau?"

Mayank ye soch raha tha ki andhere me kuch dikhega bhi nahi aur bina bell ke wo kaise ander jaye? Or Gate se ander aane ke baad lawn etna lamba tha ki use bahar jane ke liye kuch roshni to chahiye hi hogi. Usne socha to ki wo wahi thoda intejaar ker le. Darwaje se hatker wo bahar aa gya. Aj aasman me bhi badali chayi thi. Esiliye chaand ki roshni aane ka bhi koi sawal nahi tha. Wo lawn me thode der ghumta raha. Fir yuhi unke quarter ki boundry ke paas jaker baith gya.

"10 min se jyada ho gye, ye light kyu nahi aayi? Ab tk to genrator on ker diya jata hai."

Wo yahi soch raha tha ki ander se kisi ke cheekhne ki aawaj aayi. Wo apne me khoya hua tha per es cheekh ne uske hosh uda diye.

"Ye kaisi cheekh thi? Etni dard bhari?", Mayank bahut dar gaya tha. Ek to wo yaha bina puche aaya tha. Aur es aawaj ne use or bhi jyada pareshan ker diya. Use ye aawaj bilkuk aisi lagi jaise koi merne se bachne ki koshish me chillata hai. Wo etna dar gya tha ki use kuch aur samjh nahi aaya. Wo daudate, bhatakate hue bahar jane ke rasta khojne laga. Kisi tarah gate ka rasta paker wo seedha apne hostel bhaga. Usbe bilkul dhyan nahi diya ki uske es tarah bhag ke aane pe hostel ke dusre log kya sochenge? Thanksfully ye hostel sare freshers ke liye tha. Werna jane kya hota! Hostel aane pe wo seedha apne room me gya. Wo es kadar pareshan tha ki usne apni pareshani me es baat per gaur nahi kiya ki university ke baaki sabhi area me light thi sivay Prof. Gupta ke Quarter ke.

..........

Ek ghante ke baad:

Jab kuch der baad Mayank ka dar kuch kam hua to usne Prof. ke quarter me hue cheezo ko sochna shuru ker diya. Use lag raha tha ki jaise kisi ki jaan ko khatara hai. Ya fir khud Prof. hi kisi musibat me hain. Prof. ka sirf ek lecture hi to hua tha. Esliye use Prof. Gupta ki aawaj achhe se yaad nahi thi ki wo us aawaj se ye pata laga pata ki wo aawaj Prof. Gupta ki thi ya kisi aur ki?

"Wo kiski aawaj rahi hogi? Agar Prof. ke yaha kuch gadbad hai to mujhe authorities ko khaber kerni hogi. Ha yahi thik rahega.."

Wo ye sochte hue baher nikala ki es bare me kisi se baat kare lekin bahar nikalne pe achanak kuch logo ne uska hath pakada aur use jabardasti apne sath lete gaye....

To be continued.....