Local police ki jeap boys hostel ke bahar khadi thi. Do sub inspector bathroom ke ander payi gyi laash ka muaiyana ker rahe the. Mayank ne hi farsh pe faile khoon ko dekhker university ki authorities ke sath sath khud hi local police ko bhi inform kiya tha. Wo bechara ek kone me baitha esi khoon ke baare me soch raha tha. Laash ko dekh ker wo bahut hi pareshan ho gaya tha. Local police ki team mamle ki shuruati chan been aur puchtach ker rahi thi. Chunki ye mamla high profile tha kyuki jis ladke ki wo laash thi, wo ek naami MLA ka beta tha. Esliye Crime branch ki special team ke aane tak local police hi chan been ker rahi thi. Kuch hi der me wo MLA bhi aane wale the.
Local Sub-inspector Dave ne sabse pehle Mayank se hi puchtach shuru ki. Lekin Mayank to jaise kuch bhi bol pane ki halat me nahi tha. Uski halat ko dekh ker us sub-inspector ne abdusre students se apni puchtach shuru ki. Puchtach me jahir si baat thi ki sabne ek hi rati hue baat dohrayi ki unhe es baare me kuch bhi pata nahi tha. Dave sabki baato ko record kerta ja raha tha. Usne ek baar fir record ki details cross check ki-
"Naam- Aashutosh Parikh
Umer-24 saal
Rang- Gora
Maut ki wajah- Shayad Aatmhatya..."
"Kya kaha tumne? Aatmhatya? Mera beta aatmhatya ker sakta? Tumhe apni verdi pyari hai to apna kaam jara thik se karo. Jarur mere bete ki kisi ne hatya ki hai."
MLA Manohar Parikh apne laav lashker ke sath aa pahuche the. Unke piche piche local press aur media bhi aa pahuchi thi. Mamla bahut bade star tak ja pahucha tha. En sab ke bitch Mayank ki halat bahut hi kharab ho rahi thi. Chunki w eso mamle ka eye witness tha, esliye uska bayan sabse jyada jaruri ho gya tha.
"Ye crime branch ki team kab tak aayegi? Aur mere bete ko kb tak aap log aise bathroom me pade rehne denge? Mere bete ke khooni ko agar aap logo ne jaldi hi nahi pakda to mai aap sabhi logo ko suspend kerwa dunga.", MLA Parikh bahut buri tarah se police pe baras rahe the.
Karib sham ke 4 baj rahe honge ki jab crime branch ki special team mamle ko investigate kerne aayi thi. Unki chanbeen ka tarika her baat me local police se alag tha. Aate hi sabse pehle unhone vardaat ki jagah se sabhi ko hataya. Mayank aur Aashutosh ke baki karibi friends ko shehar na chod ker jane ki salah deker chod diya. Aashutosh ki dead body ko kuch der examine kerne ke baad forensic examination ke liye bhejne ke baad Press walo ko turant university se chale jane ke kaha. Kuch reporter unke ravaiye ko leker jab hungama karne lage to unme se ek officor ne unhe arrest kerne ki dhamki di. Esse ghabaraker dheere dheere sabhi log waha se chale gaye. Es incident se university me kafi tension ka mahol create ho gaya tha. Esiliye university ko bhi ek hafte ke liye band kerne ka order jari ker diya gaya. Jis floor pe ye hadsa hua tha, us floor se sabhi students ko hataker seniors ke hostel me shift ker diya gaya. Mayank bhi enme se ek tha.
................
AT 6:00 PM
Mayank university ke coffee shop pe chup chap baitha hua tha. Shayad university ke dusre logo ke liye ye incident bilkul mayne nahi rakhta tha per Mayank per eska bahut gehra impact pada tha. Mayank ke dosto ne es baare me usse baat kerne ki koshish bhi ki lekin usne kisi se bhi baat nahi ki. Pata nahi kyu per wo shayad akela rehna chahta tha. Wo ek table pe khamosh baitha ek tarah yuhi dekh raha tha tabhi usne apne kandhe per kisi ka hath rakha hua mehsus hua. Usne gusse me us ensaan ki taraf dekha to waha Purvi khadi thi. Usne bilkul bhi expect nahi kiya tha ki Purvi uske paas aayegi.
"Tum? Tum yaha mere paas kyu aayi ho?" Mayank ne kafi rude hoker kaha. Purvi ki ignorance ne shayad bahut hi jyada takleef pahuchayi thi.
"I know, you are hurt because of me. Per mai ye bhi janti hu ki tumhe es time ek dost ki jarurt hai.", Purvi ne uske paas baithte hue kaha.
"Nahi. Mujhe bilkul bhi kisi ki jarurat nahi hai. Aur us ensaan ki to katai nahi jo pal do pal me aapka sath chod diya kerte hain." Mayank ne bahut dukhi aankho se Purvi ki taraf dekhte hue ye baat kahi thi. Un aankho me na jane kitne unkahe ehsaas the jise dekhker Purvi ki aankhe sharm se jhuk gayi thi. Usne apna hath Mayank ke hatho per rakhker kaha-"Aaj ke baad mai kabhi bhi aisa nahi karungi." Mayank ye sunker uski taraf dekha to Purvi ki aankho me aansoo the. Wo janta tha ki ye moment un dono ke liye hi bahut khas tha kyunki dono ne hi unjane me hi ek dusre ki aankho se bahut kuch keh diya tha..
...............
Es ghatna ke baad se Mayank aur dusre students ko seniors ke hostel me shift hona pada tha. Esi bitch Crime branch ki team ne Mayank se uska bayan le liya tha. Aashutosh ki dead body dekhker wo shuru me kafi unstable tha magar baad me khud ko sambhalte hue usne apna bayan khud hi record karvaya tha. Ek officor ne Mayank ki himmat ki tarif bhi ki kyunki Mayank ne derne ke baavjud himmat dikhate hue us din ke bare me kai bate batayi or ek baar un logo ke sath waha khud bhi gaya jaha laash payi gayi thi.
..................
"Officors! Aapko kya lagta hai, kisne mere bete ka khoon kiya hai?", MLA Parikh ne crime branch ki team se sawal kerte hue kaha.
"Dekhiye Mr. Parikh abhi tak humne jitne bhi chan been ki aur jo saboot paye unke aadhar per hum etna hi keh sakte hain ki aapke bete ne suicide kiya tha. Bas hum puri jankari ke liye forensic ki report ka intejaar ker rahe hain." Ek officor ne unhe samjhate hue kaha.
"Ye aap kya keh rahe hain? Etna to koi bhi keh sakta hai ki kahi na kahi kuch na kuch gadbad jarur hai. Jab mere bete ko kisi baat ki koi kami nahi thi aur na hi wo kisi tanaav me tha. Merne ke ek din pehle wo humse milne aaya tha to wo bahut khush lag raha tha to wo suicide kaise ker sakta hai? Aap log apna kaam thik se kgu nahi ker rahe?" MLA Parikh ne chillate hue kaha.
"To aap kya chahte hain ki hum aapki khushi ke liye kisi ko bhi utha ker band ker de? Aap bhul rahe hain ki apke bete ki laash band darwaje ke ander payi gyi. Ab hatyara khoon kerke gayab to nahi ho gaya na? Us per se waha bathroom ki deewaro pe kisi bhi tarah ke finger prints bhi nahi paye gaye. Uske kamre se bhi hume aisa kuch nahi mila jo kuch or sabit kerta ho. Na hi kisi ne uske sath koi hathapai ki aur na hi koi dusre nishan mile?", Ek officor ne gusse me aaker kaha.
"To kya mai ye maan lu ki mere bete ne aatmhatya ki?", MLA Parikh ne buri tarah se cheekhte hue kaha.
"Ha hum yahi samjhte hain." Us officor ne usi coldness ke sath jawab diya. Crime Branch ki team ko etni powers mili hue thi ki wo bina kisi ke influence ke apna kaam ker sake. Esliye un logo per MLA Parikha ki baato ka koi asar nahi ho raha tha.
"Mai aap sab ko dekh lunga!" MLA Parikh sabko dhamki dete hue waha se pair patakate hue chale gaye."
Jis officor ne unhe sabse jyada gussa dilaya tha, wo Senior Inspector Mohan Bhargav the. Unke career me ab tak aaye kisi bhi case me unhone kisi ke influence ke bina apna kaam kiya tha to wo yaha kaise kisi ka influence accept ker lete?
Mohan Bhargav MLA ko jate hue dekh muskura rahe the ki tabhi piche se Sub inspector Dave ki aawaj aayi-
"Sir, aapne MLA Parikh se jhuth kyu kaha?"
.............................
आप पढ़ रहे हैं
Strange Things Do Happen
Misterio / SuspensoIt is basically a mystry(my creative time pass).. maine koi proof read bhi nahi kiya hai. And kuch jagaho pe creative liberties li hain.
