#انفجار
حلقة ( 2 )
قصة حقيقية
قصة واقعية
.
.
.
.
.
اني لا لا والنبي لااااا لاااااااا 💔
طاارق/ مدي ايديك
اني/ لا طارق تربح اسفة والله معاد تسمع صوتي ف الحوش
طارق^ وبصوت عالي/ مدي ايديك قتلك
اني/ لا ورحمه والديك يا طارق 😭
مش تصلي وتعبد في ربي كيف ادير هكي
طارق/ وقاعدة تقولي كيف ادير هكي انتي ملكي ندير الي نبيه والجاية بنضربك بيها ع راسك لو محطيتيش ايدك
اني/ لا طارق
طارق^ ضربني بيها ع رجلي / قتلك مدي ايدك
رجلي الم غريب من ضربة 😭
يارب ساعدني 💔
اني^ نرعش معا بعضي / خلاص يا طارق بالله عليك
طارق/ اقسم بالله ف دماغك الجاية مدي ايدك قتلك
اني^ نبكي نعرفه ايديرها مديت ايدي ونرعش معا بعضي
طارق وضربني ع صبعي
تخيلو رجلي ضربها مش قادرة نوقف عليها من الالم لما ضربني علي صبعي انقز تنقيز قعدت ورجلي معاش حسيت بيها من الالم بتاع الصبع
طلع طارق خدي تلفوني وسكر الباب بالمفتاح وطلع
اني قعدت نبكي ع سرير وصبعي 100 ف100 تكسر قعد يصب ف دم قعدت نبكي وندعي ياارب ساعدني
________
عند ام زهور
امي/ هيا تربح نمشو للبنت والله استاحشتها
بوي/ ترا ريحيني والله شغل لحد راسي مش فاضي راجليها يجيبها شن يدير فيه
امي/ توا نشوف عبد الله امري لله وخلاص
طلعت تلفوني واتصلت ب عبد الله
عبدالله/ ايوا يا نبع الحنان
امي/ كيف حالك وحال مرتك وصغار
عبد الله/ بخير يا امي اصلا مبكري هويدة قتلي نبدل للصغار وننزل لي امك
امي/ ايه ايه مرحبتين بيها
اسمع يا عبد الله
عبد الله/ نعم يا امي
امي/ وراس وليدي ما تردني
عبد الله/ شن مانردك باذن الله
امي/ ارفعني لي زهور والله استحشتها يا عبد الله تربح
عبد الله/ به حاضر غدوا الصبح نمشولها
امي/ ربي يرضا عليك ويعطيك الي في بالك ان شاء الله ياارب
عبد الله/ تبي حاجة ثانية يا غالية
امي/ لا لا صحيت
عبدالله/ هي معا سلامة
امي/ معا سلامة
بوي/ شن قالك
امي/ بيرفعني
أنت تقرأ
انفجار
General Fictionقصة حقيقية في الواقع الليبي تحكي عن معأناة فتاة من سلبية الاهل وخوفهم من عدم زواجها ف تم تزويجها لي شخص ليس لديهم له اي معلومة واتضح انه ارهابي ذو عمليات اجرامية
