#انفجار
الحلقة ( 5 ) قبل الاخيرة
قصة حقيقية
قصة واقعية
.
.
.
.
.
.
( صح من اغبي ما درت هوا اني قتله حامل بس كنت مغلولة عليه علي داره رديت بنسبه ونستفزه ونقهره ولموضوع كيف الاهل ما سالو عليه لان زي ما تعرفو سالؤ شخص بس وقالهم كويس يعني ما مشوش سرت سالو عليه و ماما الله يرحمها كان تقولي تزوجي تقعدي عانس ودوة هادي اهو تزوجت وشن صار كان قعد في حوش اهلي عانس خير ) شكرا ليكم هلبا من دعموني بتعليقاتهم وتشجيعهم ❤
.
.
.
طارق/ هههههه غير استني شوية حامل يعني انتي
اني/ ايه وماك شايفه
طارق/ كيف نشوفش ولدي تعرفيني نحرقكم كلكم ع خاطره
اني/ جرب اصلا عبد الله بيقتلك
وسكرت ع وجهه
ارقدت قعدت نفكر
وندمت اشد الندم اني قلت والله ندمت طول الليلة واني ناكل في روحي ونخمم ونفكر وحي كان يقتل بوي وحي كان يقتل عبد الله نفكر بس وخائفة والله
قلت نقول لي عبد الله الصبح يكون عنده علم مرات يجي ياخدو احتياطهم
واصلا نبيه يرفعني نحول جبس صبعي
نضت الصبح
حطيت شاهي ع نار ودرت دحي بالطماطم
نوضت بابا وفطرناا
اني ناكل ودموعي ينزلو علي السفرة
بابا/ يا بنتي * وشدلي ايدي / شوفي اني من قعدلي غيرك كم عندي بنت اني
اني مسحت دموعي بي ايديا
بابا/ معاش تزعلي روحك والله دموع ما يديرو حاجة بس ادعيلها برحمه ويجي يوم ونلحقوها كلنا انتي ادعيلها وتقربي من ربك شوفي كيف تستريحي
نفتح الباب خش عبد الله
عبد الله/ السلام عليكم
اني وبابا / وعليكم السلام
لما شفت لي عبد الله كان واضح مكسور 💔
عبد الله/ هيا بسرعة وتي روحك
اني/ به
بابا/ وين رافعها
عبد الله/ بنحولها الجبس
بابا/ به رد بالكم
بدلت حوايجي وطلعت معاه
عبد الله/ معاش يوجع فيك
اني/ لا معاش يوجع
اني/ عبد الله
عبد الله/ نعم
اني/امس اتصل بيا
عبد الله / طارق
اني/ ايه
عبد الله/ رديتي عليه ؟
اني/ ايه
عبدالله^ بعياط/ علاش رادة عليه
أنت تقرأ
انفجار
Ficção Geralقصة حقيقية في الواقع الليبي تحكي عن معأناة فتاة من سلبية الاهل وخوفهم من عدم زواجها ف تم تزويجها لي شخص ليس لديهم له اي معلومة واتضح انه ارهابي ذو عمليات اجرامية
