#انا_والمجنون
#بقلمي_بتول_الكلابيه
#البارت_التاسع_والعشرون29 ( الجزء الثاني )
وسلاماً على من رأى العين كادت أن تبكي فأضحكها ..♥️
منقول ☝☝
هند .... كعدتني امي كالت خالج ب المستشفى
او راح اروح عليه أو كلتلي روحي يم منى
سئلته شبيه كالت صايره وياه جلطه
راحت امي او اني كعدت خطيه خالي ميستاهل كلش حباب
بس حسب الي اسمعه من ابويه يكلون حسن شالع كلبه
ورجع اكول الحمد الله من ربي بعده عن طريقي هذا مختل عقلين انقهرت من سمعت بيه خاطب بس هسه لا الحمد الله على كل حال ربي يحبي هل بعدني عنه ☺
نزلت إتريكت أو غيرت ملابسي حت اروح على منى
رغد .... بلشت الساعات اتمر أو احنه منتضرين الدكتور يطمنه على ابويه
اجو خوالي بيت ابو هند
او سئلونه عن الحادث أو كنالهم صعد ضغطه ماحجينه السبب الحقيقي ولو اشنحجي شنكول نكول حسن جان ايشاهر ابهند أو بسبب هل شي انجلط
اوووووف دمرتنه حسن وين راح توصلنه بعد الله يستر منك
هند .... رحت على اختي أو كعدنه انسولف
راحت تسوي جاي فتحت نت
لكيت رفل لسه مفاتحه نت أو عوده همين ماكو
اتصلت عليه مغلق 😓😓 شكو ليش مغلق ضل بالي عليه
رجعت اتصلت على رفل
رفل.... كاعده اكنس ب البيت أو دك تلفوني هند سوده عليه
اكيد ضل بالهة عليه
فتحت خط الووو صباح الخير
هند.. صباح النور يكلبي شلونج
رفل.... الحمد الله اونتي
هند .... الحمد الله وينج ليش مختفيه
رفل.... ماعدي نت 😢😢والله
هند ... سوده عليه والله ضل بالي عليج
رفل.... ياعمري فدوه الكلبج
هند .... تسلمين
هس اطمئنيت عليج بقه ابو صماخ من امس ماكو أو تلفونه مغلق
رفل.... هااا ليش شبيه عوده ماسئلتي عنه جبل مو صديقه
هند ... اي صحيح بس استحي اتصل عليه
رفل.... لا عادي مابيه شي والله
هند .... اوك راح اتصل وسئله عن عوده
رفل... اوك أو طمنيني عليه
هند .... ان شاء الله يالله يعمري مع السلامه
رفل.. بحفظ الله
هند .... دخلت على محادثته ب الكروب أو طلعت رقمه بس بقيت متردده اتصل لو لا استحي منه أو همين مشغول بالي على عوده مخليه تلفوني أو اعاين عليه هفففف هسه شلون اجت منى جابت الجاي اخذت الكوب أو بلشت اشرب وفكر اتصل لو لا زين خاف اتصل ويفهمني غلط
لا ليش يفهمني غلط قابل اني شمسويه خلص الجاي أو منى راحت مدري شسوي ب المطبخ اخذت تلفوني أو طلعت للحديقه
ضغطت ع الاتصال أو بلش ايرن أو اني كلبي احسه حيشرد من داخل ضلوعي هههههه
