#انا_والمجنون
#بقلمي_بتول_الكلابيه
#البارت_السادس_والستون66(الجزء الثاني )
صوغلهة محبس ذهب يانداف 🌸
ناعم اصبعهة من ذهب يتخرمش
هند ..... كعدت الصبح كوه كلش نعسانه امي تكلي شبيج اليوم
كتله بنتج مخلتني البارحه انام
سهرانه وي حفيدج أو سهرتني وياهة
رحت غسلت وتريكت أو غيرت ملابسي
اخذت الكتب والسجلات والملازم
او اجه الخط أو طلعنه اني أو نور
وصلنه للجامعه أو فترقنه
باجر تبلش الامتحانات
ان شاء الله بس هل أسبوعين انداوم ان شاء الله
اخذت محاضره أو وره ما خلصت
طلعت ادور على بنيه على مود الدكتور الي حجيت الرغد عنه
صدك لكيتهة أو سئلتهة عنه
انطتني اسمه أو عنوانه
او دزيتهم الرغد برساله أو كتلهة هذا عنوان الدكتور
او رجعت للقاعه لان ح تبلش المحاضره مالتي
غفران خطيه كلش تعبانه
دخلت ب الثامن هسه
او ثكل الحمل أو تعب الدراسه
حيل جاي يأثرون على نفسيتهة ومخلينهة ممرتاحه ابد
اني جنت دائمآ ضد انو الطالبه تزوج أو هيه اداوم
مثل وضع غفران هسه كلش متعب
بينما رفل أو نور وضعهم زين لان مبقه غير فتره كلش قليله ويخلص الدوام أو مرات يأثر الدوام على حياتهم
بس من اشوف غفران كلش انقهر عليه
رغم الشهاده لله علي كلش زين أو ممقصر وياهة
بس هيه تكول الحمل متعبني
او خصوصآ لان توم هل شي تعب أكثر وبصراحه هيه خايفه من هل شي توم شلون راح تربيهم وشلون تلحك عليهم الناس واحد أو تتشاكه لو مريض لو مينام لو يبجي
ماعرف شلون راح تتقلم وياهم هس اني اشوف زهراء تكول حسين مينام بليل بس يبجي واليل كله سهرانه وياه أو بنهار اكوم الشغلي
اني اجي انام أو هوه يكعد
بعد متكدر تنام وتعوفه لازم تبقه وياه
الله كريم ان شاء الله تكوم بسلامه ويجون اطفالهة بخير أو صحه زينه عود اهلهة أو اهل زوجهة يساعدونهة عليهم
بس كون تخلص الامتحانات على خير
خلصت محاضرات
او عوده طلع من وقت اليوم كال جاي يسوي جواز سفر العمته ايدزونهة للعمره
عاد اني حبيت الفكره أو كتله راح اقنع امي تروح همين
هوه رحب بهل فكره لان الواحد من يروح وي ناس عرف يرتاح أكثر احسن مما وحيده
اجاني الخط أو رجعت للبيت
غيرت ملابسي
او طلعت اتغده باجر اول يوم ب الامتحانات ان شاء الله والكل مخبوص ويراجع اسئله أو يدقق على كل سؤال مهم
نور .... شلونج عمه
ام هند ..... الحمد الله
يالله تعالو تغدو
نور ..... ان شاء الله هند تعالي نتغده
لعد عمي وين بعد مجاي
ام هند .... اي اليوم يتأخر عنده شغل
هند .... شلونج ماما
ام هند .... الحمد الله يمه يالله اتغدو
هند .... اكلج ماما
ام هند ..... ها
هند .... ام رفل راح تروح للعمره ليش مترحين وياهة
