#انا_والمجنون

البارت الاول

السلام عليكم

حياتنه عباره عن بحر او سفينه المتحكم الوحيد هنا البحر ياخذنه بروجه ويرجعنه بروجه ثانيه وقت العصبيه نحس انو مستحيل بعد نگدر نكمل او حت نعيش وياه بس فجئه ايعم الهدوء ويرجع للسكينه وترجع كل الامور الطبيعتهة نلگي نفسنه تراجعنه عن مخاوفنه وقررنه نبقه وي البحر او وي كل مخاوفه يا تره شنو ضام البحر للسفينه والي هيه تعني حياتنه البحر او روجاته او كل مصاعبه هيه الحياه ..
اما السفينه او صبرهة او حبهة للبحر او مسامحته على كل اغلاطه او عصبيتهة فهيه احنه البشر

ما ذهب ورحل عضيم منه الجميل ومنه المخيف
ولاكن ماسيئتي اعضم وقد يكون اجمل او اسوء مما رحل
هسه نبلش وي ابطال حكايتنه ونعيش وياهم تجاربهم نستفاد من اخطائهم حت نتخذهة عبره النه ب المستقبل او نتجنب انو نكررهة
ونشاركهم افراحهم حت نعيش وياهم الحضات الحلووه الي راح تنرسم داخل مخيلتنه الجميله 😊😊

هسه بسم الله الرحمان الرحيم

#ملاحضه راح انبلش ب الاحداث قبل لاتصير هند دكتوره يعني رجعنه بزمن شويه

#انا_والمجنون

#بقلمي_بتول_الكلابيه

#البارت_الاول

السلام عليكم

اني الدكتوره هند

من سكنه بغداد الحبيبه

مواليدي.....1993

يعني عمري هسه بلش ب 26

الشهر واليوم..... 14\..2

ابهل يوم ايصادف عيد الحب ماعرف من حسن حضي او من سوء حضي

اني من مواليد برج الدلو

شكلي مقبول
بيضه وعيوني متوسطات الحجم عندي خدود بارزه على وجهي احله شي عندي شعري طويل اموت عليه طولي ااه ياطولي 😅
لاگلكم ولتگلولي قزمه 😟😟

وزني مناسب وي شكل جسمي الحمد الله 😅

شخصيتي.... مرحه حشاشه او تصنيف او ضحك اضحك للهوى مثل ما جانو ايسموني

بس بعدين اتغيرت او صرت شي ثاني
هادئه ماحب اختلط وي الناس هوايه بس بسبب وضيفتي جبرتني تتعايش وشارك وي كل الي موجودين بس حصرت هل شي بشغلي فقط يعني بحياتي العاميه جيراني ميشوفوني لان ما طلع ولا الاي سبب طلعتي بس الخوالي او للاماكن المقدسه

اني الحمد الله نسانه محجبه او كلش افتخر من احجي بهل شي عكس بعض البنات الي صارت تشوف الحجاب شي قديم او مو على الموده ويخرب البرستيج بكل بساطه احجيهة غيرهم التطور وجرفهم للهاويه

عائلتي تتكون من ابوي ابو هند لاني الجبيره ابويه موضف باحد المصارف
او امي نضر عيني همين موضفه تشتغل كاتبه بأحد المدارس قريبه على بيتنه
عندي 2 خوان حسين او احمد
او اخوات 2 همين زهراء او منى