البارت 4....
قصة سنوات الضياع.....
للكاتبة خادمة الامام علي ع....
هااا خاف ما تأخرت 🙄
🌹🌹🌹🌹🌹🌹🌹🌹🌹🌹
ضي هي هيج گالت و شلون واحد بزني گمت ابجي و احجي و حجيتلها كل قصتي
.............___________________...............
ضي
المهم بقيت على هذه الحال لمدة شهر و الشهر صار شهرين و الشهرين صارن سنتين و بهاي السنتين ما خليت طريقة ما حاولت اهرب بيها منهم بس ابد ما فاد من توصل للصدگ يلگفوني الحرس لو ام تيسير اللي چنها جني منين ما ادور الگاها و بيوم من الايام كملنه انا و صديقتي رؤى 18 سنة و كل ما يمر يوم اموت الف موته و خايفه من ام تيسير رؤى حبها شاب من اللي جانو ويانه و قرر يتزوجها و عرفنه الولد وين يرحون اثاري من يكمل 18 لازم يشتغل و يدفع فلوس لأم تيسير و عصابتها الخايسه حتى يحرروهم المهم الولد دفع الفلوس الي عليه و كللهم اريد اتزوج رؤى و دفع فلوس زيادة حتى يحرروها هم بس بقى القليل كللهم خلال شهرين اجيبلكم الباقي و هم وافقو و طلعت وياه رؤى من عافتني متت جانت صدك صديقتي و نعم الاخت جانت دائما توكفلي و ما يوم خذلتني و صار جميلها وياي اهواي و ما اعتقد بيوم اكدر اجازيها و اجه اليوم اللي انتظرته هواي
وره شهرين جنت كاعده طبعا وي باقي البنات كلعاده و افكر يا الله شنو مصيري هسه علواه يطلع واحد يحبني و يتزوجني مثل رؤى اتزوج احسن من ما انباع لغير جلاب اخوي شنو مصيره يا الله ارحمنه ما النه غيرك و فجأة اجت بنية و حظنتني اتباوعتلها و جان اشوفها رؤى
ضي ... ولج مشتاقتلج العوبة ليش تتركيني 😭😭
رؤى...😭 والله مو بيدي انا هم اريد اخلص من هذه الجحيم بس ابد ما نسيتج و هسه اجينه عليج
ضي... هااا شلون ما افتهمت
رؤى .... يلا ما عندنه وقت بسرعة اجينه انا و زوجي حتى نحررج انتي و جود هوه خذاهم للحرس و مشتري عشة و كاعد ينصبون سفرة برة حتى ما ينتبهون علينه راح نطلع من الباب الخلفي يلا لمي مستمسكاتج و جيبي جود
ضي... اروحلج الف فدوة يا اختي اللي ما جابتها امي
و صدك بسرعة لميت غراضنه و بدينه نمشي على كيفنه و تذكرت
ضي.... ولج جا و ام تيسير وين خاف تلگفنه
رؤى.... ام تيسير بغرفتها لا تخافين راحت تخمد عساها لا كعدت
ضي... اوووف يا رب نجينه
طلعنه للحديقة شفناهم جاي ياكلون ناسين ارواحهم الجلاب سم ببطونكم ان شاء الله
رحنه للباب الخلفي جاي نفتحه و شافونه الحراس
الحارس .... ولكم راح يشردون
و ركضو باتجاهنه رؤى صرخت ركضي و احنه راح نعطلهم و ما گلت لا ركضت و ركضت و ركضت و طبعا جود يركض وياي و متنه من الخوف و بقى بالي على رؤى و زوجها ضحو بحياتهم علمودنه يا رب گدرو يشردون منهم و احنه نركض شفنه سيارة تريد تتحرك و الحرس شوي عنه كمنه و صعدنه وي ابو السيارة اللي طلع صگر و مشينه و ضيعناهم الحمد لله
أنت تقرأ
سنوات الضياع
ChickLitقصة تحكى عن بنت مدللة عند اهلها هي و اخوها و القدر يظلمهم و يجعلهم ايتام و يعيشون في الشوارع و لا احد يساعدهما في الحياة و العيشة الصعبة و لكن يظهر شخص بعد سنوات من الضياع ل يسحبهم من الظلمات إلى النور و يعيد حياتهم من جديد سنوات الضياع (قريبا )
