الحب الاعمي

الفصل 6

الفصل السادس

اسراء اتصلت بمامت مريم

اسراء ..الو يا طنط ازيك

مامت مريم بصوت مرهق ..نحمد الرب

اسراء ..هى مريم مش بتيجى الجامعه ليه وكمان قفله موبيلها

مامت مريم..والله يا بنتى ماعرف مريم نزلت اول امبارح النادى رجعت معيطه وقفله على نفسها الباب ومش بتاكل

اسراء ..خلاص يا طنط انا جايه فى الطريق

مامت مريم ..تشرفى يا حبيبتى

وراحت اسراء عند مريم ودخلت عند مريم الاوضه وكانت منهارة من العياط

اسراء ..مالك يا مريم بتعيطى ليه

مريم بدموع ..مينا طلع مش بيحبنى وهيخطب واحدة تانيه

اسراء ..احسن باردو بس قولى ايه اللى حصل

مريم بدموع ..حاضر

فلاش باك

كانت مريم بتجرى فى النادى بعد ما خلصت راحت تجيب حاجه تشربها شافت مينا اقاعد هو واحدة وبيكلموا وماسك ايديها ولما قربت سمعته وهو بيقول

مينا ..انا بحبك وعاوز اجوزك

البنت ..وانا كمان بحبك بس خطبتك هتعمل ايه معاها

مينا ..هسيبها علشانك المهم انتى تفضلي معايا

البنت..عمري ما اقدر اسيبك انت روحى

مينا ..وانتى قلبي

مريم ..وانت انسان حقير كنت لازم اعرف واصدق صحابي لما قالوا انك انسان مش كويس انا بكرهك اتفضل دبلتك اهيه وهبعتلك كل حاجتك ومش عايزة اشوف وشك تانى ابدا.

مينا وهو بيمسكها من دراعها..مريم انتى فاهمه غلط خالص

مريم وهى بتزق ايديه ..ما هو باين كل حاجه واضحه يا استاذ كونت بتتسلي انا زى زى اى بنت من دول

مينا .. لا يا مريم صدقينى هى إللى جريت ورايا

البنت بسخريه ..متصدقهوش دا باس رجلى علشان امشي معاه وقالى انه خاطبك بس علشان طمعان فيكى وفى المستوى إللى انتوا عايشين فيه بس هو كان هياخد منك كل حاجه وبعدين يسيبك ويجيلي انا بس انا خلاص مش عايزاه

مينا ..اه يا كلبه انا معملتش كدا يا مريم متصدقيهاش

مريم ..ابعد عنى بقا كفايه انا تعبت من قرفك مش عايزة اشوفك تانى وانتى تقرب منى

ومشيت مريم منهارة على الاخر .

انتهى الفلاش باك

اسراء ..اهدى يا مريم كل حاجه هتتحل ودا اصلا ميستهلش دمعه منك

مريم مسحت دموعها .. انا لازم اثبتله انه ولا حاجه بنسبالى وانى اقدر اعيش من غيره عادى

اسراء ..ايوة كدة هى ديه مريم إللى اعرفها

ضحكت مريم ..ربنا يخليكى لينا يا سو دايما مستحمله مشاكلنا

اسراء..بطلي هبل يا بنتي انتوا اخواتي ويلا بقا لازم امشي امي هتتخانق معايا علي التاخير دا

مريم ..ماشي يلا سلام يا حبيبتي

اسراء روحت واقعدت تفتكر كل حاجه حصلت فى اليوم دة وبعدها افتكرت نظرت احمد ليها اللي كلن باين فيها الغيره ومسكت ايديها كانت حاسه بشعور غريب نحايته فاقت اسراء على رنت تليفونها

اسراء ..الو

ابراهيم بفرحه ..بركيلى يا اسراء

اسراء ..ايه هتموت وتخلصني منك

ابراهيم ..لا يا ظريفه هجوز

اسراء بغباء وصدمه ..هتجوز مين

ابراهيم ..يارب صبرنى اكيد يعنى هجوز اسماء

اسراء بصدمه .. ايه ... دا اللي اتفقت عليه معاكي يا اسماء الكلب..امتى دة حصل

ابراهيم .. انتي بتقولي ايه اتفاق ايه وبعدين انهاردة روحت كلمت والدها واتفقت نعمل قراية الفاتحه بكرا

اسراء .. لا متركزش ولا اتفاق ولا حاجه بس انت مستعجل اوووى كدة ليه

ابراهيم ..ملكيش دعوة انتي يا عديمة الإحساس لما تكبري هتفهمي

اسراء ...نينينينيني قال يعني انت اكبر مني بكتير دا كلها 15 يوم بس

ابراهيم ..بس بردو أكبر منك اقفلي بقا خلينى اكلم المززززة بتاعتى

اسراء ..ماشي يازفت سلام

وقفلت اسراء واتصلت بصحابها و عرفتهم انها مش هتيجى بكرا الجامعه

اسراء كلمت سيلفيا ... الو يا قلبي من جوا

سيلفيا .. انتي اللى قلبي

اسراء ..احنا شكل الروايات اثرت علينا هى والمسلسلات التركي

سيلفيا ضحكت ..فعلا عندك حق

اسراء ..ماشي كنت بقولك انى مش هاجى بكرا الجامعه علشان ابراهيم هيقرا فاتحه بكرا

سيلفيا بفرح ..اوووووووه اخيرا هتخلصي منه

اسراء ..اه شوفتي

سيلفيا ..يلا احسن

اسراء..طيب يلا انا هقفل دلوقتي علشان اشوف هلبس ايه وبعدين ابقا اكلمك

سيلفيا ..ماشي يا قلبي سلام

يا ترى ايه اللى هيحصل بكرا

استنو الفصل السابع

من روايه الحب الاعمى

للكاتبه \اسراء محمود