سيدرا- روحي فرفحت ركضت على صوت امي وكلبي يدك سريع راح يوكف من الهبطه شفت اني نايمه عليه وتبجي ومفطين وجهه كشفته وابوس بي
علي كوم كوم لمدرستك اباوع لامي تبوس بيده وتبجي بحركه صوتها راح وارجع اهزه
كووم لك كوم اجوي الدكاتره علينا
وابو زين حجه وياهم بلحضه حسيت روحي مبنجه احساس صفررر جرو سديه مالته بقيت واكفه امي لحكته اشرلي ابو زين بيده تعاي
مشيت وراه بثكل والتلفون بيده مدري عليمن يخابر ويكوله
تعال هسه. ماعدها احد. دقايق وامي روحها تلوب واني بس صافنه واباوع احد احس ناقص ويانا منوجود علي ماكو بقينا بس 2 افر براسي بحيره طلعنا من المستشفى وامي مشي مكدرت تمشي راحت صعدنا ابو زين بسيارته كلشي ميحجي امي ليكدام واني ليوره بس صافنه وشفته راح يحجي وي ولد. واجانه يمشي سريع طلع بالسياره واتي صافنه وامي تنوح. وكلسا مخابري ويرد يحجي اندار على امي
ام علي وين ندفنه
امي بجت بقهر كالت
حتى كاع ماعدنا
همس راح ادفنه بكاعنا يم ابويه
بجت بقهر كالت تلكاها بميزان اعمالك ابو زين
رفع راسه باوعلي درت وجهي عالشباك رجيت راسي دمعه شنو دمعه مذبيت حقدت عالدنيا اكثر خو اموت مو اريحلي علي غلبتني ورحت لبابا هو هيج اتفقنا مو جنت تكولي من اكبر اشتغل وماخليج تشتغلين عد احد ومحد يذلج تالي تتركني علي هيج كلناها
ضياء- خبلتني. امها ماتت بجي وهي مامو دمعه مذبت بس صافنه شنو من قوه عدها ذبيتها ببيتنا وامها جللبت الا اجي وياكم للنجف
ام علي مو مال صياح وبجي
والله اسكت خليني اغسله من الله يجازيك على وكفتك
اصعدي ولا يهمج الله يبرد كلبج
سيدرا- اني هم اريد اجي باوعت لماما ولابو زين كال
لا يابه لا كولها زلم وين احطج بنصهم ويايه ثنين جماعتي وسياره لخ روحي يم زين وامي
ماما اريد اجي وياج
يمه روحي كلبي خللللللص
صاحت امي فزيت باوعت لابو زين دار وجهه وجر حسره وطلع طبيت وسديت الباب طبيت للترك فارغ موحش غراض علي بكل مكان اريد ابجي ارتاح ماكو متطلع دمعه بس نار بضلوعي تحرك وحيل مبيه مكدرت ابقى انفتح الجهاز
صوت الحجيه
سدوره ماما انتي بالترك
نعم همست
تعاي يمي ماما تعاي حبيبتي
جانت تحجي بانكسار زيد نار كلبي نزلت كمت احس وجع بكلبي وضيق بالنفس طبيت حضنتني وتهدي بيه
