سيدرا- رحت للغرفه نمت وحدي. للفجر حسيته كام فات للحمام وطلع مد راسه للغرفه الحمام صاير بالضبط كبال الغرفه. طب وسد الباب بقيت مغمضه ه نام عالجربايه بهدوء وتغطى بقيت مغمضه متقرب مني محترم الاتفاق البيننا. ومحترم روحه او يمكن شبعان من بره واني ليش دافكر غفيت واني بين هاي وذيج
كعدت الصبح فتحت الشبابيك الجو طيب شهر الرابع وبديت ارتب الهوسه حتى المواعين مغسلتها لان جانو نايمين بالهول والهول مفتوح عالمطبخ بفصال غربي فينسمع. غسلت المواعين ورتبت حضرت الريوك وخليت الغده باوعت ساعه 10 شبسرعه كعدت انضف التمن واستمع للبرنامج مالزين بقيت مركزه حسيت القنفه نزلت فزيت التفتت
شفته كعد قريب عليه يفرك براسه ويتثاوب باوع لزين وباوعلي كال
شو تاخر مكعد
هو نوبات يتاخر
صباح الخير نسيت ههه
لاعادي صباح النور. باوع لهدومي كال
لعد رينه بنطرونج مال عماله
ههه ذبيته من دانام. كال وعكد حاجبه. هذا
منيلج
من عطور جايبلهيا وطلع صغير عليها
همم ووصعدت يمج عطور
اي وسولفنا شكد
امم بيها الخير طلعت ريحه الجاي كومي خوماتريكتي
لا انتضرك التفت عليه متفاجا رفع تك حاجب
اايعني قصدي ديصير الاكل
مم ديله صمون ماكو
لا اكو بالفرن
خوش كعد عالميز وجيت اني ذبيت التمن وكعدت كدامه اتريك وياه
لزم الجطل والسجينه ولاتكول ابو الهبيط البارحه اكل واباوعله ميحجي مو نفس طبيعته. اكو شي مضوجه عبالك كلسا وصافن. كمل ريوكه وباوع من الشباك اللي يطل عالحديقه وره البيت ابتسم عرفت شاف احمد اندار عليه كال
هاي يوميه تفتحي
جاوبت راسن اي
زين. وتشوفين احمد
اي ديقره غير
اي بقه يبا ع بعيني بحيره جر نفس فات جاب جكايره وطلع كعد على ميز الطعام يباوعلي بشك ويدخن. واني اكل بهدوء كال
وليش تباوعين علي
لا مو بس هو حتى اهلك من يطلعون يعني ابقى وحدي ابقه اباوعلهم
همم هز راسه وعيونه بعيني ويلعب بشاربه بقيت اباوعله كعد زين متنحس ذب الجكاره وراحله شاله ويفتر بي سكت كملت اكلي وحضرت اكله جابه يمي كال
يابه يكول عميه
تعال حبيبي اخذته منه وكعدته عالميز رجع ضياء كعد يباوعله اوكل بي ياكل متنحس مدري شبي وكلسا يبجي كوه كمل بيضته دااغسلله. حلكه عاط وضل يصيح ويبجي بقيت صافنه وكف ضياء يمي
