عطور- الثكل حلو يخلي الولد يتخبل عالبنيه
شنو ماما
مادري شنو بس ردت اكولج هالكلمتين جربي للثكل ماما صوني عيونج وضميهن وشوفي شيصير اني واثقه بيج ماماتي بس ردت اكولج هالحجايتين
صفنت عليها نصيت راسي هيج مفضوحه تقربت مني نلمس شعري وطلعته من الكلبيه ولفته كبه بهدوء
بتي كبرت وصايره تجيب الهوه بعيونها
ماما اني
ادري حبيبتي اني يمكن لهيت عنج من وره اخوج بس حاسه بيج تره وادري مدتسوين غلط بس اخاف على كلبج حبيبتي يتاذه
بقيت ساكته كالت
جربي وصفتي تعززي ولتباوعين ولو بس هالمره ضحكي بهدوء سولفي بهدوء وي نجومه وصوني عينج وخليها ببالج الحجايه التمسج تمس ابوج وشوفه وتربايتي وتعبي
هزيت راسي باستني من راسي بهدوء وطلعت من الغرفه لبست كب والشال جنت ناويه اخلي كحله مخليت وره حجي ماما كرهت نفسي فعلا اني مستقتله بس مو بيدي من حبيته ماكو مثل رجولته مشفت بس مو معناه ابينله ما بينها بعد راح اروح اساعد سيدرا ونجمه وبس واشوفه من بعيد شوي بس شوي سمعت هورن عمي ركض طلعت باوعت لماما باي
ابتسمت هزت راسها برضا صعدت ليوره يم زيون وطلع عمي لابس نضاره ودشداشه والغتره البيضه لافها مثل الغربيين تخبل عليه هاي شنوعمو طالع صاك
وشبي عمج لج عاب هالشكول عاد عيونها ملونه حتخبصنا
هههه لا والله عمو كلش حلو طالع سيت انت وزين
وصلنا وفتح الباب مال بستان على مصراعيها حمزه يممه يخبل طالع يمه كلبي مسوي جوه شفته لحيه صغيره والشارب يكطع والنضاره ولاف الغتره مثل عمو والمحزم على ضهره والسلام بي يابه كلبي شون حصون عيني ام احمد كوليلي طبينا بالبستان صاح
نور البستان نور
فتنا ونزل عمو تسالم وياه تصافح نزلت بهدوء التفت مبتسم نصيت عيني بقه اتجاه وجهه عليه ورجع اندارعلى عمو يم جداري التمن والقيمه بقيت جوه يم نجمه وسيدرا نضفنا وحضرنا اللبن والفاكهه والعصاير ام سكينه وام علي ويانا مخبوصين حتى الجاي خلو عالمهداره والخبز حضرو والتمر والسفر والمواعين كلشي جهز نجمه كالت تعالي نفتر رحت وياها
جنت بالكلبيه لمحت عمي وحمزه يفترون ويسولفون اباوع طبت سياره بيت عمه رفل وراهم بيت هدى ووراهم بابا بسيارته. حمزه وابو سكيتجنه مشه سريع يضحك يهلي بيهم فرش ابو سكينه مفارش خوص على طول المي كعدو جوه الاشجار والضحك والجايات وحمزه ديخطب بيهم احمد اخذ ماطور المي باوع لحمزه
شغال هذا
لعد عليمن مخلي ابو شهاب اخذ مريتك وروح بس مو تشمرها ليغاد
