تغيرت لأستحقكِ (للكاتبة إسراء رمضان)

( انتقام مضحك )

أدم:البت دي شايفه نفسها وانا هربي....
لم يكمل جملته حتي وجد صفعة قوية علي وجهه أدت الي لفت إنتباه جميع من بالكاڤيتريا..وكان أدم يقف وكأنه بركان علي وشك الإنفجار..
حور:مااالك
مالك:إياك تفكر تقرب منها تاني..قسماً همحيك من علي وش الدنيا
أدم"محاولاً إستفزاز كلاهما":اهاا هو دا الحلو اللي كنتي مستنياه ماتقولي إنك من النوع دا..معلش يابرنس أنا كنت بسليها علي ماتيجي ههههههههه
أمسك أدم بـ ياقة قميصه وإشتبكو في عراك إنتهي سريعاً بسبب نداء العميد لهم..
العميد:اييه يا أدم إنت مش هتبطل مشاكل
أدم"بلا مبالاه ويداعب خصلات شعره":أنا ماعملتش حاجه
العميد:أخرج برا يا أدم وأخر تحذير ليك وبعد كده هكلم والدك أنا لحد دلوقتي عامل خاطر ليه لكن انت زودتها..إنت ماكنتش كده يابني
أدم"أخذا الباب في يده":خلاص مش هعمل حاجه تاني..باااي
العميد:لا حول ولاقوة إلا بالله
...............
حور:الحمدلله يامالك إنك جيت لحقتني..انا كنت خايفة منه أوي
مالك:اوعي تخافي أبدا فاهمه؟ولو عليه دا عيل مالوش لازمة
حور:يالا الله يسامحه بقا..كان لازم وتين تقوم وتسيبني يعني
مالك:ليه هي كانت فين
حور:قالت هروح الحمام ...ومجاتش الا في أخر الخناقه
مالك:خلاص حصل خير..بس لو حصل أي موقف معاكي إتصلي بيا فاهمه؟
حور:كل شوية فاهمه فاهمه أنا مش غبية علي فكرة
مالك:هههههههه مش غبية ههههههههههه
حور:والله انت رخم أنا هطلع لماما أقولها
فريدة:لازم أما ترجعو تسمعو البيت كله
مالك:ههههههه والله بنتك السبب ياماما
حور:بس يارخم يالا نصلي الضهر علي ما ماما تجهزلنا الفطار
مالك:يالا ياحبيبتي
...........
وبعد الإفطار ذهبت حور للنوم ومن ثم إستيقظت علي أذان المغرب..أدت فرضها وتوجهت لجهاز الكمبيوتر لتصفح بريدها الإلكتروني.وكتبت منشور
قائله..(المال والمظهر لم يكونو يوماً شيئاً فـ أوقح الواقحين لديه مالُ ومظهر حسن)
كانت تحاول إهانته..إهانة ذلك الوسيم ذو الشعر الحريري الذي يظهر علي مظهره أن لديه الكثير من الأموال ولكن مافائدة كل هذا إذا لم يكن هناك دين وخلق؟
علي جانب أخر من الإنترنت كان يجلس أحدهم يتصفح هو الاخر كان..مروان
مروان:حور مقصورات؟ مين دي..دي جايالي في الإقتراحات..أكيد معانا في الجامعه..هدخل أكلمها يمكن أعرفها..
راسلها قائلاً:إنتي في الجامعه معانا صح
قرأت حور الرسالة فـاستشاطت غضباً:ده اللي كان معاه الصبح..دي مؤامرة بقا.. مش هرد عليه خليه كدا..
ملَّ مروان من الإنتظار فـفتح صفحتها الشخصية ووجد العديد من المنشورات أعجبه أسلوبها ونقائها و..أخلاقها (لا تتعجبون فـمهما كان الرجل سئ فـلا تلفت إنتباهه إلا ذات الخُلق) ثم لفت إنتباهه منشورها الأخير الذي كان عن "أدم "فحدث نفسه:ده مين ده اللي يزعل بنوتة بـالجمال ده كله...أنا هعمل لها متابعة عجبتني منشوراتها
................
في صباح يومٍ جديد ذهبت حور و وتين الي الجامعة حضرو المحاضرات وإنتهو وكادو أن يرحلوا إلا أن...
وتين:تعالي نقعد في الكاڤيتريا نشرب حاجة ونمشي
حور:لا كفاية اللي حصل إمبارح
وتين:ماهو مالك جابلك حقك وبهدله..تعالي ماتبقيش رخمه
حور:الحمدلله إنه كان موجود...أمري لله تعالي ياستي
مجهول:حور
حور:نعم يادكتور!
دكتور عمرو) دكتور حور في الجامعة متزوج ولديه طفلين عمره يقارب الإثنان والثلاثون
عمرو:أنا سمعت من أصدقائك إن في حد ضايقك إمبارح...هو مين؟
حور:محصلش حاجه يادكتور أخويا مالك كان هنا وهو إتصرف
عمرو:قوليلي إسمه لو تعرفيه..هخليه يشيل مادتي
حور:لا يا دكتور مش للدرجة دي هو خد جزائه خلاص
عمرو:قد إيه إنتي قلبك أبيض ياحور
حور بخجل:شكرا يادكتور..عن اذنك رايحين الكاڤيتريا
وتين:الدكتور ده ماله
حور:معرفش هو مهتم بيا كده ليه...يارب ماتكون نيته وحشه
وتين:يالهوي نية وحشة ايه ده متجوز ومخلف
حور:أنا بحاول أتجنبه علي قد ماقدر وفي نفس الوقت مابحبش أحرجه
وتين :إيه دا الترابيزة اللي بنقعد عليها في ناس قاعدين عليه و ولاد كمان
قد غضبت حور بشده..إنه هو إنه ذلك الوقح..مؤكد أنه لم يجلس مصادفة..
حور:ده اللي كان بيضايقنيي امبارح
وتين:اها ده هو
حور: يالا نروح نقعد في مكان تاني
وتين:يالا ياستي..أما قلة ذوق صحيح
وهما متوجهين إلي مكان أخر..جُذبت يد حور بقوة حتي كادت أن تُخلع لتلتف خلفها ومن ثم...