تغيرت لأستحقكِ (للكاتبة إسراء رمضان)

حورية الجِنان ..💕

آدم:احم احم أنا هامشي يامالك وهاجي بكرة أشوفكو..يالا سلام
حور:أدم!
أدم وكاد قلبه يرقص فرحاً:نعم ياحور
حور:أنا أسفه علي اللي قولته..ياريت تعتذر بالنيابة عني لمروان ودكتور عمرو..كانت لحظة غضب والله
أدم:تعتذري!تعتذري علي إيه ده كلامك فوقني من ضياعي..أول مرة أحس إني كاره نفسي كده..بسبب كلامك ده أنا هاتغير ياحور،وهرجع لربنا،وهانجح وأتخرج من الجامعة وهاشتغل وأفرح والدي و والدتي..أنا عاوز أشكرك جدااا جدااا إنك قولتيلي كل الكلام ده..ياحور الجنان
صعدت الدماء إلي وجنتي حور وكأنها تريد أن تخرج منها من شدة الخجل...
مالك:إحم إححححم إيه ياعم أدم هو عشان أنقذت أختي من شوية هاسكتلك بقا وأسيبك تكلم أختي كده...فوق أنا لسه ماوافقتش أصلا إنت طلبت إيدها ورفضتك وهي رفضت
أدم:أوعدك يامالك إني هاجي أطلب إيدها وأنا الراجل اللي بتتمناه حور..وأخليها تفتخر بيا
مالك:خلصو دراستكو بس ونشوف الموضوع ده بعد التخرج وشدو حيلكو أنا عاوز تقديرات،أنا دلوقتي عندي أخت وأخ يا أدم..أخ هاعلمه يقرب من ربنا..أخ هاخد بإيده للجنة
أدم "بسعادة":وأنا هاكون عند حسن ظنك يا أحسن أخ في الدنيا ده شرف كبير جدا ليا..هاجيلك قريب ياحور وهاتشوفي التغيير..هاتشوفي إني هاستحقك ياحوور
وجري مسرعاً إلي الخارج وهو يصيح:هاااااااااااااتغير
حور" بخجل":إحم بس إنت ماخدتش رأيي يامالك
مالك:ههههه من خدودك اللي شبه الفراولة دي مش محتاااج أسال
وكزته في كتفه وغطت وجهها وادَّعت النوم..
......
في منزل دكتور عمرو..
عمرو:وحشتيني ياحياه
حياه:ومن إمتي الرومانسيه دي ياعموور..هااا قول قول عاوز إيه هههههه
عمرو:تصدقي أنا غلطان
حياه:خد بس هنا إنت عصبي ليه..خلاص ده أنا بهزر معاك
عمرو:إبه رأيك ياحياه نسافر أسبوع في أي مكان إنتي عاوزاه
حياه:بجد..يااريت ياعمرو
عمرو:بصي بعد كده إنتي عليكي الأمر وأنا هنفذ كل حاجه
حياه:إيه التغيير المفاجئ ده أنا مش مصدقه نفسي
عمرو:أنا فعلا هاتغير ياحياه..هاتغير عشان أحس إني أستحقك..بحبك يا مامت بناتي
حياه:وأنا كمان بحبك ياعمرو..بحبك جدااااا
.......
أدم:السلام عليكم..إزيك يامروان
مروان: وعليكم السلام الحمدلله يا أدم
أدم:أنا عاوز أتاأسفلك ع..
قاطعه مروان:أنا اللي عاوز أتأسفلك وأتأسف لحور هي فعلا عندها حق في كل كلمة قالتها ..وفعلا أنا مابحبهاش أنا كنت واخدها كأنها عملة نادرة وعجبت نظري..بس خلاص أنا توبت وإستغفرت ربنا..ومتأكد ان شاء الله إنه هايقبل توبتي..
(حاشاه أن يرد تائباً حاشاه)
أدم:فرحتني يامروان والله..خلاص إرمي الماضي ورا ضهرك ويالا ياصاحبي نبدأ حياة جديده..هاستناك بعد الجامعة بكره إن شاء الله مالك أخو حور مستنينا وهايعلمنا كل حاجه يامروان
مروان:بجد..الحمدلله يارب
أدم:هاستناك يامروان..يالا في رعاية الله
مروان:في رعاية الله
جلس و وضع رأسه بين يديه يبكي ويستغفر علي ما قد أسلفه في حياته السابقة..بينما جائت هي بصوتها الحنون..
فاطمه:مروان!
مروان:أمي
فاطمه:مالك ياحبيبتي بتعيط كده ليه
مروان:أنا ندمان علي كل لحظة زعلتك فيها يا ماما..أسف ياحبيبتي والله هاعوضك عن كل ثانيه عدت وأنا مزعلك وبعيد عنك..أنا ماليش غيرك يانور عيني والله
فاطمه"تبكي فرحاً":وأنا عمري مازعلت منك ياحبيب ماما..مهما عملت كنت بتفضل طفلي الصغير
مروان:بحبك ياماما..وهاتغير عشان أحمد ربنا إنه برغم عصياني ليه رزقني وكرمني بيكي.. هاتغير عشان أستحقك
فاطمه:ربنا يخليك ليا ويحميك ويحفظك ويهديك لصراطه المستقيم يامروان
مروان:ياااارب يااارب يا أمي
.......
بعد مرور عامان...تخرَّج كل من حور وأدم و وتين ومروان وحتي سالي ولكن بعد الحادث تغيرت وابتعدت عنهم
مالك:إحم حور..كنت عاوز أكلمك في موضوع
حور:خير يامالك؟
مالك:أنا عاوز أخطب وتين
حور"بسعاده":بجااااد أخيراا يا أخي
مالك:أنا كنت مستني تتخرجو بس والله وأروح أتقدملها
حور"بحماس":طب هانروح إمتي
مالك:لااا ياحبيبتي هي اللي هاتيجي النهارده عشان تظبطلك شكلك بدل مانتي وحشه كده
حور:وحشه؟انت اللي وحش يااارخم..وبعدين تظبطني لإيه أصلا
مالك:عشان العريس اللي جاي النهاردة يشوفك
حور:عريس؟عريس مين يامالك؟وأدم..انت اديتله كلمه
مالك:أدم ايه إنتي لسه فاكراه يابنتي
حور:أنا مابنساهوش أصلا..لأني بحبه يامالك..بحبه
مالك:بس أدم ماجاش يتقدملك أصلا
حور:بس قال هاييجي يبقي هاييحي
مالك:حور ماتتعبنيش معاكي أنا بشتغل طول عمري عشانك وعشان ماما هاتيجي تعصيني في الأخر؟
حور:لا يامالك بس..
لم تكمل جملتها وإذا به خرج مسرعاً من الغرفة
جلست تبكي وتدعو الله ألا يجعل أحد غير أدم زوجها..تبكي ولا تدري ماذا تفعل..
.......
وتين:خلاص ياحور فكي بوزك ده بقي..وبعدين لو ماعجبكيش نطفشه
حور:خلاص ياوتين أنا كويسه
دخل مالك الغرفة بعد أن سمحو له بالدخول قائلاً:ست البنات جهزت؟الراجل بقاله كتير قاعد
وتين"بخجل":خلاص خلصنا..تقدر تخرج دلوقتي
خرجت حور إليه ولم ترفع عينيها من الأرض قط حتي سمعت صوته قائلاً:حوريتي