أحفاد الجارحي.. 3 .. الوحش الثائر... للكاتبة أية محمد

الفصل الخامس عشر

الفصل الخامس عشر
دلفت للداخل بأرتباك حتى أنها تراجعت بقرارها فأستدارت بوجهها لهبوط الدرج فوجدته أمامها ....
خلع نظارته السوداء قائلا ببسمة بسيطة :_كنت عارف أنك هترجعى عشان كدا تعمدت أستانكى فى العربية
تلفتت من خلفها بتوتر ثم قالت بأرتباك :_أول مرة أحس أنى بعمل حاجة غلط
حازم بستغراب :_ليه !!
كبتت دموعها بأنتصار :_مش عارفه يمكن عشان بابا وماما بيكونوا على علم بتحركاتى والمرادى جيت من غير ما أعرف حد
تابع حديثها بأبتسامة متخفية فأخلاقها هى من صنعت لها جدال من هؤلاء ......
خلع نظارته قائلا بصوتٍ منخفض :_هما دقيقتين بس متقلقيش
أشارت له بستسلام ثم لحقت به للداخل ، جلست على الطاولة وعيناها تراقب الناس من حوالها ...
:_تشربي أيه ؟
قالها حازم وهو يتأمل خوفها بحزن
وضعت الحقيبه من يدها قائلة بأرتباك :_مش عايزه حاجه الله يخليك قولى الا عايزنى فيه عشان أمشى من هنا ..
حازم بتفهم :_أيه الا حصل بينك وبين نادر يخليه يحطك فى دماغك أوى كدا ؟
قالت بتنهيدة :_دخلى بطريق معاكسة وكالعادة طريقتى فى الرد معجبتوش فتقدملى ورفضته
كان يستمع لها بزهول فأردف بستغراب :_رفضتى ؟!
إبتسمت بسخرية :_نفس نظرة الكل لم عرف أنا ميهمنيش فلوسه ولا أملاكه ولا هو إبن مين أنا كل الا يهمنى الأخلاق الا هتهيأنى أعيش مع الشخص دا
كان يتابع حديثها بأعجاب فخرج صوته أخيراً :_نظرتى ليكى مش صدمة لانك رفضتيه بالعكس دي أعجاب أنا عارف دماغه كويس عشان كدا هكون ليكِ سند وهتشوفى
أنكمشت ملامحها بخوفٍ شديد فسترسل حديثه :_متخافيش صدقينى ميقدرش يعملك حاجه بعد كدا أرجعى الجامعه تانى ومتخافيش من حد
حملت الحقيبة والكتب قائلة ببعض الخوف :_ربنا يستر
وتوجهت للخروج وهو يتأملها بنظرات غامضة إلى أن أختفت من أمام عيناه ..
*******__________******
وقفت الطائرة أمام حلمها الدائم كان بعيداً عن عقلها للغاية وها هو يضعه أمام عيناها ..
أقتربت منه بصدمة والمفتاح يلمع بيدها ...
تطلعت له بفرحة ودمع يملأ عيناها فأشار لها برأسه بأن تستخدم المفتاح وبالفعل فعلت ....
دلفت للداخل بفرحه ليس لها مثيل فكم تمنت أن تساهم ببناء مكان ليحوى الطفل اليتيم وها هو معشوقها يلبئ لها الحلم بل أكبر منه ، أنشئ قصراً كبير للأطفال اليتامى أسمها يلمع على بابه الضخم" آية الرحمن " نعم أطلق عليه هذا الأسم نسبة لها ...
تخشبت قدماها محلها وهى تطلع المكان من حولها بفرحة ودمع يرفق سعادتها ، فجذبها ياسين لترى المكان من الداخل ..
تنقلت بين الغرف بسعادة كبيرة فهى سيكون مؤهل لأستقبال أكبر عدد ممكن من الأطفال كبرت سعادتها حينما وجدت مكان كبير مخصص لكبار السن ..
لم تقوى على الوقوف من الفرحة فجلست على الأريكة تتطلع له بدموع غزيرة ..
أنحنى على قدماه قائلا بقلق :_مالك ؟
تطلعت له بصمت وعينٍ متمردة على العشق ثم قالت بفرحة :_مش لقيه كلام أقولهولك يا ياسين
رفع يديه على وجهها قائلا بحنان :_متقوليش حاجه سعادتك دي عندي بالدنيا المكان دا هيكون تحت أدارتك أنتِ وأي حاجة تحتاجيها متتردديش ثانية واحدة أنك تطلبيها منى
إبتسمت قائلة بعشق :_ أجمل هدية فى حياتى كلها ربنا يحفظك ليا وميحرمنيش منك أبداً ..
إبتسم قائلا بخبث :_طب مش عايزة تعرفي المفتاح التانى بتاع أيه ؟
تنقلت بوجهها بالمكان قائلة بسعادة :_بصراحة المفاجأة دي نستنى كل حاجة أنت مش متخيل يا ياسين الأطفال اليتيمة دي بتتعذب فى حياتها اد أيه حتى الرسول (صلى الله عليه وسلم ) أوصانا بحسن معاملتهم وأنا كان حلمى أشارك بس ببناء يأويهم لكن أنت حققتلى أكتر من الحلم نفسه ..
أقترب منها قائلا بأبتسامة مازالت ثابته كحاله :_وطول ما فيا النفس هحققلك الا تتمنيه بس لو أقدر عليه
تعالت ضحكاتها قائلة بمرح :_عايزة أمنية كمان لو ممكن
أستمع إليها بعناية فأكملت بخبث :_أعمل معاك تحقيق وأسأل أسئلة كتيرة أووي كانت فى قلبي من سنين بس طبع حضرتك الهدوء والقوانين مسمحليش أنى أخد راحتى
تطلع لها بصمت ثم جذب جاكيته الموضوع على الأريكة المزخرفة بنقوش طفولية :_هبعتلك السواق يرجعك القصر
وتوجه للطائرة فأسرعت خلفه قائلة بضيق طفولى :_طب سؤال واحد بس
صعد للطائرة قائلا للطيار :_المدام هتفضل هنا أحنا الا هنتحرك
زمجرت قائلة بعصبية محفورة بهدوء :_معنديش ولا سؤال وهفضل ساكته
تنح جانباً عن المقعد مشيراً لها بخبث فصعدت بغضب طفولى ..
تحركت الطائرة للمكان الأخر ومازالت تلتزم الصمت شاردة فى هذا المكان الذي سيكون مرحبٍ للجميع فتطلعت له بعشق يجاهد للثبات ..
وقفت الطائرة على سطح شاسع للغاية فهبطت معه بزهول مما ترأه فالمكان ممتلأ بمزيج من الورود الحمراء والبيضاء فتح الباب الجانبي للبناء فدلفت خلفه لتجد درج فتسلقته خلفة لتجد بابٍ أخر ولكنه مغلق بأحكام ومفتاحه بيدها ..
رفعت يدها تفتحه بحماس وهو لجوارها يتأملها ببسمة غامضة ..
دلفت للداخل فوجدت غرفة مزينة بورود حمراء وشموع كثيرة مرتبة على أنحاء الغرفة بأنتظام ، لفت أنتباهها فستان يشبه لبس العروس باللون الأبيض موضوع على التخت فألتقته بأعجاب ، بحثت بعيناها عنه فوجدته يقف خلفها مستنداً بجسده على الحائط ، بتأملها بأيتسامة هادئة للغاية جعلتها تتورد خجلا ......
حملت الثوب وتوجهت لحمام الغرفة تاركة خلفها نظرات العاشق المتيم بها ، جلس على المقعد ينتظر خروجها بلهفة ليراها مجدداً بفستان زفاف بعد عمراً ..نعم يقال أن المرأة ترتديه مرة بالعمر أن كان زواج واحداً فقط وها هو يحطم القواعد والقوانين فيجعلها عروسه من جديد ...
خرجت من المرحاض بتوتر مازال يلاحقها بعد تلك السنوات لتجده يجلس أمامها وما أن رأها حتى وقف يتأملها بزهول ، فمازالت تحتفظ بجزء كبير من جمالها المخصص له هو ...
أقترب منها وعيناه تتركز على عيناها الذائبة بعشقه ، فرفع يديه يزيح خصلات شعرها المنثدرة على عيناها بحرية قائلا بعشق :_لسه زي مأنتِ
إبتسمت قائلة بخجل :_فى عيونك أنت بس
أقترب منها هامساً بجوار أذنيها :_عيونى مش شايفة ست غيرك أنتِ
تلاقت العينان وكذلك الأرواح بلقاء خاص برحلة عتيقة بالعشق المخصص لهم ...
*******__________******
بالقصر
دلفوا جميعاً للداخل فجلسوا بالقاعة بعد قضاء يوماً شاق حتى الفتيات جلسن معهم ..
دلف مازن للداخل قائلا بتعب شديد :_أنا كدا تمام أوى أروح بقا وأشوفكم بكرا أن شاء الله
رعد  بتصميم:_مش هتمشي غير لما تتعشا معانا روحى يا داليا أستعجلى الأكل
:_حاضر
قالتها داليا وهى تتجه للخروج ..
شذا بسعادة :_ها يا بنات قولولي عملتوا أيه ؟
مليكة بفرحة :_كله تمام
عمر بسخرية :_أه ياختى أدام فستانين يبقا كله تمام التمام
تعالت ضحكاتهم لتقطعهم دلوف مروج قائلة بمرح :_كل واحده كدا تقوم بهدوء وتورينى جابت أيه
أسيل بسخرية :_لو قدرتى تحركينا من مكانا هنديكى الا جبناه هدية ولا أيه يا بنات
شروق بتأييد :_ههههه والله معاكِ حق
تملكها الغضب فقالت بضيق :_شوفت مرات أبنك يا بابا
تعالت ضحكات عز قائلا بهدوء :_معاهم حق يابنتى دا مشوار يستحق أسالينى أنا طب أحمدوا ربنا أنها جيت كدا على غفلة وملجئتوش لمصمم والا حالتكم كانت هتكون تحت الصفر بشوية
يارا  بغضب:_ليه بقا أن شاء الله يا أستاذ عز
تعالت ضحكات أدهم فقال بسخرية :_أشرب يا عم عشان لسانك الطويل
حمزة بشماته :_صدقتينى يا يارا لما قولتلك أن عز مينفعكيش
تالين بغضب :_بلاش أنت يا حمزة
عدي بصدمة مما يحدث "_هى فى حرب بين الكبار كماان
رحمة :_هههههههههههههه
ياسين :_خلاص يا جماعه فوقوا  وبعد الفرح أبقوا كملوا دوركم دا
جلس عز ويارا والجميع بتفكير ثم صاح حمزة "_أنا مع الواد ياسين نصبر لحد بعد بكرا وبعدين نحل مشاكلنا ..
دينا :_مش هيكون فى مشاكل سبوهم النهارده يطلعوا الا جواهم قبل ما ياسين يرجع
نور :_ههههههههه والله أنا عامية بس كنت حاسه أن المهرجان دا بغياب ياسين الجارحي
تعالت ضحكاتهم جميعاً فأجابها أحمد مؤكداً :_عندك حق يا نور أنا كمان شكيت فى كدا
عز بغضب جامح :_أنتوا بتحفلوا علينا
معتز :_أبداً يا والدى أحنا نقدر بس يالا بدل ما الفرح يتلغى
أحمد  بجدية مصطنعه :_كله الا الفرح أنا أسف يا عمى
رحمة بتعبيرات غامضة:_الأعتراف بالحق فضيلة والأعتراف بالذنوب رزيلة ولازم نتناقش بالامر
عدي بصدمة :_أنتِ كويسة يا رحمة ؟
أجابته ببسمة واسعة للغاية :_جدااا طب أسمع دي
أيها القوووم ها قد تم الأجتماع الجادى من قصر ياسين الجارحي وقد تم التواصل لبعض القرارت الهامة لعدم وجود زعيم المافيا
:_رحمة
كان صوتٍ خافت من عمر ولكنها لم تستمع له فرفعت يديها تلزمه بالصمت وأكملت :_نعم نحدثكم الآن من قصر أقصد من منزل زعيم المافيا المختفى ليفسح المجال لهؤلاء الشعب بألتقاط أنفاسهم المكبوته
:_أه والله يابنتى
قالها حمزة بتشجيع فأسرعت مليكة برعب :_رحمة
لم تعبئ بهم  وأكملت قائلة بغرور "_لذا نحن الأدارة المستقبليه لأدارة الشئون القانونية نفتى بأن سلطة هذا المافيا أقصد القصر تعود ملكية عامه لشعب الجوارحى ونسبة لأنى الزوجة المستقبلية  للأبن البكر أعلن بأن هذا القصر مخصص بالأيام المنفردة من عدم وجود زعيم المافيا للشعب جميعاً والأيام الا هو موجود فيها تلتزم الهدوء والطاعة المخادعة حتى ننجو بحياتنا
جاسم بصدمة :_هو عاد في حياة بعد كدا
معتز وهو يبتلع ريقه بخوفٍ شديد :_الجرى أسرع طريقة من الا جاي
رائد :_وتفتكروا لو جرينا على فوق عمك مش هيجبنا
أحمد برعب :_وأحنا مالنا يا جدع هى الا قالت يبقا تتحمل هى والوحش الا هيحصل ..
رعد :_أنت عملت أيه فى البنت يا عدي ؟
عدي بصدمة :_والله ما جيت جامبها
رائد :_عمر أنت مش دكتور
عمر ومازال يحدق لها وهى تصعد على الطاولة بالقاعة :_معتقدش أنى هفيدك
أحمد :_نعم ياخويا
دلف يحيى من الخارج ومعه ملك بعد أن قضى اليوم معها بالخارج لينقى ما يلزمها للغد فوجد الجميع ينظرون بصدمة كبيرة على الطاولة الموضوعة بمنتصف القاعة ورحمة تقف عليها ..
يحيى بصدمة :_هو فى أيه
أستقبلته ببسمة واسعه قائلة بجدية :_أقعد بسرعة يا أنكل يحيى
ضيق عيناه بستغراب فأجابت ملك بزهول :_ليه يا رحمة ؟
أشارت لهم يارا فدلفوا للداخل وجلسوا على الاريكة ليروا ماذا هناك ؟
رحمة بمحاولات عديدة للتذكار :_أنا كنت بقول أيه ؟
مازن :_ننجو بحياتنا
رحمة بأبتسامة واسعه :_جزاك الله خيراً وكما قال أستاذ مازن ننجو بحياتنا فعلينا أن نوزع ابو عدي الا هو ياسين الجارحي خارج القصر اينما أستطاعنا
عمر بسخرية :_من ناحية التوزيع هيكون فيه بس أحنا مش هو
رانيا "_أيه الا حصل لرحمة
مليكة:_هههههه جنون ما قبل  الجواز
أسرع حمزة بالوقوف قائلا برعب :_غصب عننا يا غالى وخاليك فاكر أنا مغلطتش فيك أبداااا
أدهم بسخرية :_هو هيستانا لما لأخر الفيديو ؟!
رحمة بستغراب :_فيديو أيه ؟!
يحيى بأبتسامة جميلة :_مهو الكل بيحاول يفهمك يا حبيبتى القاعة دي تبع القصر الخارجى يعنى متراقبة بالكاميرات الا موجودة بمكتب رئيس المافيا  أقصد  ياسين
إبتلعت ريقها بخوف شديد وهى تنظر للكاميرا قائلة بأبتسامة واسعه :_مساء الخير يا أنكل دانا كنت بهزر
دينا:_هههههه بعد أيه يا حبيبتي ههههههههه
أحمد بسخرية :_فين الشجاعة بتاعتك
رحمة بغرور :_موجودة عشان كدا هدخل المكتب وأشفر الكاميرات بس حد يقولى استعمل الجهاز اذي ؟
جاسم بصدمة  :_ كمااااان
رائد :_هههههههه لا تعليق
معتز :_أنا من رأيئ المتواضع أنك تطلعى تريحى فوق شوية
رحمة بتأييد :_والله معاك حق تصبحوا على خير
لم يستطيع عمر كبت ضحكاته فصاح قائلا :_مش هتكملى النظرية
تطلع له عدي بنظرة جعلته يصمت قليلا ثم صاح بحزن :_ياعينى يا عدي مش هشوفك تانى فى الأوضة ؟ طب لما أتفزع من الأحلام المرعبة هلاقى مين جانبي
مازن :_يا ضنايا يا بنتى متعمليش كدا فى نفسك يا حبيبتي
جاسم :_ععهههعهههههه أنا لو منك أفضل وراه وراه
ياسين :_أستنى يا رحمة لازم تسمعى الكلمتين دول
عز بتأفف :_أنتوا بدءتوا
أدهم:_سبهم لسه ميعوفوش الا فيها خاليهم يضحكولهم يومين
:_تقصد أيه يا أدهم ؟
قالتها شذا بعين تنذر بالشرار
حمل يحيى حوريته قائلا بمرح :_طب تصبحوا على خير بقا
ملك بخجل :_يحيى أنت أتجننت ؟
يحيى :_أبقا مجنون لو فضلت معهم ثانية واحده
وصعد للاعلى فقال مازن لياسين بصدمة :_الحركة الا أبوك عاملها دي لو فضلت مية سنة معرفش أعملها وهو فوق الأربعين وعملها أذي معرفش ؟؟!!
ياسين بغضب :_يعنى أنت سبت كل ده ومركزتش غير مع أبويا وأمي
مازن :_أينعم
كاد أن يجيبه ولكن صوت الخلاف بينهم تعال وكالعادة حاول رعد الفصل بينهم وحينما فشل جذب حوريته وتوجه للاعلى واتابعه عز سريعاً قبل أن تقلب يارا مثلما فعلت شذا ...
تأفف عدي قائلا بنفاذ صبر "_هو أنا هحل المشاكل للكبار ولا لمين بالظبط
حمزة بسخرية :_للاتنين وبعدين أنت خليفة أبوك لازم تعتاد على الاتنين
تطلع له بهدوء ثم جلس يستمع لهم بصمتٍ قاتل ...
شذا:_أنت شايف حياتك معايا بالطريقة دي ؟
أدهم :_مقولتش كدا يا حبيبتي
شذا :_لا قولت
=مقولتش
_بس كلامك معناه كدااا
=شوفتى أديكى قولتى معناااه يبقى مقولتش
كان الهدوء مخيم على الجميع يتابعون ما يحدث بصمتٍ قاتل  ...
جذب جاسم فاكهة من أمامه وتناولها دون أكتثار لما يحدث
معتز بغضب :_أنت بتأكل وسايب أبوك وامك بالشكل دا ؟
جاسم ببرود :_أعتبرهم أهلك وحل المشكله
قتله الصمت بعدما استمع لتلك الجملة كانها تذكار له بمشاجرات والده ....
شذا بغضب:_ أنت قصدت يا ادهم
حمزة :_أينعم قصد الكلام يا شذا بس دا ميمنعش انه بفعل التجربة يا ماما
تالين بغضب :_حمزة انت بتهدى بينهم ولا بتشعلل
حمزة :_ودا شيء يخصك الله انا بتكلم مع شذا
شذا :_ ابعد عنى يا ادهم
تالين :_ بتتكلم مع شذا اذي يعنى
ادهم :_ طب اسمعينى بس يا قلبي
حمزة :_والله انت ....
وكاد ان يكمل جملته فتخشبوا جميعاً على صراخ عدي :_بسسسسسسسسس أيه داااا فى كدااا ؟؟؟!!
أنا مش حاسس بدماغى حرام الا بيحصل دا والله .
وتركهم وصعد للاعلى ..حمزة بحزن :_ياعينى يابنى اتعقد فى الجواز يالا أنشالله محدش حوش  كنا بنقول ايه يا توتو ؟
تطلعت له تالين بغضب شديد ثم صاحت لاحمد :_شايف ابوك يا احمد
هرول احمد سريعاً للاعلى قائلا :_مشفتش ومش عايز اشوف تصبحوا على خير
جاسم :_خدنى معاااك
معتز :_ يالا يا شروق أوصلك الوقت اتاخر جدااا
نور "_يالا نطلع يا رحمة
مازن :_ايه دا كله خلع طب انا هروح فين ؟
ياسين :_تعال بات معايا بدل ما تروح وتيجى الصبح
مازن :_لا هروح
هرول ياسين للاعلى قائلا بلا مبالة :_وقعت لقدرك
مروج :_يالا يا داليا يالا يا مليكة وهاتوا اسيل وراكم
داليا :_والعشا ؟!
مليكة "_خاليهم يطلعوه فى الغرف
تطلع حمزة لادهم وشذا فحسموا الامر وصعدوا للاعلى بعدما فضوا النزاع ولحقت بهم تالين ..
حمزة بفرح لوجود مازن :_حبيب قلبي يا ميزو
مازن بخوف :_حبيبي يا عمى
وضع يديه على كتفيه فأبتلع ريقه بخوف شديد قائلا بهمس :_ياسين
حمزة  ؛_قولى يا ميزو ليه متجوزتش لحد دلوقتى او مرتبطتش
مازن برعب :_لا انا كدا قشطة
حمزة :_طب مبتفكرش
مازن :_نعممم ياااااسين
حمزة :_سبك منه وقولى ليه مبتفكرش تتجوز وتستقر اكيد فى حاجة كدا ولا كدا تفكيري صح
مازن بصوت مرتفع :_أنت يا زفت ..
حمزة :_طب مش بتفكر تكون مستقبل من الاطفال انا بس بطمن عليك يا حبيبي نظراً لتدهور الاحوال اليومين دول
مازن بصدمة :_أيه ؟!
حمزة بتأكيد :_أيوا ذي ما بقولك كدااا عشان كدا لازم تخضع لأختبار كارمان اصل كارما توفت وهى بتولد يعين أمها خاليك هنا يا حبيبي هروح اجيبها وجااي
:_تجيب مييين ؟
قالها مازن بفزع ولكن ما أن أختفى من امامه حتى هرول للخروج فتعثر بحازم
حازم بغضب :_مش تفتح
مازن :_خرجنى من هنا بسرعة الله يكرمك
حازم بستغراب :_عفريت صح ؟
مازن :_لا دا أبوك
حازم بصدمة :_ماله ؟مااات ؟!!
مازن بصدمة :_ياررربي خدنى وريحنى من العيلة دي بص والله مأنا مروح هطلع ابات مع ياسين أو جاسم
وهرول مازن للأعلى بسرعة الريح
حازم بستغراب :_ماله الواد دا أتجنن ولا أيه ؟
وتوجه للأعلى ليجد والده يخرج من الغرفة
حازم بأبتسامة واسعه :_أيه دا أنت لسه صاحى يا حوزو
حمزة بستغراب :_لا دا خيالي فين مازن ؟
حازم بستغراب :_جرى على فوق بين كدا خايف من حاجه
حمزة بغرور :_كنت متأكد أن فى حاجة مش طبيعية
حازم بعدم فهم:_حاجه ذي أيه ؟
حمزة بفرحة :_مش مهم المهم أنه ماليش نصيب والنصيب دا جيه من نصيب مين ؟
حازم بسخرية :_أيه كمية الأناصيب دي يا والدى والله أنا ساعات مش بفهمك
حمزة بغرور :_محدش بيتوقعنى عشان تفهمنى يالا سلم على كارمان
حازم بزهول :_مين دي ؟ هو حد من ولاد عمى جاب مزز تانى ؟
حمزة بسخرية :_لا دي مزتى أنا يا غبي
وضع حازم يديه على فم حمزة مسرعاً قائلا بغضب :_الكلام مش هنا توتو تسمعك وترفع عليك قضية خلع
ثم أزاح يديه قائلا ببسمة عريضة :_بتشوفها فين وأمته وشكلها أيه المزة دي
حمزة بأبتسامة عريضة :_بشوفها كل يوم وهنا وشكلها بيضة وعيونها رمادى و..
قاطعه قائلا بحماس :_بسس كفايااا عرفتى بقا عليها
:_طب ممكن ترجع ورا شوية
قالها حمزة بأختناق بعدما حاول حازم اخماد صوته ظناً بأن احداً سيسمع حديثهم ..
تراجع للخلف قائلا بأبتسامة واسعه وعيناه على الغرفة :_كنت متأكد ان فى حاجه مش طبيعيه بالاوضه دي
ثم رفع يديه يعدل من شعره وقميصه قائلا بغرور :_يالا ناديها بسرعة
:_وأناديها ليه وهى فى أيدي
قالها حمزة بعدما رفع ما كانت بجيبه
استدار حازم والزهول على وجهه فكيف لفتاة ان تكون بيديه ولكن هنا الصدمة الكبري ...تخشب محله فلم يستطيع الحركة حتى عيناه سكنت محلها من الصدمة وما فتك به حينما وضعها حمزة بين يديه فرفع عيناه عليه تارة ثم على من تقبع بيديه تارة اخرى ثم حسم الامر فصاح بصوت زلزل مملكة الجارحي :_لااااااااااااااااااااااااااااااااااااا
ألحقوووووووووووووووونى
لااااااااااااااااا
ثم ركض مسرعاً يصرخ بقوة ثم يرى من بيده فيصرخ بقوة أكبر لم يستطيع أن يتركها من يديه فالصدمة افقدته عقله ..
حمزة بزهول :_لا حولة ولا قوة الا بالله ابنى كمان محتاج علاج مع ميزو
صعد للأعلى ثم هرول للغرف الخاصة بالشباب يصرخ بقوة ..
خرج احمد من غرفته بعدما طرقها حازم بقوة فوجد أخيه يهرول ويطرق الغرف بقوة كالمجنون 
خرج جاسم ومازن ورائد وعدي وعمر على صوت الطرق الشديد فوجدوا حازم يصرخ بقوة كبيرة ويصعد على الاريكة ثم المقعد وهو فى حالة من الصراخ المريب ثم حسم اموره بالانهيار فوقع ارضاً وهو يحمل الفأرة بين يديه ..ألحقوووووونى يا بشررر ......لاااااااااااا ....
اقتربوا جميعاً منه ليروا ماذا هناك فوجدوا بيده فأرة كبيرة بيضاء ..
جاسم بغضب :_جبتها منين دي يالا
مازن بصدمة :_الله يقرفك
معتز بغضب :_يلعن أبو شكلك يا حيوان كنت خلاص قربت أنام
أحمد بنوم :_انا كنت تقريباً نمت
تطلع جاسم لصدره العاري قائلا بتأكيد :_ماهو بين
مازن بغضب :_أنا مروح أبات فى بيتى بكرامتى أنتوا عيلة مخبولة
رائد بغضب :_فى أيه يا حيوان 
حازم :_ أنقذووونى الأول  وبعدين اشتمووووا
عمر "_طب جبت البتاع دي منين ودفشها عمر بقدمياه
خرجت الفتيات لترى ماذا هناك ؟
فصرخن بقوة حينما القى عمر ما يكمن به النصيب عليهم ..
لم تتمالك أسيل اعصابها فسقطت مغشى عليها وظلت داليا ومليكة ومروج تصرخان بقوة ..خرجت رحمة ونور ليروا ماذا هناك ؟ فتخشبت رحمة محلها وتقدمت نور قائلة بستغراب :_فى أيه ؟؟
وقف حازم يتطلع ليديه فوجدها فارغة فطاف بنظره ليجدها تقترب منه فصاح قائلا بصراخ :_فاااااااااار
ما أن أستمعت نور لتلك الكلمة حتى صرخت هى الاخرى وظلت المعركة كالأتى ..
حازم يصرخ ويطوف حول أخيه والجميع بكلمة فأااار
ورحمة تحاول أستيعاب ما ترأه
ونور تصرخ بقوة وتتجه لأى من الغرف بأستخدام يدها .
وياسين ورائد يتطلع للجميع بصدمة وزهول ..
مليكة وداليا هرولوا لغرف يحيى فدلفوا للداخل واغلقوا الباب ..
أحمد حمل أسيل وتوجه للداخل .
مروج تصرخ تارة وتستوعب تارة اخرى ...
وما كان من عدي الا أنه لكم حازم بقوة ففقد الوعى ....
خرج رعد ويحيى وعز للخارج ليروا ماذا هناك ؟ فتصمنوا محلهم لنضع عنوان مميز الفأرة التى هزت عرش الجارحي ...
****_________****
خرجت معه للشرفة تتامل هذا المظهر الجذاب بين يديه لحظة شروق الشمس بنورها الذهبي كأنه يخبرها بأنها مثلها تنير ظلمات القلب سكنت بين أحضانه تتأمل ما حولها بسعادة ..
فحان وقت العودة للقصر لتتابع ترتيبات الزفاف وحان الوقت لنحسم الأحداث المزلزلة لاحفاد الجارحي فى أطار ألغاز ومجهول صادم للجميع أنتظرونى فى حلقة جديدة بعنوان #طوفان_العشق من أحفاد الجارحي 3  (الوحش الثائر )
#بقلمى_ملكة_الابداع
#آية_محمد_رفعت ..
ملحوظة هااااامة جدااااااااااا
الحلقة النهاردة قصيرة عن قصد النهاردة حبيت معكننش عليكم عشان كدا جبتلكم جزء كومدي عشان بحبكم 😂😃كدا بقا دخلنا فى الجد وربنا يتولانا الحق اجري بقا  😂😂😂😂
*****_____________******