بلاصة الشقة كانت تتمتع بإطلالة روعة😍، غير تدخل ليها تحس بنسيم البحر الهادي والمنعش يقيسك ف وجهك😋😋.كانت شذى طول تنوض ع ال5تا الصباح دير فطور خفيف وتفتح باب البالكون تا الشقة لي كانت ف الطابق الخامس والاخير برغم انها تخاف من المرتفعات و البلايص العالية من صغرها مي معندهاش حل آخر ف يدها باسكو ادي كانت الدار الوحيدة لي حسستها بالأمان وقربتها من عايلتها ومام كانت مليحة ف سومتها يعني تساعدها مش غالية ع شهريتها لي كانت تجيبها بعد جهد طويل ف شركة من شركات التجارة💰📓📚 وتصنيع الالكترونيات الهامة💻📟.
من عوايدها اليومية انو تقعد ع كرسيها الهزاز وتفطر وهي تسمع لأغنية فيروز وساعات تغني معاها:#" يسعد صباحك يا حلو وعدك النا ماتبدله"# تستمتع بنسمات الهوا الباردة وتلعبلها بشعرها الطويل الحريري ، تشرب ف قهوتها وهي مغمضة عينيها وغارقة ف عذوبة صوت فيروز🎼🎵🎶 مع ريحة قهوتها وصوت البحر كي يخبط ف الروشيات خاصة خاصة ف شهر ديسمبر يكون صوت خبيط الماء عالي بزاف بسباب تأثير الجو ع البحر قاعدة وتستمتع بهذا المنظر الخلاب حتى يخلص فنجان قهوتها☕...
تقرا ف الجريدة اليومية📰 بالخف وتشوف مع تلفونها ومساجاتها كالعادة طالعة هابطة مي حبست عند رسالة خلاتها تحس بالرجفة ف قلبها وهي معلبالهاش اسكو ادي الرجفة من الفرحة ولا من الضيق مي ليسونسيال خلاتها الرسالة ادي تتبسم تبسيمة حنينة وقالت وهي تشوف ف التلفون: وصباحك كيف يا بقلاوة😍😍😊....حطت تلفونها قدامها وراحت توجد روحها باه تروح للخدمة،مي حاسة بإحساس غريب ، حاسة بقلبها ضياق عليها ووجعها كلما تحاول تستعيذ من الشيطان
تروح اديك الغمة ومبعد يزيد يرجعلها. حتى خلص النهار.
أنت تقرأ
💔لم يعد قلبي يخفق لك💥
Fanfictionقصة حب جمعتهما لخمسة أعوام كانت له فيها نعم الصديقة والحبيبة رافقت دربه الطويلة بكل مشقاته ومغرياته وكان لها كذلك واكثر، حلمابحياة وردية وخططا للمستقبل معا، لكن هل الأقدار ستهبنا الإحترام دائما؟... ادا وش رح نعرفوه ف القصة ادي نتمنى تنال إعجاب...